'Morphing': biktimen aurpegia faltsutzen duen teknika informatikoa
Morphing teknika informatikoak biktimen argazkiak hartu eta kopiatu egiten ditu haien aurpegia faltsutzeko. Alegia, iruzurgileek biktimen pasaportearen edo nortasun-agiriaren argazkia manipulatzen dute. Horren helburua da dokumentu horiek faltsutzea eta segurtasun sistemak engainatzea; adibidez, mugetako kontroletakoak.
Mafiak erabili ohi duen teknika da morphing-a. Horri esker, kriminalek erraz bidaiatu dezakete mugen artean. Gainera, smartphone-ak hackeatu edota isilpeko datuak dituzten webguneetara sar daitezke.
Teknika horrek adimen artifiziala erabiltzen du, eta David Sancho Trend Micro Iberia enpresaren ikerketa-taldeko arduradunaren arabera, prozedura hori irudiak tartekatzean datza, hasierako bi argazkiak muturretara dituen espektro bat osatzeko.
Tarteko irudi-espektro hori sortzeko, kriminalek pixelak distortsionatzen dituzten algoritmo batzuk erabiltzen dituzte, itxuraz jatorrizkoa eta aldaketarik gabea den azken irudiaren itxura har dezan.
Arrisku horren aurrean babesteko, Alex Cagnoni WatchGuard Technologies konpainiako zuzendariak aholkatu du biktimek argazki eguneratuak eman ditzatela edozein dokumentu berri egitean, eta enpresek, gobernuek eta kontrolek neurri eraginkorrak har ditzatela identitateak egiaztatzeko.
Halaber, Cagnonik beharrezkotzat jo du bi faktoreren autentifikazioa ezartzea: aurpegiko biometria eta erabiltzailearen telefono mugikorrera bidalitako berrespen-mezua.
Zure interesekoa izan daiteke
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.
Mundu osoko gobernuak Musken Grok estutzen ari dira, horrek sortu ditzakeen “deepfake” sexualengatik
Europan, hainbat gobernuk ikerketak abiatu dituzte horrelako edukiak legez kanpokoak diren ebaluatzeko.
ChatGPTk eta Copilotek WhatsAppen funtzionatzeari utziko diote eta Meta AIk bakarrik jarraituko du eskuragarri
Mezularitza-plataformaren politika berriengatik, beste enpresen chatbotak itxiko dituzte, eta, ondorioz, OpenAI eta Microsoftenak erretiratuko dituzte bihartik aurrera.
Wikipediak 25 urte bete ditu, eta euskarazko edizioa hizkuntza gutxituen erreferente bihurtu da
Munduko entziklopedia aske eta kolaboratiborik handiena, 60 milioi artikulu baino gehiago dituela, 25. urteurrena ospatzen ari da. Era berean, euskarazko Wikipedia nabarmendu da, hazkunde iraunkorragatik, komunitate aktiboagatik eta euskara Interneten zaintzen eta zabaltzen laguntzeagatik.
Datuak Babesteko Agentziak inoren irudiak zabaltzeak dakartzan ondorioez ohartarazi du, penalak ere izan daitezke eta, egiazkoak zein AArekin sortutakoan izan
Datuak Babesteko Espainiako Agentziak ohartarazi du tresna horiek zuhurtziarik gabe erabiltzeak oinarrizko eskubideak urra ditzakeela eta legezko erantzukizunak ekar ditzakeela, batez ere eduki intimoa, sexualizatua edo adingabeei buruzkoa den kasuetan.
"Zure urtea ChatGPTn", 2025eko interakzioak laburbiltzen dituen funtzio berria
Erabiltzaile orok izango du tresna eskuragarri, doako bertsioen nahiz ordainpeko bertsioen erabiltzaileek, betiere gordetze-memoria eta txat-historia aktibatuta badituzte.
Zertarako balio du eta nola erabiltzen da Googleko bilaketa-barraren '+' botoi berria?
Googleko bilaketa-barraren ezkerreko muturrean, '+' ikonoak lupa ordezkatu du. Irudi bat zein fitxategi bat eransteko aukera ematen du, eta, Adimen Artifizialak lagunduta, bilaketa aurreratua egiten du Googlek, irudi nahiz fitxategi horiek testuinguru gisa erabilita.
Cloudflarek konpondu du mundu mailan webgune ugaritan arazoak eragin dituen akatsa
Arazo berri hori duela aste batzuk gertatu zen beste etenaldi global garrantzitsu baten ondoren etorri da. Hainbat zerbitzuri eragin zien, hala nola X sare sozialari, ChatGPT 'chatbot'-ari eta League of Legends bideojokoari.