Mintzen bitartez ekoitziko du hidrogenoa Loiun eraikiko duten instalazio berri batek
H2SITE enpresa hidrogenoa sortzeko mintzak erabiltzen dituen erreaktore bat egiten ari da Loiun (Bizkaia), ohiko elektrolisia ez bezalako teknologia erabiliko duena. Mintzen industrializaziorako planta berriak 50 pertsonari emango die lana datozen bost urteetan.
Enpresaren arabera, teknologia esklusiboa du askotariko lehengaiak (amoniakoa, bioetanola, biometanola edo biogasa, besteak beste) hidrogeno bihurtzeko. Andrés Galnares H2SITE enpresaren ordezkariaren hitzetan, mintz-erreaktorea "industria-produktu paregabea da, lekuan bertan hidrogeno berdea ekoizteko gai dena".
Hidrogenoaren erabilera oso zabaldua dago industria-mailan, baina gaur egun hori ekoizteko modua, elektrolisia erabiliz, ez da berriztagarria, eta hori garraiatu eta biltegiratzeak kostu handiak eragiten ditu ekonomia eta ingurumenean. Fabrika berriak hidrogeno berriztagarria prezio lehiakorrean ekoizteko erabiltzen diren erreaktoreetarako mintzen ekoizpena industrializatzea ahalbidetuko du. Lehenengo erreaktorea martxan da jada, planta berrian.
H2SITEk maila txikian eta ertainean hidrogenoa banatzeko gai izatea espero du, bai industrian erabiltzeko edo elektrizitatea sortzeko, bai energia behar duten inguru bakartuetarako.
Galnaresen esanetan, "orain erronka gure bezeroen eskaria asetzeko beste mintz ekoiztea da, karbono-aztarna murrizten laguntzeko".
Enpresak Bizkaiko Foru Aldundiaren babesa du, eta Ainara Basurko Ekonomia Sustatzeko diputatuak orain arte egin duten lehen erreaktorea bisitatu du, Markina-Xemeinen. Basurkoren aburuz, instalazio berriak eta H2SITEren teknologiak "balio erantsia eta desberdindua eskaintzen dute trantsizio energetikoaren alde apustu egitea nahitaezkoa den eta, hortaz, hazteko ahalmena duen testuinguru batean".
Zure interesekoa izan daiteke
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.