Aurreratu zaigu udaberria Euskal Herrian, eta 24 gradu arteko tenperaturak izango ditugu
Hego haizea nagusituko da, batez ere kantauri isurialdean, eta igoera termikoa erraztuko du.
Egun eguzkitsua Bilbon, artxiboko irudi batean. Argazkia: EITB Media
Udaberriko giroa nagusituko da Euskal Herrian astean zehar, gutxienez ostiralera arte. Eguzkia izango da protagonista, Euskalmeten arabera, eta tenperaturak epelak izango dira, garai honetarako; leku askotan maximoak 20-24 ºC inguruan ibiliko dira. Hego haizea nagusituko da, eta horrek tenperaturak igotzea erraztuko du, batez ere kantabriar isurialdean. Ostiraletik aurrera, baina, euria itzul daiteke.
Asteartea izango da egunik beroena. Kostaldean termometroak 23-24 ºC-ra iritsiko dira, eta barnealdean 19-20 ºC inguruan geldituko dira. Eguna oso eguzkitsua izango da, nahiz eta goizaldean barnealdeko haranetan laino-bankuak ager daitezkeen.
Asteazkenean antzeko joerak jarraituko du lurralde osoan: giro eguzkitsua eta antzeko tenperaturak izango dira. Egunaren lehen zatian hego haizea ibiliko da; arratsaldean, ordea, mendebaldera egingo du kantabriar isurialdean, bereziki kostaldean. Gainera, baliteke kalima apur bat agertzea.
Ostegunean udaberriko giroak jarraituko du, eguzkia nagusi eta tenperatura epelak, nahiz eta zertxobait baxuagoak izan. Hego haizeak iraungo du eta goizean laino batzuk sortuko dira; baliteke, halaber, kalimak zerua une batzuetan lausotzea.
Zure interesekoa izan daiteke
Euri kontuak oraindik, baina arratsaldean eta asteburuan atertzera egingo du
Gaur zaparrada gogorrak bota ditzake isurialde atlantikoan, bereziki Bizkaian, Gipuzkoan eta Ipar Euskal Herrian, eta abisu horia ezarriko dute. Larunbatean eta igandean, baliteke zaparrada trumoitsuak izatea.
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.
Euria dator aste honen bigarren erdirako
"Eguraldia" tarteko aurkezle Xabier Casadok azaldu digunez, modeloek euria eta tenperatura jaitsiera iragartzen dituzte abuztuaren 20tik aurrera. Uda bero eta lehor honen ondoren, askok gustura hartuko duten albistea da hori. Hala ere, oraindik ezin da zehaztu non egingo duen euria eta zenbat botako duen.
Hodeiak kostaldean eta eguzkia barnealdean, astea hasteko
Asteartea eta asteazkena eguzkitsuak izango dira lurralde osoan, ostegunean tenperaturek behera egingo dute eta ostiralerako euria espero da.
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.
Abisu horia Euskadin eta Nafarroan, beroa eta ekaitzak direla eta
Euskadin, abisu horia izango da indarrean eguerditik aurrera tenperatura oso altuengatik; Nafarroan, berriz, beroagatik, euriagatik eta ekaitzengatik. Ipar Euskal Herrian, Meteo-Francek ekaitz elektrikoak izateko arriskuaz ohartarazi du.
Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Zer eguraldi izango dugu gaur?
Oro har, zeru oskarbiak espero ditugu gaurko; kostaldean behe-hodei batzuk espero dira, baina litekeena da eklipsearen ondoren sortzea, gauean zehar.