240 hildakotik gora eta 2.500 zauritu baino gehiago, Kolonbia astindu duen lurrikararen ondorioz
Ehundaka eraikin kolapsatu dira, ospitaleak gainezka daude, aireportu batzuk itxi eta etxeratze aginduak ezarri dituzte, erreskate lanei ekiten dieten bitartean.
Gutxienez 240 pertsona hil eta 2.500 baino gehiago zauritu dira Kolonbia astindu duen 7,4 graduko lurrikararen ondorioz; izan ere, ehundaka eraikin kolapsatu dira, ospitaleak gainezka geratu dira eta hainbat aireportu itxi behar izan dituzte.
Valle del Caucako udalerrietan (hego-mendebaldea), gobernazioaren behin-behineko datuen arabera, 35 pertsona hil dira; Calin, inguruko hiriburuan, berriz, 95. Risaraldan (erdialdea), berriz, 90, Israel Londoño eskualdeko Gobernu idazkariak jakinarazi duenez.
Gainera, 14 pertsona hil dira Choco departamenduan (mendebaldea), lurrikararen epizentroan, Diana Carolina Cordoba-Nuri gobernadorearen arabera. Bestalde, Caldaseko Gobernazioak (erdialdea) sei hildakoren berri eman du.
Pereira, Cali, Quibdo, Manizales eta Armenia lurrikarak gehien kolpatu dituen hirien artean daude. Ondorioz, Abelardo de la Espriella presidenteak "hondamendi nazionala" deklaratu behar izan du. Halaber, Calin eta Pereiran etxeratze aginduak ezarri dituzte.
Non eta noiz gertatu zen lurrikara?
Lurrikara 07:34an gertatu zen (12:34 GMT), eta epizentroa San Jose del Palmarren izan zen, Choco departamentuan, 103 kilometroko sakoneran, Kolonbiako Geologia Zerbitzuaren arabera.
Mugimendu telurikoa Bogotan, Calin, Popayanen, Manizalesen, Armenian, Pereiran, Medellinen eta herrialdearen erdialdeko eta mendebaldeko beste hiri batzuetan igarri zen, baita Ekuadorren, Panaman eta Venezuelan ere.
Zure interesekoa izan daiteke
Zentro-ezkerreko oposizioak garaipen estua lortu du Suedian, baina emaitza ez da ziurra oraindik
Hiru eserlekuren aldea baino ez du, 176 173ren kontra, eta ostiralerako espero da behin betiko emaitza, atzerritik iritsitako botoak zenbatuta. Ultraeskuinak indarra galdu du, eta Alderdi Kontserbadorearen atzetik geratu da.
Eskozia, Gales eta Ipar Irlandako liderrek independentziaren aldeko memorandum bat sinatuko dute gaur
Trumpek Irlandaren bateratzea laster gertatuko dela esan eta biharamunean iritsi da iragarpena. AEBko presidentearen adierazpenak oso kritikatuak izan dira Erresuma Batuan.
Zentro-ezkerreko oposizioko blokeak irabazi ditu Suediako hauteskundeak, inkesten arabera
Zentro-ezkerrak botoen % 51,3 eskuratu ditu eta Ulf Kristersson lehen ministro kontserbadoreak, berriz, % 46,8, SVT telebista publikoak egindako inkesta baten arabera.
AEBko Kongresuko demokratek IAren garapena geldotu nahi dute, sektoreko buruen alarmaren ostean, baina Trumpek esan du ez dela "gertatuko"
Asteartean bilera egingo dute Behe Ganberako demokratek, eta bertan "lehentasun garrantzitsu bat adimen artifizialaren inguruko ekintza izango da", aurreratu dute.
500 kolono israeldar inguru sartu dira Al Aksa meskitara juduen Urteberriko ospakizunetan
1967tik indarrean dagoen statu quoaren arabera (Israelek Ekialdeko Jerusalem okupatu zuenean), esparru hori musulmanen gurtzarako baino ez da, eta juduak bisitari gisa baino ezin dira sartu.
Ukrainak eta Errusiak elkarri eraso diote: bi pertsona hil eta dozenaka zauritu dira
Ukrainako indarrek Errusia ipar-mendebaldean eragin dituzte bi heriotzak, Nizhnekamsk udalerrian. Moskuk droneak erabiliz eraso dio Kievi, eta gutxienez bost lagun zauritu ditu. AEBren arabera, baina, bi herrialdeek nahi dute gatazka konpondu.
Trumpek esan du "gustatuko" litzaiokeela Irlanda batzea: "Lehenago edo geroago gertatuko da"
Irlandan dago egunotan AEBko presidentea, eta bertan egin ditu adierazpen polemiko horiek. Erreakzioak erreskadan etorri dira.
BRICSeko herrialdeek Ekialde Hurbilean neurriz jokatzea eta alde bakarreko zigorrak baztertzea erabaki dute
Indian bilduta, herrialde horiek 140 puntuko adierazpen zabal bat adostea lortu dute, eta, besteak beste, elkarrekin lan egiteko konpromisoa hartu dute, "merkataritzaren eta energiaren fluxua babesteko".
Saudi Arabiak Ekialde-Mendebaldeko oliobidea itxi du, hainbat eraso jasan ostean
Azpiegitura hori da merkatu globalak hornitzeko bide nagusia Ormuzko itsasarteko egungo tentsio egoeran; egunean zazpi milioi upel petrolio gordin garraia ditzake.
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.