Twitter erosteko kontratua deuseztatzeko asmoa du Elon Muskek
Elon Musk Tesla konpainiako sortzaile eta kontseilari delegatuak Twitter erosteko kontratua deuseztatzeko asmoa agertu du, sare soziala iragan apirilean sinatutako akordioaren "hainbat xedapen urratzen" ari dela iritzita.
Handi-mandiaren abokatu taldeak igorritako gutun batean, Muskek erosketa gelditzeko asmoa azaldu dio Twitter sare sozialari. Plataformako kontu faltsuen inguruko informazioa formalki behin baino gehiagotan eskatu dio enpresaburuak konpainiari, baita kontuak ikuskatzeko eta ixteko moduen inguruan ere.
Muskek asteak eman ditu 'bots' kopuruak zenbatzeko era publikoki zalantzan jarriz, eta aditu askok erraldoi teknologikoaren akzioak merkatzeko saiakera bezala ikusi zuten. Orduan, Twitterren akzioek % 6 baino gehiago behera egin zuten, CNN kateak jakitera eman zuenez.
Twitterren akzioek behera egin dute
Gauzak horrela, Twitterren akzioek % 7 baino gehiago behera egin dute astelehen honetan. Konkretuki, % 7,4ko beherakada izan dute saioaren hasieran, eta 34,09 dolarrean kokatu dira, preziorik baxuena martxoaren erdialdetik. Kontuan hartu behar da Musken proposamenak 54,20 dolarreko balioa aurreikusten zuela.
Maiatza erdialdera, erosketa aldi baterako bertan behera utzi zuen handi-mandiak, kontu faltsuen inguruko xehetasunak ezagutzeko zain. Kontu faltsuak erabiltzaileen % 5 baino gutxiago lirateke.
Ondoren, ekainaren hasieran, Musken abokatuek gutun bat igorri zioten AEBko Balore Merkatuaren Batzordeari. Twitter bat-egite akordioaren betebeharrak "urratzen" ari zela salatu zuten aberatsaren abokatuek. Era berean, Elon Muskek "bat-egite akordioa deuseztatzeko eta erosketa aurrera ez eramateko eskubidea" duela ohartarazi zuten.
Gerra auzitegietan
Twitterrek, ostera, erosketa akordioa betearazteko auzitara joko duela iragarri du.
Dirudienez, Muskek eta Twitterrek 1.000 milioi dolarreko zigorra adostu zuten balizko akordioa hausten zuen aldeak ordaintzeko.
Enpresa erostera behartzeko balizko gerra judizialaren aurrean, Muskek bere ohiko hizkuntzarekin erantzun du, memeak erabiliz.
Konkretuki, SpaceX eta Teslako sortzaileak bere erretratu bat erabili du, bineta batzuk osatu eta historiaren bere bertsioa kontatzeko. Hasieran, "Twitter ezin nuela erosi esan zuten", eta ondoren, enpresa erosteko akordioa erdietsi ostean, "ez zuten kontu faltsuen inguruko informaziorik zabaldu", gogorarazi duenez.
Argazkietan barrezka agertzen da. Polemikarekin irabazten duela uste du aberatsak; izan ere, Twitter erostera epaimahai batean "behartu" nahi baldin badute, sare sozialak kontu faltsuen inguruko informazioa eman beharko du Justiziaren aurrean.
Zure interesekoa izan daiteke
Elon Muskek Grokipedia kaleratu du, AAz egindako entziklopedia: tresnak Trump goraipatzen du eta haren arabera Euskadi ez da existitzen
Elon Muskek bultzatutako plataforma berriak ia milioi bat artikulu sortu ditu adimen artifizialaren bidez, eta joera ideologiko oso argia islatzen du. Egungo bertsioan, Grokipediak ez du "Euskadi" terminoa barne hartzen, 20.000 hitz eskaintzen dizkio Donald Trumpi (80 orrialdeko liburua egiteko adina) eta Francori, HIESari eta esklabotzari buruzko ikuspegi partzialak ematen ditu.
Merezi al du oso bereizmen handiko telebista bat erostea?
Erantzuna ezezkoa da. Cambridgeko Unibertsitateko ikertzaileek diote giza begiak bereizmen-muga bat duela.
YouTubeko milaka bideoren bidez "malware"a eskala handian banatzeko operazio bat identifikatu dute
Gaizkileek YouTubeko kontu faltsuak edo konprometitutakoak erabiltzen zituzten softwarea pirateatu eta jokoak hackeatzeko bideoak argitaratzeko, balizko biktimak erakartzeko amu gisa. Programa horiek lortzeko fitxategiak deskargatzea eskatzen zuten, baina artxibo horiek, benetan, gailua kutsatzen zuen malwarea zuten.
Amnistia Internazionalak salatu duenez, TikTok "nerabeen autoestimu txikiaz baliatzen da dirua irabazteko"
Erakundearen txosten batek ohartarazi duenez, sare sozialaren algoritmoak automutilazioari eta suizidioari buruzko edukiak helarazten dizkie gazteei. AI erakundeak adingabeak babesteko premiazko neurriak hartu ditzaten eskatu die Europako Batzordeari eta Frantziako Gobernuari.
Martxan da Amazonen hodeiko zerbitzua, atzoko gorabeheren ostean
Konpainiak atzo iragarri zuen egunean hasi zirela zerbitzu gehienak martxan, eta sarearen funtzionamendua nomal ibili zela eguna bukatzerako.
Zer da Amazon Web Services?
Hodeiko zerbitzuen hornitzailea erori da astelehen honetan, urriaren 20an. Milaka plataforma bertan behera gelditu dira mundu mailan, baina... Zer da Amazon Web Services eta zergatik da hain garrantzitsua Interneten?
Amazonen hodeiaren erorketak arazoak eragin ditu munduko hainbat web zerbitzutan
Amazon, Alexa, ChatGPT, Perplexity, Epic Games Store eta Fortnite bezalako plataforma eta zerbitzuei eragin die gorabeherak.
Instagramek konexio-arazoak ditu mundu osoan
Ostegun goiz honetan Metaren sare soziala konexio arazoak izaten ari da nazioarte mailan. Horren ondorioz, erabiltzaileak zailtasunak izaten ari dira edukiak eguneratzeko.
Nola lortu du Euskadik IBMren Quantum System Two ordenagailua?
Bide luze eta zail baten ondoren, IBM Quantum System Tworen ordenagailua martxan da Donostian. Mugarri hau Euskadi zientziaren abangoardian jarri nahi zuten agintari eta zientzialariek elkarrekin hartutako erabakiaren emaitza da.
Pradales: "Ikerkuntza, berrikuntza eta aurrerabidearen aldeko apustua egiten dugu"
Hainbat urteko lanaren ondoren, Euskadik IBM Basque Country inauguratu du, IBMren sareko ordenagailu kuantiko indartsuena. Aurrerapauso historikoa da, teknologia eta zientzia eralda ditzakeena. Superkonputagailua Ikerbasqueren Donostiako eraikin berrian egongo da. Horrela, IBM-Basque Country IBMren ordenagailu kuantiko aurreratuenen munduko sarean integratuko da.