Giro eguzkitsu eta egonkorra izango da asteburuan, euria atzean utzita
Haizeak indarra galduko du eta eguneko tenperatura maximoek gora egingo dute, baina baliteke Arabako eta Nafarroako zenbait tokitan izotza egitea.
Eguraldi aldaketa hemen da. Azken egunetan eta asteetan Euskal Herria zeharkatu duten ekaitzak atzean utzita, giro egonkor eta eguzkitsua nagusituko da asteburuan.
Euskalmeten iragarpenaren arabera, arratsaldetik aurrera atertzera egingo du, eta tenperatura maximoek gora egingo dute datozen egunetan.
Gaur, egunaren lehen zatian, hodeiak izango dira nagusi oraindik, bereziki ipar-ekialdean, eta euria egingo du. Arratsalderako, ordea, atertu egingo du eta ostarteak zabalduko dira. Halaber, haizeak indarra galduko du, eta tenperatura maximoak pare bat gradu igoko dira: 12 eta 15 gradu artean geldituko dira.
Larunbatean, eguraldi egonkorra eta eguzkitsua izango da. Zeruan goi-hodei batzuk izango diren arren, oro har, eguzkia izango da jaun eta jabe. Hala ere, behe-lainoa sortu daiteke, eta ez da baztertzen Arabako eta Nafarroako hainbat txokotan izotza egitea. Tenperatura maximoek gora egingo dute, eta 15 gradutik gora kokatuko dira hainbat tokitan.
Igandean, eguraldiak ildo beretik jarraituko du. Giroa, oro har, eguzkitsua izango bada ere, goi-hodei gehiago izango dira zeruan. Lehen orduetan izotza egin dezake Arabako eta Nafarroako hainbat txokotan. Tenperatura maximoek beste koska bat egingo dute gora, eta beroenak 15 eta 20 graduren bueltan geldituko dira.
Zure interesekoa izan daiteke
Tenperaturak jaitsi egingo dira, baina abisu horia ostegunera arte mantenduko da
Termometroek 37 ºC-ra iritsiko dira Ebro bailaran oraindik ere. Gainerako lekuetan egoera lasaiagoa izango da: altuenak 26 ºC ingurukoak izango dira kostaldean eta 35 ºC-koak trantsizio gunean. Zerua nagusiki eguzkitsu egongo da, han-hemenka hodei batzuekin.
Nola jokatu behar da bero-kolpe baten aurrean?
Beroak estu hartzen gaituenetan, larrialdi zerbitzuak prest daude azkar erantzuteko. Baina, beroari nola aurre egin ikastea garrantzitsua da, eurak ailegatu arte. Adibidez, ura ematea komeni da zorabiatuta dagoenari.
Alerta laranja asteartera arte luzatu dute, 38 ºC-ko tenperaturarekin barnealdean
Muturreko tenperaturen ondorioz, lurraldearen zati handi bat abisupean jarraituko du; apur bat jaitsiko dira tenperaturak bihar, baina iparraldeko zonalde batzuetan bakarrik.
Uda giroa nagusituko da asteburuan Euskal Herrian, eta igandean 35 gradutik gorako tenperaturak izango dira
Larunbatean udako giroa sendotuko da eta igandean tenperaturek nabarmen egingo dute gora, batez ere barnealdean.
Aste hasiera grisa eta ezegonkorra
Zerua hodeitsu egongo da eta euria egingo du tarteka gaur goizean, baina arratsaldetik aurrera hobera egingo du.
Muturreko beroaldia Europan
Europako herrialde askotan, muturreko tenperaturak dituzte oraindik, 40 gradurainokoak. Beroaldiak muturreko tenperatura historikoak utzi ditu Alemanian, Danimarkan eta Txekian. Herrialde batzuetan, agintariak ur-kanoiak erabiltzen ari dira herritarrak freskatzeko.
Larunbateko beroak euriteak ekarriko ditu igandean Euskal Herrira
Euskadin metro koadroko 15 litro euri baino gehiago pilatu ahal izango dira ordubetean. Ia Nafarroa osoan eta Ipar Euskal Herrian, berriz, alerta laranja ezarriko dute euriteen ondorioz.
Beroak atseden hartuko du igandean, eta ekaitz arriskua izango da hainbat tokitan
Maximoak nabarmen jaitsiko dira. Kostaldean apalagoa izango da aldaketa, aurreko egunetan ere beroenek behera egin dutelako, baita Nafarroa ekialdean eta hegoaldean ere. Ildo horretatik, beroenak 30 ºC azpitik geratuko dira leku gehienetan.
Albiste izango dira: Tenperaturak behera egiten hasi dira, "Ihesi, norbera izateko" dokumentalaren estreinaldia eta lurrikarak Venezuelan
Gaurkoan Orain-en albiste izango direnen laburpena, bi hitzetan.
Bero-kupula, ezohiko beroaldia eragiten ari den fenomenoa
Hego haizeak eta eguzki gogorrak tenperaturak sasoiz kanpoko errekorretara eraman dituzte. Bero-kupula deitzen zaio bero-bolada hau eratzen ari den fenomenoari. Hona hemen Euskal Herria itoarazten ari den sargoriaren zergatiak, Arnaitz Fernandez ETBko meteorologoak azalduta.