'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.
Kanadan, Columbia Britainiarreko Gobernuak larunbat honetan jakitera eman duenez, MV Hondius gurutzaontzian bidaiatu zuen kanadar batek positibo eman du hantabirusean.
Gaixoa Victoriako ospitale batean ari dira zaintzen, Vancouverren, Kanadako mendebaldean. Sintoma arinak ditu eta "egonkor dago" Gobernuko iturriek jakitera eman dutenez.
MV Hondiusetik lehorreratu ondoren Vancuverreko uhartean isolatuta dauden lau kanadarretako bat da positibo eman duena.
Gobernuko iturriek adierazi dutenez, lau pertsonek ez dute harremanik izan bestelako herritarrekin, Kanadara eraman zituen hegalditik Victoria ospitalera eraman baitzituzten.
Osasunaren Mundu Erakundeak 11 kasu positibo zituen baieztatuta orain arte, baina gaur jakitera eman den positiboarekin jada 12 dira agerraldi honekin lotutako positiboak.
Tedros Adhanom OMEko arduradunak duela egun batzuk azaldu zuenez, agerraldi honen aurrean osasun globalerako arriskuaren ebaluazioa "txikia da", eta ez dago larriagoa izango denik adierazten duen ezer, baina, era berean, onartu zuen kasu gehiago ager zitezkeela, birusak 6 eta 8 aste arteko inkubazio-aldia duelako: "Inkubazio-aldi oso altua duen birus baten aurrean gaudela kontuan hartuta, litekeena da hurrengo asteetan kasu gehiago detektatzea", aitortu zuen.
Hantabirusa duen gaixo espainiarra egonkor dago eta hobetzen jarraitzen du
Bestalde, Madrilgo Gomez Ulla ospitalean dagoen paziente espainiarrak egonkor jarraitzen du eta hobera egiten ari da, eta berarekin batera ospitalera eraman zituzten beste 13 bidaiariek isolatuta, eta sintomarik gabe jarraitzen dute, Espainiako Osasun Ministerioko iturriek larunbat honetan jakitera eman dutenez.
Frantzian oso larri zegoen emakumearen berri ez da zabaldu azken orduetan. 65 urte ditu eta egoera kritikoan zegoen aste erdi aldera.
Zure interesekoa izan daiteke
NATOren goi-bileraren ostean Espainia "oso eskuzabal" aritu dela esan du Trumpek
Estatu Batuetako presidenteak ziurtatu duenez, Espainiako Gobernuak Aliantza Atlantikoaren "ordainketa ugari" egiteko eskaerari erantzun dio, eta aliatuek Ankaran egindako bileraren ostean erakutsitako batasuna goraipatu du.
AEBek 90 helburu militar inguru bonbardatu dituzte Iranen, eta Teheranek base estatubatuarrei eraso egin die
Washingtonek Iranen aurkako beste erasoaldi militar baten berri eman du, esan dutenez, Teheranek Ormuzeko itsasartean merkataritza-ontzien aurka egindako erasoei erantzuteko. Iranek dio operazioak su-eten iraunkorra urratu duela.
Koro Barriolaren gorpua aurkitu dute Venezuelan, hondakinen artean hildako hirugarren euskalduna
81 urte zituen eta donostiarra zen; Alazne Solabarrieta eta Jon Sustacharen gorpuak aurkitu zituzten aurretik.
"Espainiarekin alferrik da": Trumpek merkataritza guztia eteteko mehatxua egin du
AEBko presidenteak merkataritza-trukeak hausteko asmoa agertu du Espainiak gastu militarra igotzeari uko egin ondotik; Espainiako Gobernuak, berriz, "lasaitasunez eta normaltasunez" hartu du mehatxua.
Trumpek amaitutzat eman du Iranekin adostutako su-etena eta dio ez duela gehiago negoziatu nahi
Donald Trump AEBko presidenteak Ankaran adierazi duenez, Iranekin adostutako su-eten akordioa "amaitu da", eta baztertu egin du negoziazioekin jarraitzea, herrialdea "gaixo, gaizto eta bortitzek zuzentzen" dutela iritzita.
AEBren erasoei "erantzun irmoa" emango diela mehatxatu du Iranek, eta Bahrainek eta Kuwaitek alarmak piztu dituzte
Irango agintariek salatu dutenez, AEBko bonbardaketek hautsi egin dute ekainean lortutako su-eten akordioa, eta Ameriketako Estatu Batuek diote Ormuzeko itsasartean ontzi komertzialen aurka egindako erasoei erantzun zietela.
Marine Le Pen hauteskundeetara aurkeztuko da, Justiziak zigorra murriztu ostean
Iazko martxoan, kargu publikoan aritzeko bost urteko inhabilitazioa eta lau urteko espetxe zigorra ezarri zioten politikari ultraeskuindarrari, diru publikoa bidegabe erabiltzeagatik. Orain, zigor hori hiru urteko espetxe zigorrera eta 15 hilabeteko inhabilitaziora murriztuta geratu da eta ultraeskuineko liderrak iragarri du hauteskundeetan lehian arituko dela.
Politikaren itzala futbolean: Mussolini, Trump eta beste zenbait adibide
Balogunen indultuak mundu mailako oihartzuna izan du; Munduko Kopetan antzeko kasu gehiago izan dira.
Macronek Damaskora egiten ari den bidaiaren agendari eutsiko dio, bere hotelaren ondoan leherketa batzuk izan arren
Bi leherketa gogor izan dira astearte honetan Damaskon, Emmanuel Macron Frantziako presidenteak Siriako hiriburura egindako bisitarekin bat eginez. Agintarien esanetan, badira guxtienez 18 zauritu.
NATO osatzen duten herrialdeetako buruzagiak bilduko dira Ankaran, defentsa gastua eta Ukraina hizpide hartuta
Trump eta aliatu europarren arteko tentsio betean egingo da NATOren goi bilera, presidente estatubatuarrak defentsan gastu nahikorik ez egitea leporatzen baitie. Iazko goi bileran 2035erako defentsa gastua Barne Produktu Gordinaren % 5era handitzea adostu zuten.