Zer da DeepSeek, AEBko adimen artifizialaren merkatuari astindua eman dion Txinako aplikazioa?
Txinaren eta AEBren gerra komertzialaren beste hari mutur bat, adimen artifizialaren (AA) merkatuan. DeepSeek Txinako konpainiak danbatekoa eman du arlo horretan, eta dar-dar batean jarri ditu ChatGPT (OpenAI) eta Metak sortutako adimen artifizialeko aplikazioak. Horren erakusle, Silicon Valleyko konpainia teknologikoek nabarmen egin dute behera burtsetan.
Baina, zer da DeepSeek? Adimen artifizialeko aplikazio bat da, eta AEBko lehiakideen antzera, problema matematikoak ebazten ditu eta modu eraginkorrean erantzuten die egiten zaizkion galderei. Baina, besteek ez bezala, kode irekia du, hau da, edozeinek arakatu, moldatu eta garatu dezake nahieran. Gainera, doakoa da. Low cost (merkea) adimen artifizial hori OpenAi ChatGPTren o1 modeloarekin parekatu dute, prestazio antzekoak baititu.
Euskaraz ere mintzatzen da DeepSeek, Euskadi Irratiak egiaztatu ahal izan duenez. Nolanahi ere, oinarrizko esaldiekin bakarrik moldatzen da ondo, gai konplexuetan ingelesera edo gaztelerara jotzen baitu.
2023an atera zuen Txinako High-Flyer Quant funtsak. Dioenez, bi hilabetean garatu zuten eta sei milioi dolar gastatu zituzten "bakarrik" —AEBko lehiakideak garatzeko, aldiz, 100 eta 1000 milioi dolar artean behar izan zituzten—.
Azken asteotan Txinako eta AEBko App Store dendetan deskargen buru bilakatu da DeepSeek, ChatGPTri berari aurrea hartuta.
Lurrikara burtsetan
Testuinguru honetan, astelehen beltza izan dute AEBko konpainia teknologikoek, eta Estatu Batuetako Nvidia txip fabrikatzaileak % 16,9ko beherakada izan du Wall Streeten, 600.000 milioi dolar galduta. Adituen arabera, kotizatutako enpresa batek egun batean inoiz izandako galerarik handiena da hori. Horrez gain, teknologikoak ez diren baina sektorearekin harremana duten beste batzuek kolpe latza izan dute: Schneider Electricek % ia 10 galdu du, eta Siemensek, % 3,38.
Nikkei Tokioko burtsak ere zenbaki gorriekin (% 1,7 egin du behera) hasi du eguna, Nvidiaren zartakoak sektore osoa herrestan eraman du eta.
Arrakasta horren erdian, DeepSeekek iragarri du zibererasoa pairatu berri duela, eta aldi batez, erabiltzaile berrien erregistroa mugatu behar izan duela.
"DeepSeeken zerbitzuen kontrako eraso gaizto handien ondorioz, erregistroak kale egin dezake. Itxaron ezazu eta geroago saiatu zaitez. Dagoeneko erregistratuta dauden erabiltzaileek arazo barik erabil dezakete aplikazioa. Eskerrik asko gu ulertu eta babesteagatik", ageri da aplikazioa deskargatu eta erregistratzen saiatzen direnei azaltzen zaien mezuan.
Trump: "Gure enpresei egindako ohartarazpena da"
Gogora ekarri behar da Donald Trump AEBko presidenteak adimen artifizialean 500.000 milioi dolarreko inbertsioa egingo duela, Stargate proiektuaren baitan.
DeepSeeken arrakastaz galdetuta, Trumpek erantzun du AEBko konpainia teknologikoei egindako "ohartarazpena" dela eta honakoa gaineratu du, Floridan egin duen ekitaldi batean: "Gure industriek berarekin lehiatzen jarri beharko dute gogoa".
Zure interesekoa izan daiteke
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.
Mundu osoko gobernuak Musken Grok estutzen ari dira, horrek sortu ditzakeen “deepfake” sexualengatik
Europan, hainbat gobernuk ikerketak abiatu dituzte horrelako edukiak legez kanpokoak diren ebaluatzeko.
ChatGPTk eta Copilotek WhatsAppen funtzionatzeari utziko diote eta Meta AIk bakarrik jarraituko du eskuragarri
Mezularitza-plataformaren politika berriengatik, beste enpresen chatbotak itxiko dituzte, eta, ondorioz, OpenAI eta Microsoftenak erretiratuko dituzte bihartik aurrera.
Wikipediak 25 urte bete ditu, eta euskarazko edizioa hizkuntza gutxituen erreferente bihurtu da
Munduko entziklopedia aske eta kolaboratiborik handiena, 60 milioi artikulu baino gehiago dituela, 25. urteurrena ospatzen ari da. Era berean, euskarazko Wikipedia nabarmendu da, hazkunde iraunkorragatik, komunitate aktiboagatik eta euskara Interneten zaintzen eta zabaltzen laguntzeagatik.
Datuak Babesteko Agentziak inoren irudiak zabaltzeak dakartzan ondorioez ohartarazi du, penalak ere izan daitezke eta, egiazkoak zein AArekin sortutakoan izan
Datuak Babesteko Espainiako Agentziak ohartarazi du tresna horiek zuhurtziarik gabe erabiltzeak oinarrizko eskubideak urra ditzakeela eta legezko erantzukizunak ekar ditzakeela, batez ere eduki intimoa, sexualizatua edo adingabeei buruzkoa den kasuetan.