Alerta laranja EAEko barnealdean, tenperatura maximoak 33 gradukoak izango baitira
Kostaldean 20 eta 29 gradu artean ibiliko dira tenperaturak astearte osoan, eta Ebroko ardatzean, Arabako hegoaldean, 19 eta 36 artean. Nafarroan eta Iparraldean indarrean da alerta laranja.
Beroa, Kontxako hondartzan. Argazkia: EFE
Euskal Herri osoan oso tenperatura altuak izaten ari dira gaur, atzokoak baino zerbait altuagoak, 35 eta 37 graduren artean barnealdeko zenbait lekutan.
Nafarroako erriberan 40 gradutik gertu, eta kostaldean 30etik gora.
Bestalde, EAEko barnealdean alerta laranja egongo da asteartean, tenperatura altu iraunkorrak izango baititugu; gainerako erkidegoan, berriz, abisu horia egongo da indarrean.
Segurtasun Sailak jakitera eman duenez, barnealdean tenperatura minimoak 19 gradu ingurukoak izango dira, eta, maximoak, 33 gradukoak.
Kostaldean 20 eta 29 gradu artean ibiliko dira tenperaturak astearte osoan, eta Ebroko ardatzean, Arabako hegoaldean, 19 eta 36 artean. Arabako lurraldearen gainerakoan (trantsizio-eremuan), gutxienez 16 gradu eta gehienez 35 izango dira.
Gaur, tenperaturak gora egin du atzokoarekin alderatuta, eta maximoak 35 eta 40 ºC artekoak izaten ari dira barnealdean eta Ebroren ardatzean; kostaldean, tenperatura epelagoak dira. Euskal hiriburuetan ere termometroa 30 ºCtik gorakoa da, eta minimoak 20tik gora daude.
Zeruan hodei gutxi dauden arren, arratsaldean zaparrada txikiak bota ditzake, batez ere Araban.
Eusko Jaurlaritzako Segurtasun Sailak abisu horia eta alerta laranja ezarri ditu gaurko, tenperatura altuengatik.
Nafarroako Erriberan alerta laranjak indarrean jarraituko du eguerdiko ordu batetik aurrera, eta maximoak 40 gradura irits daitezke. Iparraldean ere alerta laranja dago ezarrita.
Behin betiko erregistroen zain, badirudi inoiz izan den hilabeterik beroena izango dela gaur itxiko dugun ekaina, eta bero-boladak ez du atsedenik emango, gutxienez asteazkenera arte.
Gasteizko Udalak beroari aurre egiteko gida bat helarazi die hiritarrei eta biharko beroarekin adi egoteko eskatu die:
Eguraldiari buruzko albiste gehiago
Hodeiak gaur eta bihar, euria igandetik aurrera
Ostiralean eta larunbatean hodeiak izango dira, baina ez du euri askorik egingo; igandean, berriz, prezipitazio txikia egongo da isurialde atlantikoan, eta tenperaturak behera egingo du. Astelehenean, ezegonkortasunak jarraituko du, zerua hodeitsu egongo baita eta balioak aurreko egunetako oso antzekoak izango baitira.
Abisu horia Nafarroan, ekaitzengatik eta euriagatik
Horrez gain, Ebroko Konfederazio Hidrografikoak ohartarazi du igande honetan ur-goraldiak izan daitezkeela ubide txikietan eta amildegietan.
Eguzkia eta tenperaturak gora gaur, kontraste handiko asteburua baino lehen
Ostiral eguzkitsua izango dugu, behe-lainoarekin barnealdeko zenbait puntutan, eta maximoak apur bat igoko dira. Larunbata epelagoa eta atseginagoa izango da, baina igandean hodeiak, iparraldeko haizea eta euri txikia espero dira.
Abisu horia arratsaldetik aurrera, prezipitazio handiak botako ditu eta
Aurreikuspenen arabera, ordubetean metro koadroko 15 litro baino gehiago pilatuko dira isurialde kantauriarrean eta, bereziki, kostaldean.
Giro grisa, freskoa eta bustia udari agur esateko
Zaparrada ugari espero dira, eta askotan mardulak izango dira, isurialde atlantikoan gehienbat. Tenperaturari dagokionez, maximoak ez dira 18 ºC-tik gora pasatuko.
1970etik hirugarren udarik beroena amaitu da Euskadin
Ekainean, uztailean eta abuztuan hiru bero-bolada izan dira: lehena ekainaren 18tik 21era, bigarrena ekainaren 27tik uztailaren 1era eta hirugarrena abuztuaren 10etik 17ra.
Eguraldi aldaketa larunbat arratsaldetik aurrera: tenperaturak behera eta euria
Larunbat eguerdian haizeak iparraldera egingo du eta tenperaturak jaitsiko dira. Gainera, arratsaldean bero-hodeiak agertuko dira eta baliteke zaparrada trumoitsuak izatea. Igandean giro motelagoa eta nabarmen freskoagoa izango da.
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.