Donostia 2016k programazioko 30 jarduera aurkeztu ditu
Donostia 2016 Europako Kultur Hiriburutzaren lantaldeak proiektuaren ildo nagusiak azaltzen dituen eta hiriburutza urteari begira prestatu dituen 30 jarduera zehazten dituen argitalpena banatuko du lurraldeko hainbat kioskotan, apirilaren 16an.
Idatzi horretan, proiektuaren filosofiaren gaineko azalpen zabala irakurri ahalko dute herritarrek, hala nola hiria "pertsonen arteko sare gisa" erakusten duen pentsamoldearen nondik norakoak eta "itsasargiak", hiriburutzaren programazioaren ardatzak, zer diren.
Izan ere, Donostia 2016ko programazioa hiru "itsasargi" edo arlo tematikotan banatuta egongo da: Bakearen Itsasargia, Bizitzaren Itsasargia eta Ahotsen Itsasargia. Lehenengoak "bakea eta errespetua" sustatzeko jarduerak bultzatuko ditu; bigarrenak gizartearen eguneroko bizitza hobetzearekin lotutako ekintzak hartzen ditu bere gain; eta hirugarrenak, Ahotsen Itsasargiak, azkenik, adierazpen artistikoek emozioa, hausnarketa eta besteenganako loturak sortzeko duten balioa jarriko du agerian.
Herritarrei begira, hiria aldatzeko bost helburu jarri dizkiote beren buruari Donostia 2016 hiriburutzaren arduradunek, eta "kaiak" izenarekin bataiatu dituzte erronka horiek, itsasoarekin lotutako terminologiari eutsiz. Bestelab kaia herritarrek erabakiak hartzeko laborategia izango da; Hirikia kaiak teknologia berrien integrazioa sendotuko du; Hazitegiak izenekoak sortzaileak eta audientzia elkarri hurbilduko dizkio; 284 + kaiak euskarari begiratuko dio; eta Pagadi kaiak jarduera artistiko garaikideei buruz pentsamendu kritikoa lantzeko bitartekoak jarriko ditu.
30 jarduera
Auzoz auzo proiektua aurkezteko eginiko agerraldi sortan, 2016an hiria hartuko duten jardueretako batzuk aurkeztu zituzten DSS2016EUkoek, eta txosten honetan beste batzuk ere zehaztu dituzte, 30 guztira.
Bakearen Itsasargiaren inguruan antolatutako ekintzek, besteak beste, giza eskubideak eta elkarbizitza izango dituzte hizpide, eta hainbat adierazpide erabiliko dituzte horiek gauzatzeko: antzerkia, zuzeneko musika, instalazioa, dantza…
Bakearen irudikapenari buruz Europan inoiz egin den erakusketarik handiena Donostian egongo da ikusgai, gerraren aurkako musika jaialdia egingo dute, hiriko hormak grafitiz apaindu…
Bizitzaren Itsasargiaren inguruan bildutako ekintzetan, adibidez, geografia, feminismoa, hirigintza eta ongizatea izango dira protagonista, eta denetariko jarduerak izango dira: Hirikilabs teknologia herritarren zerbitzura jartzeko laborategia, ligodromoa, ondare ekologikoa hobeto ezagutze aldera diseinatutako ibilbideak…
Ahotsen Itsasargiak, azkenik, hamaika adierazpen artistiko erabiliko ditu, arteak komunikatzeko, galderak egiteko eta hunkitzeko balio dutela aldarrikatzeko. Edukiontzi tematiko honen kariaz ere, hamaika jarduera izango dira Gipuzkoako hiriburuan eta beste hainbat lekutan: Europako Musika Eskolen Elkartearen musika jaialdia, Uda-gau bateko ametsa Shakespeareren lanaren antzezkizunak Cristina Enea parkean, txotxongiloen jaialdia, ahozko kultura eta inprobisatzaileen Europako topagunea…
Zure interesekoa izan daiteke
Iñarrituren "Carne y Arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari, besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.
Bilboko Euskalduna Jauregiak 8,8 milioi baino gehiagoko diru-sarrerak lortu ditu 2025ean
Iaz egindako 731 ekitaldietatik, 346 kultura arlokoak izan ziren, eta 385, kongresu profesionalak. Kongresuen fakturazioaren % 31 nazioarteko ekitaldietatik dator.
Eusko Jaurlaritzak Euskadiko Kultura Sistemaren Lege-proiektuaren zirriborroa aurkeztu du
Kultur sistema “antolatzea, koherentzia ematea eta sendotzea” da lege egitasmoaren helburua. Alegazioen epea martxoaren 20an irekiko da, “sektore kulturalaren, erakundeen eta herritarren ekarpenak jasotzeko”.
Sigur Rós talde islandiarrak Bilbon joko du irailaren 15ean
Emanaldia Euskalduna Jauregian izango da, Bilbao Orkestra Sinfonikoarekin batera. Kontzertua Robert Ames zuzendariarekin eta tokian tokiko orkestrekin egiten ari diren biraren parte da.
Gemma Cuervo aktorea hil da, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaio eta Madrilen hil den aktorea.
"Carne y arena" murgiltze esperientzia, gaurtik aurrera EITBren Bilboko egoitzan
Berez, joan den astean zen zabaltzekoa, baina, arrazoi teknikoak tarteko, atzeratu egin behar izan dute. Alejandro Gonzalez Iñarritu zinemagilearen instalazioa bisitatzeko sarrerak EITBren webgunean eskuratu ahal dira.
Hollywood, Oscar sarien 98. ekitaldirako prest
"Sinners" filmak markak hautsi ditu 16 izendapen jasota, eta "Sirat" Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan protagonista nagusiak.
EITBren "Super Manterola" komedia berria grabatzen ari dira
Anjel Alkain, Iker Galartza eta Aitziber Garmendia daude aktoreen artean. Karmelo eta Luixito anaiak dira, biak mutilzaharrak, eta Bakartxo ilobarekin batera, Super Manterola dendaren ardura dute. Azpeitiko Erdi kalean grabatzen ari dira eta, oraindik emisio egunik zehaztu ez bada ere, barre-algarak egin egingo ditugu.
Korrikaren lehen kilometroak Parisen, aldarrikapenez beteta
Dozenaka lagunek hartu dute parte Korrikaren lehen kilometroetan, Parisen, eta Euskal Etxearen 70. urteurrena ere ospatu dute, besteak beste, Frantziako Estatuan euskararen ofizialtasuna aldarrikatuz.
“Los domingos”ek goya jo du
Alauda Ruiz de Azuaren pelikulak film onenaren, zuzendari onenaren, gidoi onenaren, emakumezko aktore protagonista onenaren eta antzeztaldeko emakumezko aktore onenaren sariak irabazi ditu Goya sarien 40. edizioan. Jose Ramon Soroizek gizonezko aktore protagonista onenaren saria jaso du, Maspalomasen egindako lanagatik, eta euskal zinemak zortzi sari bereganatu ditu guztira.