Euskarazko bideo jokoen ekaitza Durangon, giro eguzkitsua gorabehera
Hizkuntza batek, erabilgarri eta baliagarria izan nahi badu, esparru guzti-guztietan behar du hedatuta egon, nola literaturan hala bideo jokoetan, zientzian bezala, egunero erabiltzen ditugun pantailetan.
Premisa horretatik abiatuta, 2014ko udan Urtzi Odriozola eta beste lagun batzuk kafe baten bueltan bildu ziren, eta, Sarean jokalari euskaldunak aurkitzea zaila zela iritzita, zerbait egin eta Game Erauntsia taldea sortu zuten, euskal jokalariek erreferente bat izan eta garatzaileei merkatua egon badagoela ikusarazteko.
Webgunea martxan jarri, eta, urtebeteren ondoren, Euskal Herri osoko jokalariak batu zaizkie misiora. Bideo jokoetan aritzen diren euskaldunek badute informazioa partekatzeko gunea, foroa.
Euskal mitologia eta pilota, pantailan
Pantailaren bestaldean ere, mugitzen ari dira gauzak. Binary Soul bizkaitar enpresak, esaterako, euskarazko bi proiektu ditu garapen fasean. Lehenengoa, Sorgina Pirulina PCrako jokoa, 2016ko otsailean merkaturatu nahi dute, Endika Campo enpresako kideak azaldu digunez.
"Haurrentzako jokoa da, helburu didaktikoa ere badaukana, eta Mari, Gaueko, Basajauna eta euskal mitologiako beste pertsonaia batzuk irudikatzen ditu, Santimamiñen, Omako Basoan Sorgin Etxen eta ezagunak zaizkigun beste agertoki batzuetan", azaldu digu Campok.
Bigarren proiektua ordenagailuaren bidez pilotan aritzeko jokoa da. Simulatzailea baino gehiago arcade jokoa izango da, eta pantailako jokalariak benetako erabiltzailearen mugimenduak errepikatzeko pentsatuta dago. Horretarako, Kinect gailua eta Oculus Rift betaurrekoak erabili beharko dira, eta jokalariak frontoiaren 360º-ko ikuspegia izango du, azken horiei esker.
"Merkatua egon badago, badago nora jo", Campok esan digunez, "eta euskara sustatzen laguntzea oso interesgarria iruditzen zaigu".
Zure interesekoa izan daiteke
Sigur Rós talde islandiarrak Bilbon joko du irailaren 15ean
Emanaldia Euskalduna Jauregian izango da, Bilbao Orkestra Sinfonikoarekin batera. Kontzertua Robert Ames zuzendariarekin eta tokian tokiko orkestrekin egiten ari diren biraren parte da.
Gemma Cuervo aktorea hil da, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaio eta Madrilen hil den aktorea.
"Carne y arena" murgiltze esperientzia, gaurtik aurrera EITBren Bilboko egoitzan
Berez, joan den astean zen zabaltzekoa, baina, arrazoi teknikoak tarteko, atzeratu egin behar izan dute. Alejandro Gonzalez Iñarritu zinemagilearen instalazioa bisitatzeko sarrerak EITBren webgunean eskuratu ahal dira.
Hollywood, Oscar sarien 98. ekitaldirako prest
"Sinners" filmak markak hautsi ditu 16 izendapen jasota, eta "Sirat" Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan protagonista nagusiak.
EITBren "Super Manterola" komedia berria grabatzen ari dira
Anjel Alkain, Iker Galartza eta Aitziber Garmendia daude aktoreen artean. Karmelo eta Luixito anaiak dira, biak mutilzaharrak, eta Bakartxo ilobarekin batera, Super Manterola dendaren ardura dute. Azpeitiko Erdi kalean grabatzen ari dira eta, oraindik emisio egunik zehaztu ez bada ere, barre-algarak egin egingo ditugu.
Korrikaren lehen kilometroak Parisen, aldarrikapenez beteta
Dozenaka lagunek hartu dute parte Korrikaren lehen kilometroetan, Parisen, eta Euskal Etxearen 70. urteurrena ere ospatu dute, besteak beste, Frantziako Estatuan euskararen ofizialtasuna aldarrikatuz.
“Los domingos”ek goya jo du
Alauda Ruiz de Azuaren pelikulak film onenaren, zuzendari onenaren, gidoi onenaren, emakumezko aktore protagonista onenaren eta antzeztaldeko emakumezko aktore onenaren sariak irabazi ditu Goya sarien 40. edizioan. Jose Ramon Soroizek gizonezko aktore protagonista onenaren saria jaso du, Maspalomasen egindako lanagatik, eta euskal zinemak zortzi sari bereganatu ditu guztira.
'Yellow Letters' filmak lortu du Berlinaleko pelikula onenaren Urrezko Hartza
Turkiako agintariek artista bikote baten aurka duten zentsurari buruzkoa da Ique lker Çatak zinemagile turkiar-alemaniarraren filma.
“Carne y arena” Alejandro Gonzalez Iñarrituren instalazioa, EITBren Bilboko egoitzan bisitagai
Bisitaria migratzaile eta errefuxiatuen bidaiaren zati baten erdian kokatzen duen “murgiltze esperientzia” martxoaren 11tik ekainaren 20ra paratuko dute EITBren egoitzaren 5. platoan. Sarrerak otsailaren 17tik aurrera egongo dira salgai, 11,21 euroan.
Amikuzeko libertimenduarekin, inauteri giroan murgildu da Nafarroa Beherea
Libertimenduek Donapauleko plaza hartu dute musika, dantza, bertsoa eta antzerkien eskutik. Martxoaren 14ra bitartean, beste hainbat emanaldiz gozatzeko aukera egongo da herriko sorkuntzekin.