Kultura Gara ekimena jarri dute abian EiTBko albistegiek
EiTBko albistegietako kultura arlotik Kultura Gara ekimena jarri da martxan, sortzaileei zuzenduta. Nahi duen sortzaile orok, bere itxieratik, gizartearekin konpartitu nahi duen kanta, obra zatia, sormen-mezu... bideo batean grabatu eta sortu dugun kulturagara@eitb.eus helbidera bidaltzea da jardueraren proposamena.
Hartara, Kultura Gara ekimenean parte hartzeko, sortzaileak egiten ari den proiektua azaldu dezake, eta zergatik konpartitu nahi duen. Horren ostean marrazki, bakarrizketa, kanta, olerki... horren lagin bat grabatu. Audioak berezko balioa duen bideoetan irratietan eskaintzeko helburua dugu, eta albistegietan ematen diren bideoak eitb.eus-en argitaratuko dituzte.
Kontzerturik, antzezlanik, emanaldirik... ez dagoen une honetan, sortzaileen eta herritarren arteko haria eten dela iritzita, kulturari eskainitako eremu informatiboetan euskal kultura eta sormena ezagutzera ematen jarraitzea da asmoa.
Halaber, kultura informazioari eskainitako leihoak zabaltzea da jarduera honen helburua, ez entretenimenduzko saio bat sortzea. "Egungo egoera kritiko honetan sortzaileen balioa mahai gainean jarri nahi dugu, eta horretarako gure albistegietan eta kultura informazio tarteetan espazio hori ireki nahi dugu. Krisi honen ondorioz kultura sektoreak jasoko duen kolpe gogorraz kontziente gara, eta horren berri ere gure informazio zerbitzuetan eman nahi dugu, noski", adierazi du Inguma Martinez ekimenaren sustatzaile eta ETBko albistegietako Kultura arloburuak. "Batak ez du bestea kentzen. Ez dugu sortzaileen doako lana eskatzen. Itxiera egoera honetan gizartearekin konpartitu nahi dezaketenari lekua ireki nahi diogu", erantsi du.
Bideoa: Mikel Urmenetak bat egin du Kultura Gara ekimenarekin
Zure interesekoa izan daiteke
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.
Zuloaren silueta hitzez marrazten
Harkaitz Cano eta Eider Rodriguez idazleek “Silueta” eta “Dena zulo bera zen” liburuak aurkeztu dituzte Durangoko Azokaren hirugarren egunean, hutsuneak mamitzeko bi ariketa literario zeharo ezberdin.
Israel Palestinan egiten ari den genozidioaren aurkako geldiunea egin dute Durangoko Azokan
Bisitari, sortzaile eta antolatzaile ugarik bat egin dute protestarekin, Israelgo Estatua Palestinan egiten ari den genozidioa salatzeko eta elkartasun mezua zabaltzeko.
Durangoko Azokak geldialdia egin du genozidioa salatzeko
Palestinako genozidioa salatzeko geldialdia egin du Durangoko Azokak. Kultura erdigunean jarri eta mugaz gaindiko elkartasun mezua zabaldu dute ehunka kulturazalek Landako Plazan egin duten ekitaldian.