Larunbatetik aurrera ekoitzitako gailu elektronikoek C motako USB ataka izango dute
Iritsi da Europan teknologia ekoizleek egutegian markatuta zuten eguna. Larunbatetik aurrera ekoizten diren gailu elektroniko gehientsuenek USB-C motako kargagailu-ataka izan beharko dute, Europako Batzordearen zuzentarauari jarraiki. Neurri honekin zabor elektronikoa murriztu nahi da, baita kontsumitzaileen bizitza erraztea ere.
Europar Batasuneko herrialdeek abenduaren 28ra arteko epea zuten ekoizpena egokitu eta araua betetzeko, eta epe hori beteta, sakelako telefonoek (Android eta Apple), tabletek, argazki kamera digitalek, liburu elektronikoek, teklatu, sagu, bideo-kontsolek, entzungailu eta GPS sistemek kargagailu bakarra izango dute, USB-C motakoa.
Ordenagailu eramangarrien kasuan, 2026ko apirilaren 28ra arteko epea izango dute fabrikatzaileek kargagailu unibertsalerako bidea egiteko.
Helburua hirukoitza da: kontsumitzaileen erosotasuna bermatzea, zabor elektronikoa gutxitzea eta kargagailuen merkatu-fragmentazioa saihestea.
Orain arteko sistemarekin USB 2.0 Micro B, USB-C eta Applene Lightning sarbideak zeuden baimenduta, 2009ko borondatezko akordio bati esker. Baina, hala ere, Europako Batzordearen kalkuluen arabera, urtean 11.000 tona zabor elektroniko sortzen zen.
Egoera horri buelta emateko asmoz, kontsumitzaileek ez dute kargagailurik erosi beharko gailu elektroniko bat erosten duten bakoitzean, eta uste da urtean 250 milioi euro aurreztuko direla horrela, behar ez diren kargagailutan.
Zabor elektronikoa gutxitzeko EBren estrategia zabalago batean txertatzen da arau hau, kontsumitzaileek erabaki jasangarriagoak hartu ahal izan ditzan eta ekonomia zirkularra erraztu.
Gainera, lehengaien erauzketa murriztea ere badu helburu arauak, kargagailuen ekoizpenetik, garraiotik eta suntsiketatik sortzen diren CO2 igorpenak ere gutxituz.
"Gertutik jarraituko ditugu ekoizleen egokitzapen prozesuak, baita Europako Batzordeak kargatze-inalanbrikoari eta bereizte teknologikorako eskakizunen inguruan egiten ari den azterketei ere", azaldu du Anna Cavazzini Europako Parlamentuko Barne-Merkatuko Batzordeko presidenteak.
Berdeen taldeko eurodiputatuarentzat, "ezinbestekoa da, merkatuak aurrera egin ahala, kontsumitzaileek erabaki inteligente eta jasangarriak hartu ahal izateko tresnak edukitzea".
Zure interesekoa izan daiteke
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.