Euskal Herriko Dantza Txapelketaren 42. edizioa, gaur, Seguran
Euskal Herriko Dantza Txapelketaren 42. edizioa jokatuko da gaur (urriak 20). Hamalau bikote arituko dira nor baino nor gehiago Segurako Baratze pilotalekuan, arratsaldeko 18:00etan. Jaialdia Izaro Iraetak eta Imanol Artolak gidatuko dute eta gauean izango da ikusgai ETB1en eta eitb.eus-en, 22:00etan.
Asteazken honetan (urriak 17) egin da dantza txapelketaren aurkezpena EiTBren Donostiako egoitzan. Bertan aritu dira: Eñaut Telleria, Segurako alkatea; Mari Jose Telleria, Gipuzkoako Foru Aldundiko Kultura zuzendaria; Antton Mendizabal, Gipuzkoako Euskal Dantzarien Biltzarreko dantza sueltoko arduraduna, eta Andoni Salas, ETBko programa berezien arduraduna.
Hamalau bikote arituko dira lehian Seguran, eta horietatik hamabi gipuzkoarrak dira: Maider Aginaga-Iker Belintxon (Lezo), Maider Arrieta-Jon Ander Iriondo (Azpeitia), Larraitz Larrañaga-Amets Amubieta (Azpeitia), Idoia Narbaiza-Irati Olaizola (Legazpi), Ane Urruzola-Iker Sanz (Villabona-Lezo), Elaia Elorza-German Aranburu (Azpeitia), Idoia Besada-Xabier Artola (Pasaia-Irura), Saioa Galarraga-Julen Murgiondo (Bergara), Maite Beobide-Mikel Subinas (Azpeitia), Enara Arrizabalaga-Iker Sarasua (Azpeitia-Azkoitia), Laura Bastida-Ekain Uzkudun (Azpeitia) eta Leire Eizmendi-Gorka Kerejeta (Errezil-Azpeitia). Hamahirugarren bikotea, Sara Chaves-Gorka Etxeandia, Gasteiztik dator, eta hamalaugarrena, Oihana Dottax-Pierre Latasa, Lapurditik, Ainhoa eta Urruña herrietatik hain justu.
Dantzariek zortzi pausoko fandangoa txistuz, Isilkara txistulari taldearen musikarekin, eta arin-arina trikitiaz, Estanga anai-arrebak trikitilarien piezarekin, dantzatuko dute. Lau doinu izango dituzte aukeran, bi fandango eta bi arin-arin.
Epaimahaia Euskal Dantzarien Biltzarreko bost adituk osatuko dute: Josu Ibarra, Koro Sarasola, Ander Garitaonaindia, Nahikari Vizuete eta Xabier Mendizabal. Janzkera epaileak, berriz, Ainhoa Mendiburu eta German Nestares izango dira.
Imanol Artola eta Izaro Iraeta aurkezleek Juan Mari Sorazu dantza adituaren laguntza izango dute dantzarien jardunaren inguruan azalpenak emateko. Bestalde, Agustin Ezenarro kazetariak protagonistak elkarrizketatuko ditu.
Epaimahaiak erabakia eztabaidatzen duen bitartean, Andoni Aresti dantza eskolako goi mailetako ikasleek Kanta arina ikuskizuna eskainiko dute. Andoni Arestik eta Maria Martinek sortutako koreografia da, Roberto Etxebarriaren musika oinarri hartuta. Dantza emanaldian zuzeneko musikaz arduratuko dira Roberto Etxebarria bera (soinu txikia eta ahotsa), Miren Etxebarria (ahotsa), Idoia Markaida (panderoa), Jose Mari Palacios (kajoia) eta Maria Martin (esku-ahurrak).
Bestalde, omenaldia egingo zaio aurten hil den Jesus Mari Garate dantza maisu ordiziarrari. Segurako dantza txapelketari egindako ekarpenagatik esker ona jasoko dute haren alargunak, Kontxi Naldaizek, eta alabak, Aizpea Garatek.
III. Dantza Eguna eta bisita gidatuak
Euskal Herriko Dantza Txapelketaren karietara, III. Dantza Eguna ospatuko da Seguran larunbatean. 11:30ean polka erraldoia dantzatuko da herriko Azpilla taldeak zuzenduta. Ondoren dantza plaza gidatuak egongo diraTtipika taldearen eskutik. Herri bazkariaren ostean, Tio Teronen Semeak taldeak Festamentua ikuskizuna eskainiko du.
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.