Twitterreko ehunka langilek dimisioa eman dute Musken ultimatumaren ondoren
Twitterreko ehunka langilek dimisioa eman dutela iragarri dute sare sozialean bertan, Elon Musk jabeak lan gehiago egitera edo enpresa uztera gonbidatu ostean.
Langileek sare sozialean egindako jakinarazpenaz aparte, The New York Times egunkariak konpainia barruko iturriak aipatuta eman du gertakariaren berri.
Aipatu iturriaren arabera, Musk eta gertuko aholkulari batzuk oinarrizkotzat jotzen dituzten langileekin biltzen ari dira ez daitezela joan eskatzeko. Egunkariak dio ehunka direla enpresari badoazela esan dioten langileak.
Muskek ultimatuma eman zien asteazkenean langileei, bi aukerarekin: lanaldi luze eta gogorrak egiteko konpromisoa hartzea, ala enpresatik joatea hiru hilabeteko soldata jasota kalte-ordain gisa.
Konpainiaren jabeak mezu bat helarazi zien langileei azaltzeko Twitter 2.0 sortzeko "intentsitate altuko ordu asko" lan egin beharko direla, eta esateko "aparteko prestutasuna" agertzen dutenek bakarrik egingo dutela aurrera.
"Twitter berriaren parte izan nahi baduzu, sakatu baietz beheko loturan", zioen mezuak.
"Biharko (osteguneko) 17:00etarako (Euskal Herriko 23:00etarako) egiten ez duenak hiru hilabeteko kalte-ordaina jasoko du", gaineratu zuen Muskek.
Muskek langile ugari kaleratu du konpainia bere egin zuenetik, 7.500 langileen erdia gutxi gora-behera.
Zure interesekoa izan daiteke
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.