Elkartze akordioa bertan behera uzteko gehiengo faltaren aurrean, Kallas Israelen aurkako neurri komertzialen alde agertu da
Joan den irailean, Europako Batzordeak akordioaren merkataritza-puntu jakin batzuk etetea proposatu zuen. Erabaki horrek gehiengo kualifikatua baino ez du eskatzen, eta ez dakar ituna erabat haustea.
Europar Batasuneko Atzerri Politika eta Segurtasunerako goi-ordezkari Kaja Kallasek astelehen honetan esan duenez, EBko zenbait herrialdek mahai gainean jarri dute Israelekin adostutako elkartze akordioa bertan behera uzteko aukera. Gaia astearte honetan Atzerri ministroek egingo duten bileran eztabaidatzea aurreikusten da.
Izan ere, joan den ostiralean, Espainiak, Irlandak eta Esloveniak Israelekin duten elkartze akordioari buruzko eztabaida formala eskatu zuten. Eskaera horrekin "ekintza guztiak mahai gainean" jarriko lituzkete, Benjamin Netanyahuren Gobernuak hartutako neurriei eta egindako jarduerei erantzunez.
Irailean, Europako Batzordeak proposatu zuen Israelekin duten elkartze akordioaren merkataritza-puntu jakin batzuk bertan behera uztea. Erabaki horrek gehiengo kualifikatua baino ez du eskatzen, eta ez dakar ituna erabat haustea.
Gainera, Netanyahuren bi ministro, Bezalel Smotrich eta Itamar Ben-Gvir, eta hainbat kolono gogr zigortzea proposatu zuen, baina hori ere aho batez onartu beharko litzateke.
Bruselak Aliantza Globalaren beste bilera bat hartu du astelehen honetan, Israel-Palestina gatazka bideratzeko bi estatuen irtenbidea ezartzeko. Aliantza hori EBk eta herrialde arabiarrek bultzatu zuten 2024ko irailean, Nazio Batuen Batzar Nagusi batean, Palestinako Estatua sor dadin bultzatzeko eta horretan aurrera egiteko helburuarekin.
Mohamed Mustafa Palestinako lehen ministroa eta Christophe Bigot EBko Ekialde Hurbileko bake prozesurako ordezkari berezia ere bertan izan dira.
Gainera, Kallas Palestinarako Lotura Batzordearen buru izan da astelehen honetan Espen Barth Eide Norvegiako Atzerri ministroarekin batera. Batzorde horrek palestinarrei eta Palestinako Agintaritzari nazioarteko laguntza ematea koordinatzen du.
Gazako zerrendan urriaren 10ean indarrean sartu zen su-etena hasi zenetik sei hilabete baino gehiago igaro direnean bildu dira ordezkari politikoak, baina, praktikan, horrek ez du esan nahi Israelek palestinarrei egindako erasoak bertan behera utziko dituenik, ezta elikagaiak eta premia handiko beste produktu batzuk (hala nola sendagaiak) herrialdera sartuko direnik ere.
Zure interesekoa izan daiteke
Ebolagatik hildakoak 100 baino gehiago dira Afrikako Batasunaren arabera, eta larrialdi kontinentala ezarri du
Afrikako Batasuneko osasun publikoko agentziak ohartarazi duenez, ebola agerraldia Kongoko Errepublika Demokratikoko ingurune konplexu batean atzeman dute: mugikortasun handiko ingurua da eta osasun sistema, berriz, ahula.
Munduko Osasunaren Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Munduko egoera zeharo aldatu da hamar urtean: zatiketa nabarmenagoa, zor handiagoa eta herritarrak babesteko gaitasun txikiagoa dago. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981tik hona izandako kopururik handienera iritsi arte
2.707 kasu erregistratu ziren 2025ean, erakundeak 44 urtetan erregistratutako kopururik handiena. Exekuzio horien ia % 80 Iranen burutu ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.