Olatu Talkak musika, jolas eta argiz beteko du Donostia asteburuan
2.000 pertsonak baino gehiagok hartuko dute parte, maiatzaren 31tik ekainaren 2ra, Olatu Talka jaialdian, Donostian, ekologiarekin eta ingurumenaren zaintzarekin inoiz baino lotuago egongo den ekitaldian.
#HiriaEgin leloari eutsiko dio Olatu Talkak oraingoan ere, eta, esaterako, berrogeita hamar kontzertu eskainiko ditu hiru egunean (horietatik hamasei, DJenak) Añorgan, Loretopen Cervantes plazan, Kaian, Eguzkitekan, Zurriola pasealekuan, eta Nautikoan.
Gainera, jaialdiak keinua egingo dio itsasoari itxiera ekitaldian, igandean 19:00etan. Adin desberdinetako abesbatzetako ehun lagun jarriko ditu Gorka Mirandak Kaiarriba plazako oholtza berezian. Easo abesbatzako zuzendariak landu du Boga! klausura ekitaldia, eta itsasoarekin lotura duten abestiak eskainiko dituzte bertan.
Aurtengoan, Kontxako erlojuetatik Kaira osatuko duten agertoki ardatza azpimarratu dute antolatzaileek. Gune ezberdinetan, hainbat agertoki jarriko dituzte, eta erdiguneko ia ekintza guztiak bertan izango dira. Loiolan, larunbatean, kaleko arteko jarduerak izango dira, eta egun horretan bertan karpa bat jarriko dute Ondarretan, reggae kontzertuak hartzeko.
Ametzagaina parkean, umeentzako eta familientzako jolasak egongo dira, eta ekainaren 2an Ana Nushu dantza irakasleak samba kalejira bat gidatuko du Kontxako erlojuetatik abiatuta, 13:00etik aurrera.
Gainera, Argi Artean ikuskizunak ere argiztatuko du hiria ostiralean, 22:00etan hasita, Loiolako erriberetan. Oroimenaren lorategian egingo da arte luminikoko jaialdia, eta argi instalazioen erakusketaz eta hainbat kontzertu eta ikus-entzunezko emanaldiz gozatzeko aukera emango du, elizaren hormak formatu handiko proiekzioen pantaila erraldoi gisa erabilita: musika esperimentala, poesia, videomapping saioak, bideoa, astronomia...
Zure interesekoa izan daiteke
EITBren "Super Manterola" komedia berria grabatzen ari dira
Anjel Alkain, Iker Galartza eta Aitziber Garmendia daude aktoreen artean. Karmelo eta Luixito anaiak dira, biak mutilzaharrak, eta Bakartxo ilobarekin batera, Super Manterola dendaren ardura dute. Azpeitiko Erdi kalean grabatzen ari dira eta, oraindik emisio egunik zehaztu ez bada ere, barre-algarak egin egingo ditugu.
Korrikaren lehen kilometroak Parisen, aldarrikapenez beteta
Dozenaka lagunek hartu dute parte Korrikaren lehen kilometroetan, Parisen, eta Euskal Etxearen 70. urteurrena ere ospatu dute, besteak beste, Frantziako Estatuan euskararen ofizialtasuna aldarrikatuz.
“Los domingos”ek goya jo du
Alauda Ruiz de Azuaren pelikulak film onenaren, zuzendari onenaren, gidoi onenaren, emakumezko aktore protagonista onenaren eta antzeztaldeko emakumezko aktore onenaren sariak irabazi ditu Goya sarien 40. edizioan. Jose Ramon Soroizek gizonezko aktore protagonista onenaren saria jaso du, Maspalomasen egindako lanagatik, eta euskal zinemak zortzi sari bereganatu ditu guztira.
'Yellow Letters' filmak lortu du Berlinaleko pelikula onenaren Urrezko Hartza
Turkiako agintariek artista bikote baten aurka duten zentsurari buruzkoa da Ique lker Çatak zinemagile turkiar-alemaniarraren filma.
“Carne y arena” Alejandro Gonzalez Iñarrituren instalazioa, EITBren Bilboko egoitzan bisitagai
Bisitaria migratzaile eta errefuxiatuen bidaiaren zati baten erdian kokatzen duen “murgiltze esperientzia” martxoaren 11tik ekainaren 20ra paratuko dute EITBren egoitzaren 5. platoan. Sarrerak otsailaren 17tik aurrera egongo dira salgai, 11,21 euroan.
Amikuzeko libertimenduarekin, inauteri giroan murgildu da Nafarroa Beherea
Libertimenduek Donapauleko plaza hartu dute musika, dantza, bertsoa eta antzerkien eskutik. Martxoaren 14ra bitartean, beste hainbat emanaldiz gozatzeko aukera egongo da herriko sorkuntzekin.
Jone San Martinek "sORDA" ikuskizuna sortu du, gortasunaren inguruan
Dantza garaikidearen eta soinuaren zein isiltasunaren arteko elkarrizketa eskaintzen du dantzari donostiarrak ikuskizun berrian.
Bilbao BBK Live jaialdiak zinema proposatuko du otsailean
'2030 Bai!' izeneko zikloak “Maspalomas”, “La voz de Hind Rajab”, “Yo capitán”, eta “Belen” filmen proiekzioak egingo ditu, Bilboko BBK Salan. Sarrera doakoa izango da, eta solasaldiak izango dira emanaldiak bukatutakoan.
Gure! jaialdia: ikasgelatik oholtzara
Erandioko Tartanga Lanbide Heziketako Ikastetxe Integratuko Ikus-entzunezkoen eta Ikuskizunen Ekoizpeneko zikloko ikasleek antolatu eta kudeatzen duten jaialdiaren laugarren edizioa otsailaren 6 eta 7an egingo dute Bizkaiko udalerrian.
61 kultur jarduera izan ziren iaz eguneko, Araba, Bizkai eta Gipuzkoan
Kulturklik Eusko Jaurlaritzaren plataformak jasotako datuen arabera, Euskal Autonomia Erkidegoko kultur ekitaldien % 40 euskaraz izan ziren 2025ean, eta beste horrenbeste doakoak.