Trumpek NATOko aliatu europarrak kritikatu ditu, Irango gerran AEBri ez laguntzeagatik
NATOk Ankaran abiatu duen goi-bilerak agerian utzi ditu Estatu Batuen eta gainerako aliatuen arteko desadostasunak. AEBko presidenteak ohartarazi du estatubatuarrek Aliantza Atlantikoari egiten dioten ekarpena "zalantzan" egon daitekeela.
Ankaran (Turkia) gaur eta bihar egingo den NATOren goi-bilerara iristearekin bat, Europako aliatuen kontra hitz egin du Donald Trump Ameriketako Estatu Batuetako presidenteak. Zehazki, Erresuma Batuaren, Alemaniaren, Italiaren eta Frantziaren jarrera kritikatu du, Iranen aurkako gerran ez diotelako laguntzarik eman AEBri.
Recep Tayip Erdogan Turkiako presidentearekin bildu ondoren egin ditu hitzok Trumpek, eta aditzera eman du NATOri estatubatuarrek egindako ekarpena "zalantzan" egon daitekeela. "Zertarako xahutuko ditugu milioika dolar, behar dugunean inork lagunduko ez badigu?", galdetu du.
Giorgia Meloni Italiako lehen ministroari buruz ere hitz egin du. "Pertsona ona" izan arren, Irango gerraren testuinguruan "akatsa" egin zuela ziurtatu du, eta horrek bi herrialdeen arteko harremanari "kalte" egin ziola.
Adierazpenokin, agerian geratu da Trumpek Europako hainbat buruzagirekin dituen desadostasunek berebiziko pisua izango dutela NATOren goi-bileran. Hitzorduaren helburuetako bat da aliatuek gastu militarrera bideratutako ekarpenak handitzea, "segurtasuna indartzeko".
Mark Rutteren agerraldia
Hain zuzen, gastu militarraren inguruan, Mark Rutte NATOko idazkari nagusiak Aliantza Atlantikoko kideei ohartarazi die Errusiaren, Txinaren eta Ipar Korearen arteko "elkarlana" geroz eta handiagoa dela defentsaren alorrean, eta horrek "alarmak piztea" eragin beharko liekeela aliatuei. "Defentsaren industrian iraultza" egiteko deia egin die, ekialdeko indarrei aurre egiteko.
Ruttek mahai gainean jarri duen proposamenak Aliantzaren eta defentsarako industriaren arteko "lankidetza" eskatzen du. Esan duenez, "ekoizpen militarra" areagotzea da bidea, "taldearen segurtasuna" bermatzeko. Horretarako, alde guztien "konpromisoa" ezinbestekoa dela gehitu du.
Iaz Herbehereetan egindako goi-bileran adostutakoa ekarri du gogora NATOko arduradunak: herrialde bakoitzak Barne Produktu Gordinaren % 5 defentsa gastuetara bideratzea erabaki zutela azaldu du, diru horrekin "defentsarako ahalmena" indartzeko.
Azken urtebetean, Aliantzako 32 kidek orotara 32.000 milioi euro bideratu dituzte defentsarako industriara.
Zure interesekoa izan daiteke
Ceutako krisia bideratzeko Segurtasun Nazionaleko Kontseiluaren ezohiko bilera eta aginte bakarra deitu du Sanchezek astearte honetarako
Diputatuen Kongresuak asteazkenean eztabaidatuko du Espainiako presidentea migrazio krisiari buruzko agerraldia egin behar duen ala ez eta 10 ministro deitzen dituenetz.
Udal eta foru hauteskundeetarako eta Nafarroako Parlamenturako prozesua prestatzen ari da EH Bildu
Bere oinarriei dei egin die "parte har dezaten eta ezkerreko soberanismoaren eskaintza politiko eta elektorala osatzeko lanaren parte izan daitezen, erronkaren tamainako anbizioarekin".
Saizek Feijooren aurka egin du Ceutan konfinamendua eskatzeagatik: "Xenofobia da kutsakorra"
Elma Saiz Inklusio, Gizarte Segurantza eta Migrazio ministroaren arabera, Alberto Nuñez Feijoo PPren presidenteak Ceuta konfinatzeko eskatu izana "arduragabekeria larria" da, ez baitago kutsatzeko arriskurik, eta buruzagi popularraren "ezjakintasuna" kritikatu du.
EAJk Frantziarekin hitz egiteko eskatu dio Espainiako Gobernuari, Irungo trafikoaren "itogunea" konpontzeko
Halaber, Cristina Laborda Irungo alkatearen "demagogia" kritikatu du, eta adierazi du arazoa ez dela "errepide gutxi" dagoela, baizik eta Frantziak muga "itogune" bihurtu duela herria.
Pradalesek humanismoaren alde egin du ziurgabetasunaren aurrean, Euskadiren "euskarri sendoena" delakoan
Lehendakariak Jose Maria Arizmendiarrieta, euskal kooperatiben mugimenduaren sortzailea, eta Jose Antonio Agirre lehendakaria aipatu ditu humanismoaren erreferente gisa, eta kontzeptu hori eguneratzea beharrezkotzat jo du.
Eusko Jaurlaritzak ostegunean hasiko du urte politiko berria
Besteak beste, etxebizitzaren prezioak, Osakidetzako itxaron-zerrendek, transferentziek eta erreforma fiskalak markatuko dute agertoki politikoa udazkenean.
Valcalderan fusilatutakoak omendu dituzte Iruñean eta Cadreitan, 90 urte betetzen direnean
1936an, agintari militarrek 52 preso errepublikano atera zituzten Iruñeko kartzelatik, askatuko zituztelako aitzakian, baina hil egin zituzten. Bederatzi hamarkada geroago, ez dakite non dauden haien gorpuzkiak.
Ceutan konfinamendua ezartzeko eskatu dio Feijook Sanchezi "osasun arriskuagatik"
Alberto Nuñez Feijoo PPko buruak Ceutan konfinamendua ezartzeko eskatu dio Pedro Sanchez Espainiako Gobernuko presidenteari, uztailaren amaieran migratzaileak masiboki sartu ostean atzeman diren gaixotasun infekzioso eta kutsakorrak direla eta. Horren hitzetan, sarna eta tuberkulosi kasuak daude eta "osasun-arriskua" dago.
Bizirik dauden migratzaileak eta hildakoen gorpuak aberriratzeko eskatu dio Marokok Espainiari
Marokoko Justizia ministroak Espainiarekin akordio bat sinatzeko eskatu du, eta ziurtatu du Maroko prest dagoela autobusak Ceutara bidaltzeko, bizirik dauden migatzaileak hartzeko.
Gorenak atzera bota du ministroak abuztuan Senatuan agertzera behartzeko PPk egindako premiazko eskaera, Ceutako krisia dela eta
Nuñez Feijook Gobernuari eskatu dio baimena eman diezaiola Felipe VI.ari hiri autonomoa bisitatzeko, erregeak “Ceutara joan nahi duelako hala dagokiolako”.