Vidarte: "Bilboko Guggenheim Museoarentzat oso garrantzitsua da nazioarteko bisitariak berreskuratzea"
Bilboko Guggenheim Museoan pandemiaren ondorioak gainditzeko lanean ari dira, eta urtea 840.000 bisitarirekin amaitzea espero dute. Pandemiaren aurretik, batez beste milioi bat bisitari baino gehiago izaten zituen urtean.
ETB2ko "12 minutos" saioan egindako elkarrizketa batean, Juan Ignacio Vidarte Bilboko Guggenheim Museoko zuzendariak aitortu du pandemiarena izan dela museoaren "garairik zailena".
"Ezustean iritsi zen. Hiru hilabetez itxita egon zen museoa, edukiera % 70ean murriztu ziguten, eta, ondorioz, aurrekontua eta programazioa murriztu behar izan genituen", adierazi du.
Ildo horretan, Vidartek esan du bisitarien kopurua pixkanaka hazten ari dela, eta, ondorioz, urtea 840.000 bisitarekin amaitzea espero dutela. Hala ere, "oso garrantzitsua da nazioarteko bisitariak berreskuratzea, urte normal batean bisitarien % 70 Espainiatik kanpokoak baitira".
Urdaibaiko Guggenheim Museoari dagokionez, Vidartek azpimarratu du 2008tik mahai gainean dagoen "proiektu estrategikoa" dela, baina oraindik ez dagoela datarik zehaztuta obrak abiatzeko, "aurretik, egitasmoaren jasangarritasuna bermatuko duen finantzazioa lortu behar delako".
Urriaren 19an Bilboko Guggenheim Museoak 25 urte beteko dituela eta, Vidartek "anbizio handiko programazioa" iragarri du, eta "askotariko publikoari zuzendutako erakusketak" izango direla nabarmendu du.
Halaber, "musikak protagonismo berezia" izango duela eta museoaren kanpoaldean ere hainbat ekitaldi antolatuko dituztela aurreratu du.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.