Urteko lehen seihilekoan 11.000 ekitaldi kultural inguru egon dira Euskadin, iaz baino gehiago
Araban, Bizkaian eta Gipuzkoan 11.306 ekitaldi kultural egin dira 2025eko lehen sei hilekoan, iazko epe berarekin alderatuta %7,45 gehiago. Hau da, egunean 60 kultur jarduera baino gehiago izan dira batez beste, Kulturklik atariaren arabera.
Bost arlo nagusitan (kontzertuak, antzerkia, dantza, bertsolaritza eta erakusketak) hazkundea izan da, eta euskarazko programazioaren %38ko presentzia mantendu da. Gainera, ekitaldien %38 doakoak izan dira, eta datu horrek erakusten du, Eusko Jaurlaritzako Kultura sailburuorde Andoni Iturberen ustez, kultura irisgarria dela gizartearen unibertso zabal batentzat.
Lurraldeka, Bizkaiak jarduera kulturalaren %45,5 biltzen du, ondoren Gipuzkoak (%38,9) eta azkenik Arabak (%15,6).
Ekitaldi moten artean, kontzertuak izan dira ohikoenak: guztizkoaren %25. Guztira 2.831 kontzertu antolatu dira (iaz baino %3,4 gehiago). Nabarmentzekoa da egungo musiken pisua (%83), aurreko urtearekin alderatuta egonkor mantendu dena. Gainera, kontzertuen %40 doakoak izan ziren eta %14 aire zabalean egin ziren.
Antzerkiak 2.217 emanaldirekin jarduera osoaren %19,6 bete du (%2,6 gehiago iazko aldi berarekiko). Horietatik %35,5 haur eta familiei zuzenduak izan ziren, eta %31 doakoak.
Dantzaren presentzia nabarmentzekoa da, izan ere, 491 emanaldi izan dira aurten, iaz baino %1,9 gehiago. Emanaldien ia %60 dantza garaikidekoak izan ziren, eta %30 dantza tradizionalekoak. Doakotasuna nabarmena izan da: ekitaldien %59 inguru doakoak izan dira, eta %40 aire zabalean.
Bertsolaritzari dagokionez, 531 ekitaldi egin dira (%4,7). Ia guztiak doakoak izan dira, espazio irekietan, euskaraz, eta tokiko parte-hartze handiarekin.
Azkenik, lehen seihilekoan 725 erakusketa inauguratu ziren, iaz baino %2 gehiago. Genero nagusia arte garaikidea izan da (%70,5), eta ondoren historia, etnografia eta arte ederren erakusketak.
Zure interesekoa izan daiteke
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Hauek izan dira kultura arloko urteko albiste nagusiak
2025. urteak sekula ikusi gabeko bideak ireki ditu euskal musika industrian. Bukatzera doan urte hau sold outen eta kontzertu handien urtea izan zela gogoratuko dugu ezinbestean.
“Itzalaldia”, “soldadutza”, “flotilla” eta 2025ean “desiraungi” diren beste hitz batzuk
UZEI terminologia eta lexikografia zentroak bukatzear den urtean ahoz aho ibili diren 25 hitz aukeratu ditu. Joan den astean, “muga-zerga” aukeratu zuten urteko hitz bezala UZEIk berak eta Euskaltzaindiak.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.