Haizeak gogor jotzen jarraituko du gaur, eta itsasaldeko arriskuagatik ezarritako abisu horia ere bai
Haize zakarra eta olatu handiak izango ditugu gaur ere. Marea biziek atzo Bilboko itsasadarrak gainezka egitea eragin zuten, eta Loiuko aireportuan lurreratzekoak ziren hainbat hegazkin beste aireportuetara bideratu behar izan ostean. Segurtasun Sailak itsaso zakarragatiko abisuari eutsiko dio gaur arratsaldeko itsasgoran.
Haizea, Donostian. Argazkia: EFE
Haizeak protagonista izaten jarraituko du gaur ere. Goizaldeko boladarik gogorrenak baretu dira, baina egunean zehar gogor jotzen jarraituko dute, batez ere Kantauri isurialdean. Segurtasun Sailak abisu horia indarrean mantendu du itsasaldeko arriskuagatik. Bereziki zuhur ibiltzea eskatzen dute arratsaldeko itsasgoran, olatuek bi metro eta erdiko altuera izan baitezakete.
Iragarpenaren arabera, unerik arriskutsuenak arratsaldeko laurak eta seiak bitartean izango dira, itsasgorarekin batera. Bihar, ostirala, antzeko baldintzak izango dira goizaldean, eta abisupean jarraituko dugu.
Gauean denboraleak jarraituko du. Bilbon, marea biziek itsasadarraren gainezka egitea eragin dute Zorrotzaurren, baina ez du aparteko kalterik eragin. Haize-boladek 140 km/h-ko abiadura gainditu dute Bizkaiko haizeguneetan, Urduñan, kasu. Nafarroan, zamarik ez zekarren kamioi bat irauli da, Tebasen, haizearen ondorioz, eta zauritu bat utzi du.
Sei hezkinek ezin izan dute lur hartu Loiun, eta bideratu behar izan dituzte gauean, bolada gogorren ondorioz.
Egunean zehar, haizea pixkanaka baretuko dela espero da, baina gogor joko du, eta prezipitazioek ostarte batzuk zabalduko dituzte. Hala eta guztiz ere, Segurtasun Sailak abisuak ezarrita izango ditu datozen orduetan, kostaldean, olatuen inpaktuagatik, eta, barnealdean, baso-suteak izateko arriskuagatik.
Zure interesekoa izan daiteke
Epel eta eguzkitsu abiatu da Pazko astea, eta ziurgabetasuna nagusituko da asteartetik aurrera
Aire hotza izango dugu altueran astearte arratsaldetik aurrera, eta depresio horren kokalekuaren arabera, eguraldia batera edo bestera aldatuko da. Gaur-gaurkoz, ateri eta epel jarraituko duela diote modeloek.
Udaberriko giroa eta eguzkia nagusi izango dira Aste Santuko asteburuan
Euskalmeten eta AEMETen aurreikuspenek joera aldaketa aurreikusten dute EAEn eta Nafarroan. Aste Santuko asteburua eguzkitsua izango da, eta tenperatura altuagoak izango dira.
Albiste izango da: badator eguzkia
Orain-eko albisteen laburpena, minutu batean.
Negu giroarekin ekingo diogu Aste Santuari, eta ostiraletik aurrera hasiko da epeltzen
Hotza, hodeiak eta euria izango dira protagonista. Ostiraletik aurrera, eguraldia egonkortu egingo da eta tenperaturak gora egingo du.
Eguzki eta bero konturik ez, gutxienez ostiralera arte
Euria eta hotza izango dira nabarmen asteko lehenengo egunetan. Osteguna ere gris antzean egongo da, zaparradak baztertu gabe. Badirudi, ostiral arratsaldean iritsiko dela aldaketa.
Abisu horia elur-maila 1.000 metrotik behera jaitsiko delako
Gauerditik igandeko 18:00etara, 700-800 metrora jaitsiko da elur-kota EAEn, eta Nafarroako Pirinioetan 21:00etan jarriko dute indarrean abisua.
Hotza, euria eta elur-kotaren jaitsiera astebururako
Elur-kota jaisten joango da eta euriaren intentsitatea ere aldatzen joango da.
Ostiralean menia labur bat izango den arren, hotza eta lainoak izango dira nagusi martxoaren hondarrean
Osteguneko giro goibelaren ostean, ostiralean hobera egingo du apur bat, baina astebururako zerua hodeitsu egongo da berriro, eta zaparradak, iparraldeko haizea eta tenperatura freskoak izango dira nagusi.
Adio udaberri giroari
Asteartea izango da asteko egunik eguzkitsuena. Goibel eta ilun datoz gainerako egunak, nahiz eta ostiralerako tregoa txiki bat espero den.
Eguzkia eta udaberriko giroa neguaren azken txanpan
Astearte honetan eta datozen egunetan tenperatura nahikotxo igoko da, hego haizeak lagunduta. Giro eguzkitsua espero da, hodei gutxi eta 25º inguruko tenperaturak kantauri isurialdean. Astebururako aldaketa dator, eta euri pixka bat egin lezake.