Elon Muskek Twitter erosi du
Lortu du Elon Muskek. Twitterrek baieztatu du onartu egin duela munduko pertsonarik aberatsenak sare soziala erosteko egindako azken eskaintza, 44.000 milioi dolarrekoa (41.000 milioi euro).
"Twitterreko Kontseiluak prozesu zabala eta zehatza egin du Elonen eskaintza aztertzeko, balioa, ziurtasunak eta finantziazioa kontuan hartuta. Operazioaren ondorioz, akziodunek pizgarri nabarmena jasoko dute", azaldu du batzorde horretako presidente independenteak, Bret Taylorrek.
Sare sozialaren akziodunek oniritzia eman behar diote orain akordioari. Dena dela, operazioa aurten gauzatzea espero da.
Akordioaren arabera, Tesla eta SpaceX konpainietako buruak akzio bakoitzeko 54,2 dolar emango dizkie Twitterreko akziodunei, eskudirutan. Urtarrilaren 28an (egun hartan hasi zen Musk sare sozialaren akzioak erosten) balio zutena baino % 38 garestiago ordainduko ditu, beraz.
"Adierazpen askatasuna demokrazia funtzionaletako oinarria da, eta Twitter gizakien etorkizunerako garrantzitsuak diren gaiak eztabaidatzen diren herriko plaza digitala da", adierazi du Muskek.
Horren esanetan, Twitter "inoiz baino hobea" izatea du helburu. Besteak beste, neurri hauek onartuko dituela aurreratu du: algoritmoak kode askekoak izatea, spam-a egiten duten bot-ak ezabatzea eta benetako erabiltzaile guztiak egiaztatzea.
Operazioa baieztatu baino lehenago, Musk dagoeneko ari zen Twitterren idazten jabea balitz bezala: "Espero dut nire kritiko zorrotzenek ere Twitterren jarraitzea, hori baita adierazpen askatasuna".
Zure interesekoa izan daiteke
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.