Horacio Altuna, Paul Pope eta Alex Robinson, Getxoko Komiki Azokan
Getxoko Komiki Azokaren hamabosgarren edizioa azaroaren 18tik 20ra egingo dute, eta, antolatzaileek gaur iragarri dutenez, 60 bat erakusmahai jarriko dituzte bertan liburu denda eta argitaletxeek. Gainera, besteak beste, David Aja, Horacio Altuna, Paul Pope eta Alex Robinson egileak bertaratuko dira Getxora.
Getxoko Kultura Aretoak iragarri duenez, komiki denda, liburu denda, aldizkari, fanzine eta argitaletxeek euren materiala erakutsiko dute, eta, horrez gain, bestelako jarduera batzuk egongo dira, hala nola erakusketak, proiekzioak, aurkezpenak eta hitzaldiak.
David Aja ilustratzaile gaztea, nazioarte mailan azalak egiteko eskaera gehien jasotzen dituen egileetako bat, egongo da Getxon. Marvel Comics estatubatuar argitaletxearentzat lan garrantzitsuak egin ditu Ajak.
Paul Pope komiki alternatiboaren egile azpimarragarrienetako bat ere egongo da Getxon. Publiko nagusiak superheroien komikietan eginiko lanagatik ezagutzen du Pope, “Batman: Año 100” lanagatik adibidez.
Gainera, Alex Robinson "Malas ventas" eleberri grafikoa ezagunaren egilea ere egongo da zaleekin Getxon, Horacio Altuna argentinar egile beteranoa eta Jose Ibarrola euskal egilea omenduko dituen azokan.
Edizio honetan, halaber, egile hauek ere pasatuko dira Getxotik: David Rubin, Chris Hunt, Mamen Moreu, Dani Fano, Quan Zhou Wu, Ana Oncina, Rayco Pulido, Natacha Bustos, Kike Infame, Marcos Prior, Víctor Santos, Susanna Martín eta Nuria Tamarit.
Zure interesekoa izan daiteke
'Fantasia eta arrazoia': Goyaren artelan handiak biltzen dituen erakusketa Gasteizko Arte Ederren Museoan
'Gerraren hondamenak’, ‘Tauromakia’, ‘Burugabekeriak’ eta ‘Kapritxoak’ dira aurkitu daitezken Francisco de Goyaren lau sail nagusiak. Erakusketa 2027ko otsailera bitarte egongo da Gasteizko Arte Ederren Museoan. Bestetik, Donostiako San Telmo museoan ere erakusgai dago Goya protagonista duen erakusketa bat.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko du Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.