ChatGPTk eta Copilotek WhatsAppen funtzionatzeari utziko diote eta Meta AIk bakarrik jarraituko du eskuragarri
Mezularitza-plataformaren politika berriengatik, beste enpresen chatbotak itxiko dituzte, eta, ondorioz, OpenAI eta Microsoftenak erretiratuko dituzte bihartik aurrera.
OpenAIren ChatGPT eta Microsoften Copilot ez dira WhatsAppen egongo bihartik aurrera, Metaren jabetzako mezularitza-plataformak ezarritako aldaketen ondoren. Plataforma horrek beste enpresen chatbotak erabiltzea galaraziko du, eta bere propioa mantenduko du, Meta AI.
Microsoftek 2024ko urrian sartu zuen Copilot WhatsAppen, erabiltzaileei eguneroko ingurunean adimen artifizialarekin interakzioan aritzeko beste aukera bat eskaintzeko. Kontsultak ebaztea eta irudiak sortzea eskaintzen zuen, besteak beste.
Hala ere, WhatsAppeko politiken azken eguneraketek zerbitzu mota horiek kentzera behartzen dute orain. Microsoftek ohar batean azaldu duenez, urtarrilaren 15etik aurrera plataformak hirugarrenen hizkuntza eredu handietan (LLM) oinarritutako chatbot guztiak ezabatuko ditu.
Zehazki, WhatsAppek ezartzen du Adimen Artifizialaren teknologien hornitzaileek eta garatzaileek, baita Adimen Artifizial generatiboaren plataformek edo helburu orokorreko laguntzaileek ere, erabat debekatuta dutela WhatsApp Business erabiltzea, eta horrek zerbitzu horiekin jarraitzea eragozten du.
Ondorioz, ChatGPTk WhatsAppeko jarduera etengo du. Plataforma horretan 50 milioi pertsonak baino gehiagok erabili dute adimen artifizialeko laguntzailea.
OpenAIk eta Microsoftek gaur arteko epea eman dute nahi duten erabiltzaileek elkarrizketen historia esportatu ahal izateko, bi chatbotak WhatsAppetik behin betiko erretiratu aurretik.
Zure interesekoa izan daiteke
Wikipediak 25 urte bete ditu, eta euskarazko edizioa hizkuntza gutxituen erreferente bihurtu da
Munduko entziklopedia aske eta kolaboratiborik handiena, 60 milioi artikulu baino gehiago dituela, 25. urteurrena ospatzen ari da. Era berean, euskarazko Wikipedia nabarmendu da, hazkunde iraunkorragatik, komunitate aktiboagatik eta euskara Interneten zaintzen eta zabaltzen laguntzeagatik.
Datuak Babesteko Agentziak inoren irudiak zabaltzeak dakartzan ondorioez ohartarazi du, penalak ere izan daitezke eta, egiazkoak zein AArekin sortutakoan izan
Datuak Babesteko Espainiako Agentziak ohartarazi du tresna horiek zuhurtziarik gabe erabiltzeak oinarrizko eskubideak urra ditzakeela eta legezko erantzukizunak ekar ditzakeela, batez ere eduki intimoa, sexualizatua edo adingabeei buruzkoa den kasuetan.
"Zure urtea ChatGPTn", 2025eko interakzioak laburbiltzen dituen funtzio berria
Erabiltzaile orok izango du tresna eskuragarri, doako bertsioen nahiz ordainpeko bertsioen erabiltzaileek, betiere gordetze-memoria eta txat-historia aktibatuta badituzte.
Zertarako balio du eta nola erabiltzen da Googleko bilaketa-barraren '+' botoi berria?
Googleko bilaketa-barraren ezkerreko muturrean, '+' ikonoak lupa ordezkatu du. Irudi bat zein fitxategi bat eransteko aukera ematen du, eta, Adimen Artifizialak lagunduta, bilaketa aurreratua egiten du Googlek, irudi nahiz fitxategi horiek testuinguru gisa erabilita.
Cloudflarek konpondu du mundu mailan webgune ugaritan arazoak eragin dituen akatsa
Arazo berri hori duela aste batzuk gertatu zen beste etenaldi global garrantzitsu baten ondoren etorri da. Hainbat zerbitzuri eragin zien, hala nola X sare sozialari, ChatGPT 'chatbot'-ari eta League of Legends bideojokoari.
Netflixek Warner Bros. Discovery eskuratuko du, 82.700 milioi dolarren truke
Bi konpainiek akordio bat lortu dute ostiral honetan, zinema eta telebista estudioak eta HBO barne hartzen dituena.
Prentsa digitalari 479 milioi ordaintzera kondenatu dute Meta, lehia desleialagatik
Madrilgo Merkataritza Arloko 15 zenbakiko Epaitegiak AMIko 87 editoreri kalte-ordaina ematera zigortu du Meta, lehia-abantaila bat lortzeagatik, Facebooken eta Instagramen jokabide-publizitatearen bidez.
X, ChatGPT eta League of Legends berriro martxan dira, Cloudfarek sarean izandako akatsa konpondu ondoren
15:42 zirenean jakinarazi du konpainiak, arazoa konponduta dagoela. Gertatukoaren atzean egon arrazoia ere identifikatu dutela esan dute, baina ez dute zehaztu zer gertatu den. Web orrian honako mezua argitaratu dute: "Akatsak monitorizatzen jarraitzen dugu, zerbitzu guztiak bere onera etor daitezen".
Amazonen eta Microsoften hodeiko zerbitzuen inguruko ikerketa zabaldu du Bruselak
Amazon Web Services eta Microsoft Azure konpainiek ez dituzte betetzen "Interneteko zaindari" izendatzeko baldintzak, ez baitauzkate Europar Batasunean horretarako hilero behar diren 45 milioi erabiltzaile, baina Europar Batasuneko Gobernuak jakin nahi du, hala ere, nahikoa kuota ote duten sektorean lehia askea oztopatzeko.