Durango-Bañolet-Durango
Durangoko Azokaren altzoan sortutako proiektuaren, urtero kultura topaguneak esleitzen duen Sormen Bekaren, emaitza Durangoko Azokan gorpuztu da gaur, abenduak 5, igandearekin, Irudienea ikus-entzunezkoen plazaren epeletan. Bost egunez Zugaza zinema aretoa izatetik Irudieneko pantailan proiektatzen diren munduei abegi atsegina egitera pasatzen den espazioan proiektatu dituzte gaur "Bañolet" Paxkal Irigoyenek eta Maia Iribarnek idatzi eta zuzendu duten websailaren lau atalak.
Proiektu parte-hartzailea da "Bañolet" sortzez, Garazi eskualdeko biztanleekin elkarlanean gauzatu dute sortzaileek auzokoak kamera aurrean aktore lanetan jarrita. Eta, halako proiektuari dagokionez, parte-hartzaileen, filmean parte hartu zuen lagunartearen, babes goxoan estreinatu dute gaur Irudienean, tamalez gero eta ezohikoagoa den zinemako giro ederrean, noiz festaria noiz hunkigarria. 50 bat lagun iritsi dira Durangora autobusean Eiheralarre ingurutik, eta bero ederra eman dio horrek ekitaldiari. Ez da egunero gertatzen pantailako izarra ondoko eserlekuan izatea.
Argiak amatatzearekin bat, iniziazio istorio bat aurkeztu digu "Bañolet"ek: aurrera egiteko zerbait atzean utzi behar duenaren bide gorabeheratsua du kontagai websailak, alegiazko herriko umeen begietatik, eta larrimin unibertsal horretan zehar egindako bidaia edertasunez janzteko bokazioz ageri da lanean. Guztira ordubete inguru hartzen duten lau ataletan, pantaila zipriztintzen dute sinbolo bisualek, errealismo magikoak, surrealismoak eta umore beltzak, gurasotasunari, inozentziari, heriotzari, laguntasunari, emantzipazioari, beldurrari, bazterkeriari eta beste hamaika gairi buruz pentsatzeko hauspo gisa.
Ia esketx gisa ere funtzionatzen duten sekuentziek (eskolako ume-irakasleen pasadizoa, ume suizidarena eta hileta koreografiatua Jose Luis Cuerdaren film batetik ateratakoak izan zitezkeen) gidatuko dute ikuslea Bañoleteko gazi-gozoetan aurrera, aldatu nahi dutenen eta denak berdin irauteko tira (tiro ere esan genezake, websaila ikusi eta gero) egingo dutenen talka etengabea agerian uzten duen lanean.
Ezin zen bestela izan, eta musikak berebiziko pisua du "Bañolet"en, bi zuzendari eta gidoilariak musikariak izanik: Irigoyen Frigo eta Bilau taldeetan eta bere izenpean aritu da eta Iribarne Habia "Animalia naiz eta" disko zoragarria atera duen hirukotean jo eta abesten du. Azokan bertan salgai den "Bloñ" diskoan bildu dituzte "Bañolet" zinez edertzen dituzten doinu askotarikoak. Benetako harribitxi honetan, "Bañolet" herrian bezala, denetarik sartzen da eta dena dago ondo egina, gainera: pop goxoa; funka; sehaska kantak; "Erbiak" biolina, kongak eta Fugaziren oihartzunak nahasten dituen kantu puska; rock progresiboa…
Hala bukatu dute bi sortzaileek gaurko aurkezpena, musikarekin, zinemako pantailaren azpian "Zauri" kantua interpretatzen. Izango ahal gara, "Bañolet"en izpirituarekin bat eta kantak dioen bezala, izan gintezkeena aldez edo moldez, modu askeagoan, arraberritzeko gauza.
Zure interesekoa izan daiteke
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.