Giro eguzkitsua eta egonkorra aste osorako
Udaberri beteko giroa izango da Euskal Herrian datozen egunetan, 20 ºC-ak harrapatu eta pasa eta ere egingo dira egunotan eta zeruan eguzkia izango da jaun eta jabe.
Durango.
Eguzkiak argitutako asteburuaren ostean, eguraldi atsegin eta epelekin hasi da astea ere, eta hala iraungo du datozen egunotan.
Gaur eguzkia izango da jaun eta jabe, goi-hodei batzuk agertu arren. Egunaren hasieran, lainoa eta lanbroa agertuko dira, eta ipar-mendebaldean, behe-hodei batzuk ere bai. Hegoaldeko haize ahula ibiliko da, eta brisa ibiliko da arratsaldean kostaldean. Goiza freskotik abiatu bada ere, dezente igoko dira termometroak, 17-20 ºC-ra lurralde osoan.
Asteartean, giro eguzkitsuarekin jarraituko dugu, eta hego-haizea apur bat gehiago nabarituko da. Hegoak aginduko du, eta aurreko egunetan baino biziago ibiliko da. Ondorioz, maximoek gora egingo dute isurialde atlantikoan, bereziki kostaldean, non 22 eta 24 ºC-ak harrapatuko dituen. Antzera jarraituko dute termometroek gainerakoan, baina baliteke hegoaldean behera egitea. Zeruan hodei gutxi agertuko dira, eta behe-lainoa eta lanbroa izango dira goizean goiz.
Asteazkenean hodei gehiago izango da zeruan eta hodeiak eta urdinguneak tartekatuko dira. Ez da baztertzen egunaren amaieran tantaren bat botatzea. Egunaren hasieran hego-haizea ibiliko da baina arratsaldean iparrera egingo du. Hala ere, tenperaturan ez da gorabehera handirik izango. 22 ºC-ren bueltan ibiliko dira isurialde atlantikoan eta 18-19 ºC inguruan, barnealdean.
Ostegunean ere antzeratsu jarraituko du eguraldiak, hegoaldeko haizearekin, tenperatura epelekin eta hodei eta ostarteekin, behin goizeko lanbroa desegindakoan.
Zure interesekoa izan daiteke
Udaberriko eguraldia ate joka dago: euriak eten, eta tenperaturek gora egingo dute
Eguraldi eguzkitsu eta udaberrikoa nagusituko da, eta tenperatura maximoek 20-22 graduen langa gaindituko dute.
Giro argia eta egonkorra izango dugu asteon, astelehenean salbu
Tenperatura minimoak freskoak izango dira kostaldean, 7-9 ºC ingurukoak, eta hotz egingo du barrualdean. Maximoei dagokienez, egunek aurrera egin ahala, epelera egingo dute, 20 ºC-tik gorakoak nagusitzeko.
Udako giroa atzean utzi eta hotza eta euria itzuliko dira Hego Euskal Herrira asteburuan
30 ºC inguru izango dira gaur Euskadi barnealdeko zenbait puntutan, baina fronte hotz batek euria ekarriko du larunbatean, eta tenperatura maximoak 13-15 ºC-koak izango dira igandean. Nafarroan ere bat-bateko aldaketa izango da, prezipitazioak eta beherakada termiko handia izango baitira.
Udaberri giroko egunak aurretik, asteburura begirako aldaketaren atariko
Giro eguzkitsua eta tenperatura epel-beroak nagusituko dira Euskal Herri osoan ostiralera bitartean.
Hego haizeak 20ºC-tik gorako tenperaturak utziko ditu gaur, eta kalima ere ekar dezake
Asteleheneko sargoriaren ostean, gaur egun hodeitsuagoa izango da, baina udaberriko tenperaturarekin jarraituko dugu, atzo baino 2-3º freskoago. Gainera, baliteke Saharako hautsa (gandua) ere etortzea, eta horren ondorioz zeruak horixka ikustea.
Epel eta eguzkitsu abiatu da Pazko astea, eta ziurgabetasuna nagusituko da asteartetik aurrera
Aire hotza izango dugu altueran astearte arratsaldetik aurrera, eta depresio horren kokalekuaren arabera, eguraldia batera edo bestera aldatuko da. Gaur-gaurkoz, ateri eta epel jarraituko duela diote modeloek.
Udaberriko giroa eta eguzkia nagusi izango dira Aste Santuko asteburuan
Euskalmeten eta AEMETen aurreikuspenek joera aldaketa aurreikusten dute EAEn eta Nafarroan. Aste Santuko asteburua eguzkitsua izango da, eta tenperatura altuagoak izango dira.
Albiste izango da: badator eguzkia
Orain-eko albisteen laburpena, minutu batean.
Negu giroarekin ekingo diogu Aste Santuari, eta ostiraletik aurrera hasiko da epeltzen
Hotza, hodeiak eta euria izango dira protagonista. Ostiraletik aurrera, eguraldia egonkortu egingo da eta tenperaturak gora egingo du.
Eguzki eta bero konturik ez, gutxienez ostiralera arte
Euria eta hotza izango dira nabarmen asteko lehenengo egunetan. Osteguna ere gris antzean egongo da, zaparradak baztertu gabe. Badirudi, ostiral arratsaldean iritsiko dela aldaketa.