Nerea, Bilboko jostuna
Herri honetan egin den, egiten ari den eta egingo den zinemaren zeluloidezko zimenduetan, 1924an Bilboko kaleetan, baita Donostian ere, Telesforo Gilek, su hartzen zuten pelikula horietako batean, filmaturiko Edurne, modistilla bilbaína aurkitzen dugu beti erreferentzia, ikur, santu-zeinu.
Garai haietako zinemagileen mentura-abenturekin nahi adina liburu idatziko genuke. Esaterako…. Ba al dakizue gaur puntaren puntan dugun gure zinemagintzaren mugarri horrek Bilboko gozogile batzuen eskuetan bukatu zuela Telesforok berak erregalaturik? Fotogramak hartu zituzten artisau haiek, moztu banan-banan eta beren karameluentzako bilgarri erabili!! Publizitate-erreklamorik ederrena ez zela ezin ukatu…
Egia esan, ez zen izan patu malapartatua film hartarako, gozoa baizik. Ez penatu gehiegi, geroxeago aurkitu zuten zinema-bilatzaile adoretsuek birmoldatzeko modua.
Baina horiexek aspaldiko kontuak dira, pasa den mendekoak. 98 urte igaro dira, eta zinema egungoak besarkatzen gaitu Euskal Herriko iskin guztietan.
Izkribu hau zein ordutan irakurtzen duzuen arabera, joka ezazue aditza: gaur, azaroak 3 egun baino ez dituela, bilbotar peto-petoa den Pedro Olea pelikulero aparta ari dira omentzen, omendu dute edo omenduko dute Gasteizko Artiumen eta Donostiako Tabakaleran, baina bere saltsan, bere txokoan, bere erreinuan ikusi eta txalotu nahi izanez gero, itxaron ezazue bihar arte.
Ostiralean, ehun urte beteko dira Tutankamonen hilobia aurkitu zenetik. Ostiralean, Bilboko Arte Ederretan Oleak berak aurkeztuko ditu, Donostian bezala, bere bi lan markaz fuerakoak: El bosque del lobo eta Zombie eguna.
Baina Pedro ez da jostuna. Eta guk gaur egungo Neo-Bilbo izena hartu duen hiri horretako gaur egungo jostun batez nahi dugu izkiriatu. Nerea Torrijos du izena. Badarama denbora franko zinema kontuetan. Goya saria eskuratu zuen Akelarre filmerako sortu/asmatu/amestu eta beste askoren laguntzarekin josi zituen jantziak zirela medio.
Hamaika zine proiektutan izan da sartua, da sartua, izanen da sartua. Esaterako… Ana Murugarrenen García y Garcian, Aitor Gametxoren Berak balekin, Borja Crespo eta Susana Miravallesen Ikikomorin, Maider Oleagaren Irritsen, Diego Hallivisen American Carnagen, demonioek hartutako Errementarin. Gehiago? Ba bukatzear den Estibaliz Urresoloren 20.000 especies de abejasen eta Felix Viscarreten No mires a los ojosen. Edo Paul Urkijoren Irati lan mugarik gabekoan…
Bale ba, hor duzu bere lan ibilbidea laburbildua. Baina Nerearen curriculuma ez da izkribu honen mamia. Beste kontu baten berri eman nahi dizuet: Donostiako Beldurrezko Astean ia oraintxe estreinatu du Nereak bere lehenbiziko zine proposamena. Berak zuzendua. Bilboko Zinebin hilaren 14an Alondegiko Golemetan ikusgai izango duzuena. Influencer du izena eta Ana Mentxakarekin batera idatzi du Nereak gidoia. Iratin deskubritu dugun Edurne Azkaratek antzezten du protagonista dotorezia ilun batez kontaturiko amesgaizto honetan.
Dir-dir periloso egiten duen kontakizunean, bere idoloaren igual-iguala izatearren, zazpi, zortzi, hamar, hamaika ahaleginetan ibiliko da Karen, beste ezeri erreparatu barik. 12 minutu irauten duen film horren errebuelta batean, gidoiak ezusteko bidea hartuko du eta…
Nerea Torrijosen Instagram profilean (@nerth) sartu orduko, Vimeo plataformara pasako zarete eta iragarki egundokoa ikusiko. Bertan, 'instintuaren eboluzioaz' egiten da mintzo eta irudi. Hara, instintuaren eraldaketaz…. Hain zuzen ere, Edurne, modistilla bilbaínatik Neo Bilbao delako zinema jostunarengana garamanaz.
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.