Trumpek 90 egunez luzatu du TikToki Txinatik bereizteko emandako epea
Trumpek 90 egun gehiago eman dizkio TikToki Txinako matrizetik bereiz dadin, AEBn erabili ahal izateko. Bidenen agintaldiko lege batek Txinarekin moztera behartzen zuen app-a, AEBren "arerioa" dela iritzita, baina Trump presidenteak luzapenak onartu ditu TikTok-ek AEBko inbertitzaile bat aurkitu dezan.
Donald Trump Ameriketako Estatu Batuetako presidenteak beste 90 egunez luzatu du TikTok enpresari emandako epea, ByteDance enpresa txinatarretik hausteko eta AEBn lanean jarraitu ahal izateko.
Oraingoz, Justizia Sailak ez du erakunderik zigortuko AEB Atzerriko Aurkariek Kontrolatutako Aplikazioetatik Babesteko Legea "ez betetzeagatik". Izan ere, herrialde horien artean dago Txina.
Lege hori Joe Bidenen agintaldian onartu zuten, eta TikTok txinatarra ez den inbertitzaile bat aurkitzera behartzen zuen. Epea, hain zuzen, urtarrilaren 20an bukatu zen, Trumpek kargua hartu zuen egunean. Hala ere, egungo presidenteak luzapenak onartu ditu, aplikazioari denbora gehiago emateko.
Trumpek aurretik adierazi duenez, TikTok “ahulgunea” da berarentzat, hauteskunde kanpainan gazteen artean irudi positiboa izaten lagundu omen baitzion.
Karoline Leavitt Etxe Zuriko bozeramaileak ere hizpide izan du gaia aste honetan. "Behin baino gehiagotan esan duen bezala, (Trumpek) ez du nahi TikTok desagertzea. Luzapenak 90 egun iraungo du, eta Administrazioak lan egingo du akordio hau ixteko eta estatubatuarrek TikTok erabiltzen jarraitu ahal izateko, euren datuak babestuta daudela bermatuta", azaldu du.
Teknologiari buruzko albiste gehiago
Euskarazko eta beste hizkuntza gutxituetako txatbotak sortzeko modu berritzailea topatu du HiTZ zentroak
Orain arte, txatboten elkarrizketa onak izateko gaitasuna Interneten modu irekian hizkuntza jakin batean idatzita dauden dokumentu kopuruaren araberakoa zen, baina metodo berriak izugarri erraztuko du txatboten jarduna egokiagoa izatea.
Nintendo Switch 2a erosi aurretik jakin beharreko 5 gauza
Nintendoren kontsola berria ostegun honetan, ekainak 5, merkaturatu dute eta hemen dituzu erosi aurretiko jakingarri batzuk.
Donostiako CIC nanoGUNE errefererentzia-zentro bihurtuko da teknologia kuantikoan
Ibaeta auzoan dagoen CIC nanoGUNEren eraikinak bigarren dorre bat izango du, eta bertan hardware kuantikoaren ikerketara bideratutako laborategiak egongo dira.
Espainiar Estatuko hiru pasahitz erabilienak segundu bakar batean deszifra daitezke
Igandean Pasahitzaren Nazioarteko Eguna dela eta, Gipuzkoako Ziur Industria Segurtasun Zentroak ohartarazi du ziberasko gehienak pasahitzak lapurtuta egin ohi dituztela ziberkriminalek.
YouTuberen 20. urteurrena: Hau da 2005eko apirilaren 23an plataformara igotako lehen bideoa
2005eko apirilaren 23an, hogei urteko gazte batek 18 segundoko grabazio bat igo zuen. Igotakoak mundua irauliko zuen, 530 milioi bistaratze baino gehiago lortuta.
OpenAI bere sare sozial propioan ari da lanean, eta Xen antzekoa izango litzateke
Sam Altman OpenAIko zuzendari exekutiboak pribatuan iritziak eskatu ditu oraindik lehen faseetan dagoen proiektuari buruz. Ez dago argi konpainiak sare soziala aplikazio independente gisa abiarazteko edo ChatGPTn barneratzeko asmoa duen.
Amazonek TikTok erosteko eskaintza aurkeztu du
"The New York Times" egunkariaren arabera, AEBko erraldoi teknologikoak Txinako sare sozial osoa erosteko eskaintza egin du.
Segurua al da Signal? AEBk gerra planak aztertzeko erabili duen aplikazioaren erradiografia
Mezularitza aplikazio honek zeresana eragin du azken egunetan, Trumpen Administrazioak nahi gabe kazetari bat sartu baitzuen gerra planak partekatzen zituen txat zifratu batean.
Horrelakoa da Quantum System Two, IBMren ordenagailu kuantikorik aurreratuena
Eusko Jaurlaritzak eta IBMk iragarri dute Europako lehen IBM Quantum System Two ordenagailua instalatuko dutela Donostian. Sistema kuantiko horrek 156 kubiteko IBM Quantum Heron prozesadore bat izango du, erabilgarritasun-eskalara iristeko diseinatua dagoena.