Muturreko beroa Euskal Herri osoan; abisu horia ezarri dute 38 gradura arteko tenperaturengatik
Abisu horia eguerditik egongo da aktibatuta, tenperatura oso altuak egon daitezkeelako: 36 gradutik gorakoak Ebro ibaiaren ardatzean eta 38tik gorakoak Nafarroako Erriberan.
Osteguneko tenperatura maximoak. Irudia: eitb.eus
Euskalmet Euskal Meteorologia Agentziak iragarri duenez, ostegun honetan bero handia egingo du, batez ere Araba eta Nafarroa hegoaldean, eta abisu horia ezarri dute 13:00etatik 19:00etara, tenperatura oso altuengatik.
Goizean zehar giro eguzkitsua eta lehorra nagusituko da, eta udako tenperaturak barnealdean nabarituko dira bereziki. Kostaldean, aldiz, beroa neurritsuagoa izango da, 25 ºC inguruko balioekin, iparraldeko haizearen eraginez.
Zehazki, maximoak 28 gradukoak izango dira Bilbon, 26koak Donostian eta 32koak Gasteizen. Arrasaten edo Guardian, esaterako, termometroak 31 gradura eta 36ra igo daitezke, hurrenez hurren. Iruñean 35 gradu espero dira, eta Baionan, berriz, freskoagoa izango da giroa, 29 graduko maximoarekin.
Arratsaldean hodeiak ugarituz joango dira mendebaldetik, eta gauean zerua estalita geratuko da, batez ere kantauri isurialdean. Egunaren amaieran tarteka zirimiria egingo du.
Haizeak iparraldetik joko du egun osoan zehar, kostaldeko giroa leunduz, baina hegoaldeko tenperaturen igoera geldiarazi gabe.
Eguraldiari buruzko albiste gehiago
Euria eta kazkabarra gogotik bota ditu Nafarroako hainbat txokotan igande arratsaldean
Iragarpenak bete dira eta 17:00etatik aurrera hasi da euria zarra-zarra, baita kazkabarra ere han-hemenka. Goizuetan bota du gehien 24,9 litro pilatu dira ordu erdian. Beran ere euria goi eta behe, 21,9 litro pilatu dira. Iruñean gutxixeago bota du, baina, asko hala ere, 15,3 litro zehazki.
Fronte hotz batek giroa freskatu eta bustiko du
Zaparrada mardulak bota ditzake zenbait lekutan. Astelehenean eguraldia aldakorra izango da, eta asteartean atertzera joko du.
Igandera arte luzatu dute 2,5 metrorainoko olatuengatik ezarritako abisu horia
Larunbatean 18:00ak arte egongo da indarrean abisua, eta igandean, 21:00etatik 00:00etara.
3,5 metrorainoko olatuak eta ostarteak arratsalderako
Larunbatean, tenperatura maximoek gora egingo dute eta udako giroa nagusituko da. Igandean, fronte bat iritsiko da eta euria egingo du. Gainera, olatuengatik ezarrita dagoen abisu horia larunbat eguerdira arte mantenduko da.
Ohikoa al da olatuak horren handiak izatea? Noiz arte iraungo du?
Ezohiko itsaso zakarra dugu gaur, sasoi honetarako. Olatu handiak ditugu, eta arriskutsuak dira bainatzeko. Surflarientzat, ordea, itsasoa jolastoki ederra bilakatu da. Erin urakanaren ondorioak giro aproposa sortu du horretarako, eta Urruñan gutxitan ikusten den 'Belharra' izeneko olatua ere azaldu da.
Abisu horia kostaldean, olatu handiengatik
Segurtasun Sailak bi abisu ezarri ditu: bat, nabigaziorako; beste bat, olatuek kostaldean izan dezaketen eraginagatik. Hainbat lekutan babes-neurriak hartu dituzte; Donostian, adibidez, uhartea eta Paseo Berria itxita egongo dira.
Beroa bueltan da Euskal Herrian
Astelehenean tenperatura oso altuak izango dira barnealdean, eta asteartean, berriz, tenperaturak behera egingo du eta zenbait tokitan euria botako du.
Nafarroak abisu horia aktibatu du ekaitzengatik eta haize-bolada bortitzengatik
Erdialdea, Pirinioak eta Ebroko Erribera izango dira kaltetuenak arratsaldetik gauerdira bitartean, eta txingorra egiteko arriskua ere badago.
Hobera egingo du eguraldiak asteburuan, igandean hodeiak itzul daitezkeen arren
Orduek aurrera egin ahala, ostarteak agertzen joango dira ostiral honetan, eta larunbatean eguzkia izango da nagusi. Asteko azken egunerako, lainoak itzuliko dira, baina betiere tenperatura epeltzeko joera mantenduta.
Abisu horia Kantauri isurialdean, prezipitazio handiak izateko arriskua dago eta
Gaur arratsaldean trumoi-zaparradak botako ditu zenbait tokitan, baita haize-bolada bortitzek jo ere. Bihar, osteguna, eguerdira arte iraungo du abisu horiak.