Bilbok domeinuei buruzko ekitaldi bat jasoko du urriaren 21ean
Urriaren 21ean Deustuko Unibertsitateak (Bilbo) interneten erabiltzen diren domeinuei buruzko ekitaldi bat jasoko du. TheName.Show jardunaldia egunerokoan Internet erabiltzen duten enpresa nahiz profesionalei zuzenduta dago.
Bilbon egingo den jardunaldi horretan, domeinu berriak modu eraginkorrean erabiltzen ikasiko dute bertaratzen diren pertsona guztiek. Sarrera doakoa izango da, baina aurretik izena eman behar da.
2012an, .eus euskal domeinua onartu zuten. Erabaki horri esker euskarak eta euskal kulturak leku garrantzitsua lortu dute Interneten. Gainera, Interneteko domeinuen kudeaketaz arduratzen den erakundeak (ICANN) 1.300 domeinu baino gehiago onartu ditu 2013tik. Besteak beste, .bar, .red, .moda, .taxi, .legal edo .video dira gaur egun erabilgarri dauden domeinu berriak. Horiei esker, webgune erakargarriak sortu daitezke, gogoratzen errazak diren izenak baliatuz. Funtsean, hori da marketin digitalaren gako nagusia.
Gainera, merkataritzarekin lotura duten domeinuak onartzen hasi da ICANN. Euskadin, erabaki hori aprobetxatu duten enpresa batzuk daude; hala nola, BBVA (.bbva) eta SENER (.sener) taldea dira horren adibide.
Identitate digitalean adituak diren hizlarien artean, Bilbon egingo duten ekitaldian ondorengo hauek parte hartuko dute: Erika Mann, ICANNeko kontseiluko kidea; Jorge Campanillas, Interneten aditua den abokatua eta Deustuko Unibertsitateko irakaslea; Josu Waliño, PuntuEUS erakundeko zuzendaria; Lontzo Sainz, EiTBko parte-hartze eta sare sozialetako arduraduna; Iñaki Lazaro, Internet & Euskadiko kidea; eta Santi Ribera, PuntCAT erakundeko zuzendari nagusia.
Horrela ba, TheName.Show ekitaldian parte hartuko duten hizlariek domeinu berrien inguruan azalpenak emango dituzte, domeinuekin zer egin daitekeen esango dute, eta bilatzaileetan kokapena hobetzeko gakoak emango dituzte. Gainera, Interneten marka bat babesteko kontuan hartu behar diren gomendioak emango dituzte.
Era berean, bertaratzen diren pertsona guztiek euren zalantzak argitzeko aukera izango dute, aukera egongo delarik harremanetan jartzeko enpresa, profesional edo aholkularien artean. Deustuko Unibertsitatean izango den ekitaldi horri buruzko informazio gehiago TheName.Show-eko webgunean dago eskuragarri.
“Bilbon egingo dugun jardunaldian domeinuen erabilera eraginkorrari buruzko gakoak emango ditugu, Euskadiko profesionalek eta enpresariek euren presentzia digitalari probetxu gehiago atera diezaioten”, adierazi du Dietmar Stefitz TheName.Showeko antolatzaileak.
Zure interesekoa izan daiteke
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.
Mundu osoko gobernuak Musken Grok estutzen ari dira, horrek sortu ditzakeen “deepfake” sexualengatik
Europan, hainbat gobernuk ikerketak abiatu dituzte horrelako edukiak legez kanpokoak diren ebaluatzeko.
ChatGPTk eta Copilotek WhatsAppen funtzionatzeari utziko diote eta Meta AIk bakarrik jarraituko du eskuragarri
Mezularitza-plataformaren politika berriengatik, beste enpresen chatbotak itxiko dituzte, eta, ondorioz, OpenAI eta Microsoftenak erretiratuko dituzte bihartik aurrera.
Wikipediak 25 urte bete ditu, eta euskarazko edizioa hizkuntza gutxituen erreferente bihurtu da
Munduko entziklopedia aske eta kolaboratiborik handiena, 60 milioi artikulu baino gehiago dituela, 25. urteurrena ospatzen ari da. Era berean, euskarazko Wikipedia nabarmendu da, hazkunde iraunkorragatik, komunitate aktiboagatik eta euskara Interneten zaintzen eta zabaltzen laguntzeagatik.
Datuak Babesteko Agentziak inoren irudiak zabaltzeak dakartzan ondorioez ohartarazi du, penalak ere izan daitezke eta, egiazkoak zein AArekin sortutakoan izan
Datuak Babesteko Espainiako Agentziak ohartarazi du tresna horiek zuhurtziarik gabe erabiltzeak oinarrizko eskubideak urra ditzakeela eta legezko erantzukizunak ekar ditzakeela, batez ere eduki intimoa, sexualizatua edo adingabeei buruzkoa den kasuetan.