137 km/h-ko ufadak neurtu dituzte Matxitxakon eta 4,8 metroko olatuak Pasaian
'Pedro' ekaitzak gogor jo du Euskal Herria, bolada gogorrak dabiltza haizeguneetan. Mendebaldeko haizea gogor jotzen ari da kostaldean eta ufada zakarrak neurtu dituzte.
Euria eta haizea, Bilbon. Argazkia: Europa Press
Euskadi abisu horian dago, haize bortitzengatik eta olatuengatik, eta mendebala eta ipar-mendebala 137 km/h-ko abiadan dabil jotzen Matxitxakoko estazio meteorologikoan. Olatuen gehieneko altuera Pasaiako portuan (Gipuzkoa) 4,8 metrokoa izan da.
Halaber, Euskalmetek bildutako datuen arabera, 111 km/h-ra iritsi da haizea Cerrojan.
Hainbat egunetan eurite handiak izan ostean, abisu horiak indarrean daude gaur ere, 'Pedro' depresioarekin lotutako haize-bolada bortitzen eta itsasoaren egoeraren ondorioz.
Atzo hego-mendebaldeko haize-boladek 127,7 km/h-ko abiadura hartu zuten Cerrojan, eta 124,9 km/h-koa Matxitxakon. Aldiz, Zorrotzan, esaterako, 96,4 km/h-ko abiadura neurtu zuten.
Datozen orduei begira, haizeagatiko abisua arratsaldera arte egongo da indarrean (15:00ak arte). Orduan, pixkanaka hobera egitea espero da, baina itsasoaren egoerak zakarra izaten jarraituko du ostiralean.
Aurreikuspena
Ostegunean, mendebalak zakar joko du, batez ere kostaldean, itsasoa gaiztotuko baitu, eta egunaren bigarren partean ipar-mendebala nagusituko da. Zerua hodeitsu egongo da, eta zaparradak botako ditu, eta goizean goiz ekaitza eta txingorra ere bota ditzake. Elur-kota 1.000 metrotik behera kokatuko da hasieran, eta goizean zertxobait igoko da; eguneko tenperaturak, berriz, nabarmen egingo du behera, batez ere ipar partean.
Ostiral goizean hodeiak zabal-zabal izango dira, batez ere ekialdean, eta prezipitazio txikia egingo du kantauri isurialdean, ipar-ekialdean batez ere. Elur-kota 1.200 metro inguruan izango da, eta arratsaldean atertuko du eta ostarte zabalak irekiko dira. Tenperatura ez da aldatuko, baina baliteke maximoak apur bat igotzea.
Zure interesekoa izan daiteke
Ostarteak eta euria, astearen hasieran
Arratsaldetik aurrera hodeiak ugarituko dira eta euria egingo du. Asteartean, orduek aurrera egin ahala, hodeiak gutxitu eta ostarteak irekiko dira, eta arratsaldean zaparradak botatzeko arriskua txikiagoa izango da.
Aldakor eta nahasi dator astea
Astelehenetik asteazkenera euria egingo du tarteka. Ostegun eta ostiralean, berriz, eguzkia eta tenperatura goxoak izango dira nagusi. Asteburuan okertzera egingo du berriro, negu giroa itzuliko baita.
Abisu horia Bizkaian eta Gipuzkoan, prezipitazio iraunkorrengatik
Abisua egun osoan izango da indarrean, 60 litro/m2 baino gehiago pila daitezkeelako. Zerua lainotuta egongo da eta euria izango da protagonista; zaparradak ugariak izango dira. Gainera, iparraldeko haizea ibiliko da, bizi-bizi zenbait momentutan.
Euria bueltan da eta tenperaturek behera egingo dute
Giro nahasi eta ezegonkorra gutxienez asteburura arte mantenduko da.
Eguzkia nagusi asteazkenera arte; ostegunean, euria eta tenperaturek behera
Tenperaturak sasoi honetarako batezbestekoaren gainetik izango dira; kostaldean maximoak 20 ºC-ra irits daitezke.
Astelehenetik asteazkenera, eguzkitsu eta epel joango da astea, eta ostegunetik aurrera, euritsu eta fresko
Udaberri giroa nagusituko da martxoko lehen egunetan, eta termometroa 16-20 ºC-ra helduko da. Aste bukaera hurbildu ahala, ezegonkortzera egingo du aroak, eta hala jarraituko du egun batzuetan, joeraren arabera.
Tenperaturak behera eta euria larunbatean, eguzkia eta hego haizea igandean
Larunbatean euria egingo du, baina egunak aurrera egin ahala atertzera egingo du. Igandeari begira, giro eguzkitsu eta epela nagusituko da.
Euria eta tenperatura freskoagoak izango dira asteburu hasieran
Ostiral eguerdian haizeak ipar-mendebaldetik joko du, hodeiak sartuko dira eta tenperaturak behera egingo du. Larunbat goibela izango da, eta iluntze partean atertzetzera egingo du. Igandean aroa eguzkitsua izango da eta tenperatura igoko da.
Arnaitz Fernandez: "Hotz errekorrak gero eta urriagoak dira, eta bero errekorrak, aldiz, gero eta ohikoagoak eta gogorragoak"
EITBko meteorologoaren arabera, "egoera planetako joera orokorraren ildokoa da". "Egia da Euskal Herrian sarritan izaten ditugula bat-bateko eguraldi aldaketak; baina gero eta beroaldi latz gehiago dago, muturreko hotz boladekin alderatuta", gehitu du Arnaitz Fernandezek.
Aurreratu zaigu udaberria Euskal Herrian, eta 24 gradu arteko tenperaturak izango ditugu
Hego haizea nagusituko da, batez ere kantauri isurialdean, eta igoera termikoa erraztuko du.