Sormenek leihoa irekiko dio sormenari
Gaurtik, abenduak 14, hasita Sormene jaialdiak hitzaldi-ikastaroak eta kultur emanaldiak eskainiko ditu egunero-egunero, hilaren 20ra arte, Galdakaon eta, Euskal Herri osoarentzat, Interneten.
Emakumezko sortzaile euskaldunen lanak nabarmendu nahi dituen ekimenaren programazioak ikastaroak eskainiko ditu goizez, abenduaren 14tik 18ra. Sortzaileek (Irrimarra, Imanol Epelde, Amancay Gaztañaga, Andra Mari Dantza Taldea eta La Basu) sormen prozesuak azalduko dizkiete Torrezabal kultur etxean bertaratutakoei bertatik bertara eta beste ikasle eta irakasle batzuei streaming bidez.
Halaber, egun horietan hainbat sortzailek beren kultur adierazpideak taularatuko dituzte, 19:00etatik aurrera, Torrezabalen bertan (sarrerak bertantxe, ordubete lehenago). Hilaren 14an, Erradikalak ginen ikuskizuna eskainiko dute Ane Labakak eta Beatriz Egizabalek; 15ean Lizar Begoñak, Leire Bilbaok eta Miren Agur Meabek literatura errezitaldia egingo dute, Arkaitz Miner musikariak lagunduta; 16an Urruna antzerki emanaldia izango da; 17an, Mariage d’Amour dantza eta antzerki emanaldia izango da ikusgai; eta 18an “Emakume sortzaile euskaldunak egungo kantagintzan” solasaldia (20:30) eta J.Martina, Haizea, Ningra eta Kai Nakairen kontzertua (21:30). Azken egun horretako ekitaldiak webgunean soilik ikusi ahalko dira.
Bestalde, hilaren 19 eta 20an Ahotsenea espazioa batuko zaio Sormene jaialdiari, streamingez soilik ikusi ahalko diren saio banatan. Hilaren 19an, literaturaren txanda izango da, eta, 11:00etatik aurrera, beren lanaren berri emango dute, besteak beste, Miren Amurizak eta Eider Eibarrek, Miren Agur Meabek, Asel Luzarragak eta Peru Magdalenak. Egun horretakoak bukatzeko, Eñaut Elorrietak kontzertua eskainiko du, 21:30etik aurrera.
Hilaren 20an, musikak hartuko dio lekukoa literaturari, eta Ahotsenetik pasatuko dira Hatxe, Hilotz, Ro eta Aiko taldeak, besteak beste.
Zure interesekoa izan daiteke
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.