120.000 euroko laguntza emango dio Jaurlaritzak Gerediaga Elkarteari
Hasieran, 80.000 euroko ekarpena aurreikusi zuen Eusko Jaurlaritzak aurrekontuetan, baina Gerediaga Elkarteari 120.000 euro diru-laguntza ematea erabaki du Exekutiboak aurtengo Durangoko Azoka bermatzeko.
Jose Angel Muñoz Kultura sailburuordeak Radio Euskadi irratian azaldu duenez, asteartean Gerediaga Elkartearekin bilera "luze eta probetxugarria izan zuten Durangoko Azokaren etorkizuna bermatzeko, herri honen kulturan funtsezko osagaia baita".
Gerediaga Elkarteko eta Eusko Jaurlaritzako arduradunek elkarrizketa sorta hasiko dute ekarpena zehaztu eta egonkortzeko, datozen urteetako azokak bermatzeko. "Ahal den neurrian harreman etengabea izatea adostu dugu", azaldu du Muñozek.
Finantziazio gehiago
Gerediaga Elkarteko arduradunak ekarpen berriarekin "pozik" azaldu dira. Hala ere, gainerako erakundeekin lanean jarraitzeko eskatu dio Gasteizko Exekutiboak Elkarteari, finantziazio gehiago lortzeko.
"Euskararen eta herriaren kultura osoarentzat balio handia du azokak; eta ondorioz, ez da bakarrik Bizkaiko Aldundiaren eta Eusko Jaurlaritzaren kezka, Arabako eta Gipuzkoako aldundiek, Nafarroako gobernuak eta Durangoko Udalak ere egitasmoan parte hartu beharko lukete, konpromiso eta ekarpen handiago batekin", adierazi du Muñozek.
Diru-laguntza berriak aurkitzeko lana Gerediagak egin behar duela argi utzi du sailburuordeak; izan ere, hark antolatu du azoka azken 50 urteetan, eta "oso ondo egin du, inork ez du zalantzan jarri gauzak oso ondo egiteko gai dela, proiektuko agintariak dira".
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.