Zer bilatu da gehien Googlen aurten?
Aurten Googlen bilatu diren albisteak Afganistan, New Yorkeko (AEB) balore-burtsa, covid-19aren aurkako txertoa eta Dogecoin kriptotxanponari buruzkoak izan dira. Urte amaiera gero eta gertuago dela, bada unea ikusteko ea zeintzuk diren aurten Interneten gehien bilatu diren hitzak.
Urtarrilean, "eskuzorroak" hitzak bere maximo historikoa izan zuen, Bernie Sandersen argazki biral bati esker, Joe Bidenen inbestiduran.
Otsailean, Texaseko (AEB) krisi energetikoaren eta ekaitzaren ondorioz "nola lagundu Texasi" galdera hileko bilaketarik nabarmenena izan zen. "Nola lagundu" kategorian izan dira urte honetan beste hainbat. Maiatzean "nola lagundu Palestinari" gailendu zen, Gazako zerrendako gatazkagatik.
Abuztuan berdin jazo zen Afganistanekin, talibanek herrialdearen kontrola hartzean. Hil hasieran eskualdeak bereganatzen hasi ziren talibanak; 15erako Kabul hiriburua ere kontrolpean zuten. Hilabete inguruko gatazka ostean, AEBk Afganistan utzi zuen abuztu amaieran. Jarraian, talibanek Afganistango behin behineko gobernua osatu zuten. Era berean, lurrikara batek eta Grace ekaitz tropikalak Haiti suntsitu zuen; "nola lagundu Haitiri" bilaketa nabarmen hazi zen.
Suezko kanala blokeaturik geratu zen martxoan sei egunez, Ever Given itsasontzia bertan trabatu ostean. Kanalarena Googleko bilaketarik nabarmenenetakoa izan da aurten. Hil berean, Oprah Winfreyk Meghan Markle eta Harry pintzea elkarrizketatu zituen. Google Trendseko elkarrizketarik bilatuena izan zen.
"Nola mantendu buru osasuna" kontsulta inoiz baino maiztasun handiagoarekin bilatu zen urte osoan zehar. Izan ere, zuzenean eragin dio pandemiak osasun mentalari, eta agerian utzi du zaintza psikologikoak duen garrantzia. Antzera, "body positivity" terminoa gehien bilatu den urtea izan da 2021.
Klima aldaketarekiko kezka ere ez da falta izan Googlen zerrendan; "nola babestu planeta", "klima aldaketaren eragina" edo "jasangarritasuna" bilaketek maximo historikoa izan dute.
Uztailean, "suteak" zein "uholdeak" hitzak nabarmen bilatu ziren. Ondoren, abuztuan eta irailean, "sumendia"-renak hirukoiztu egin ziren. Irailaren 19an, La Palmako Cumbre Vieja sumendiaren erupzioa hasi zen. Hiru hilabete igaro dira ordundik, eta badirudi azkenetan dela. Neke zantzuak erakutsi ditu sumendiak, eta zientzialariek uste dute gabonetan itzalitzat jo dezaketela.
Era berean, "nora bidaia dezaket" pandemia aurretik baino hiru aldiz gehiago bilatu zen. "Doomscrolling" inoiz baino gehiago bilatu zen 2021. Adiera horrek pantaila bidezko informazio negatiboaren kontsumo neurrigabeari egiten dio erreferentzia.
Zure interesekoa izan daiteke
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.