Irudiena gune berriak ateak ireki ditu Durangoko Azokan
Durangoko 46. Liburu eta Disko Azoka bere ibilaldiaren erdira iritsi da. Hirugarren egun honetan, aurtengo berrikuntzetan azkena inauguratuko dute: Irudiena espazio berria.
Euskarazko ikus-entzunezkoen proiektuak aurkezteko gune berria da Irudiena, eta erakustazoka ondoan egokitu dute aretoa, autobus batean. Inauguratu ondoren, 12:00etan, Zinema Euskaraz programako pelikulekin gozatzeko aukera izango da bertan. eitb.com-en ere ikusgai dagoen programa horren helburua herritarrei zinema euskaraz hurbiltzea da, eta zortzi orduko emanaldia egingo da Azokan, etenik gabe, autobus horretan.
Txikienek ere euskarazko zinemaz gozatzeko aukera izango dute astearte honetan Durangoko Azokan. Haur literatura aretoan, 11:00etatik aurrera, 'Tintiman en Durango' umeentzako film laburraren emanaldia egingo dute, karabana magiko batean.
Ordubete geroago, hainbat CD eta DVD berri aurkeztuko dituzte bertan, tartean Pirritx, Porrotx eta MariMotots pailazoen lan berriarena.
Amaitzeko, arratsalde partean, ipuin kontaketa berezia egingo dute bertan hainbat idazle galegok eta euskaldunek.
Musikarekin hitzordua ez da faltako astearte honetan Azokan. Ahotsenean, Lain (11:00), Basaki (13:30) eta Hesian (19:30) taldekoen zuzenekoak izango dira. Literatura munduak ere txoko berezia izango du bertan: 12:30ean, Unai Elorriagaren eta Irati Jimenezen artikuluen bilduma aurkeztuko dute; eta, 16:00etan, Goizalde Landabasok 'Branskit' liburua aurkeztuko du.
Eguna bukatzeko, antzerki maratoia izango da Szenatokian. 19:00etatik aurrera, Higa, Morritson eta Gartzia, Metrokoadroka eta Karrika arituko dira bertan.
Zure interesekoa izan daiteke
Sigur Rós talde islandiarrak Bilbon joko du irailaren 15ean
Emanaldia Euskalduna Jauregian izango da, Bilbao Orkestra Sinfonikoarekin batera. Kontzertua Robert Ames zuzendariarekin eta tokian tokiko orkestrekin egiten ari diren biraren parte da.
Gemma Cuervo aktorea hil da, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaio eta Madrilen hil den aktorea.
"Carne y arena" murgiltze esperientzia, gaurtik aurrera EITBren Bilboko egoitzan
Berez, joan den astean zen zabaltzekoa, baina, arrazoi teknikoak tarteko, atzeratu egin behar izan dute. Alejandro Gonzalez Iñarritu zinemagilearen instalazioa bisitatzeko sarrerak EITBren webgunean eskuratu ahal dira.
Hollywood, Oscar sarien 98. ekitaldirako prest
"Sinners" filmak markak hautsi ditu 16 izendapen jasota, eta "Sirat" Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan protagonista nagusiak.
EITBren "Super Manterola" komedia berria grabatzen ari dira
Anjel Alkain, Iker Galartza eta Aitziber Garmendia daude aktoreen artean. Karmelo eta Luixito anaiak dira, biak mutilzaharrak, eta Bakartxo ilobarekin batera, Super Manterola dendaren ardura dute. Azpeitiko Erdi kalean grabatzen ari dira eta, oraindik emisio egunik zehaztu ez bada ere, barre-algarak egin egingo ditugu.
Korrikaren lehen kilometroak Parisen, aldarrikapenez beteta
Dozenaka lagunek hartu dute parte Korrikaren lehen kilometroetan, Parisen, eta Euskal Etxearen 70. urteurrena ere ospatu dute, besteak beste, Frantziako Estatuan euskararen ofizialtasuna aldarrikatuz.
“Los domingos”ek goya jo du
Alauda Ruiz de Azuaren pelikulak film onenaren, zuzendari onenaren, gidoi onenaren, emakumezko aktore protagonista onenaren eta antzeztaldeko emakumezko aktore onenaren sariak irabazi ditu Goya sarien 40. edizioan. Jose Ramon Soroizek gizonezko aktore protagonista onenaren saria jaso du, Maspalomasen egindako lanagatik, eta euskal zinemak zortzi sari bereganatu ditu guztira.
'Yellow Letters' filmak lortu du Berlinaleko pelikula onenaren Urrezko Hartza
Turkiako agintariek artista bikote baten aurka duten zentsurari buruzkoa da Ique lker Çatak zinemagile turkiar-alemaniarraren filma.
“Carne y arena” Alejandro Gonzalez Iñarrituren instalazioa, EITBren Bilboko egoitzan bisitagai
Bisitaria migratzaile eta errefuxiatuen bidaiaren zati baten erdian kokatzen duen “murgiltze esperientzia” martxoaren 11tik ekainaren 20ra paratuko dute EITBren egoitzaren 5. platoan. Sarrerak otsailaren 17tik aurrera egongo dira salgai, 11,21 euroan.
Amikuzeko libertimenduarekin, inauteri giroan murgildu da Nafarroa Beherea
Libertimenduek Donapauleko plaza hartu dute musika, dantza, bertsoa eta antzerkien eskutik. Martxoaren 14ra bitartean, beste hainbat emanaldiz gozatzeko aukera egongo da herriko sorkuntzekin.