Langraiz Bidea Eibarrera helduko da antzerkiaren eskutik
Bi mahai eta hiru aulki, La mirada del otro osatzen duen hirukiko alde bakoitzarentzat bat; biktima, biktimarioa eta bitartekaria dira elkarrizketan eta hausnarketan pausatutako triangeluaren erpinak. Agertokian beste edozein elementu paratzera, ikuslearen arreta hitzetik desbideratuko litzateke, hemen ere, bizitzan bezala, gakoa den osagaitik.
La mirada del otro lanak euskal gatazkari begiratzen dio, eta agertokira eramaten ditu Langraiz Bidearen haritik ETAko kide ohi espetxeratuek, taldearen biktima zuzen edota zeharkakoek eta bitartekariek izan zituzten topaketak.
Maria San Miguelek eta Chani Martinek idatzi eta azken horrek zuzendu du La mirada del otro (Proyecto 43-2 konpainia), eta gaur, apirilak 24, estreinatuko da, ostiralarekin, Eibarko Coliseo antzokian. Gipuzkoar herriko espazioaren agertokiaren gainean, mahai eta aulki horiek Ruth Cabeza, Pablo Rodriguez eta Maria San Miguel aktoreek beteko dituzte; horiek dira gehienbat Langraizko kartzelan gauzatu ziren elkarrizketei, mintzaldiei, eusten dieten zutabeak.
Konpainiaren arabera, “topaketa baten istorioa” da lana, “prestatzen hasten direnetik gauzatu egiten den arte”, eta muzin egin dio bere burua “dokumental” edo “antzezlan politiko” gisa definitzeari. “Gizabanakoak gaindiezina gainditzeko egiten duen borroka du hizpide: begiak besteren begien aurrean pausatu, eta, hitzen bidez, mina lekuratu ahal izatea”, azaldu du Chani Martinek.
Euskadiri buruzko trilogia
“La mirada del otro Euskadiri, memoria kolektiboari eta hurkoarekiko elkarbizitzari buruz Proyecto 43-2k sorturiko trilogiaren bigarren zatia da”. Konpainia “izaera pedagogiko nabarmeneko ekimen artistikoa” da, arduradunen hitzetan, eta “joera ideologikoen eta Euskadin beroriek ordezkatu dituzten edo ordezkatzen dituzten pertsonen arteko adiskidetzea” du oinarri.
Bigarren zati hau, gaur Eibarren estreinatuko dutena, ehuntzeko, “dokumentazio prozesu handia” egin dute: dokumental bat ekoitzi eta topaketen benetako protagonistak elkarrizketatu dituzte: Txema Urkijio, Maixabel Lasa, Jaime Arrese, Carmen Hernández, Iñaki García Arrizabalaga, Fernando de Luis Astarloa, Esther Pascual, Xabier Etxebarria, Mercedes Gallizo, Mónica Ceberio…
Sarrerak
Ikuskizunerako sarrerak 8 euroan daude salgai.
Zure interesekoa izan daiteke
“Andereño” antzezlana saritu dute Max sarietan
Anita Maravillas euskal konpainiaren txotxongilo ikuskizunak haur, gazte eta familientzako lan onenaren saria jaso du bart, Meridan. Gainera, Jesus Cimarro ermuar ekoizleak Ohorezko Max saria irabazi du, eta Ezezagunok Irungo afizionatuen antzerki elkarteak, gizarte arloko Max saria.
“Laster eroriko da” Metrokoadrokaren “komedia basatiak” irabazi du Korrikaren Sorkuntza Beka
Metrokoadroka kolekitboaren proiektuak 23.000 euroko laguntza jasoko du, eta emaitza 2027ko azarotik 2028ko apirilera bitartean antzeztuko da, Korrika Kulturalaren barruan.
Euskal antzerkia, Meridara begira
Max arte eszenikoen Espainiako sariak ekainaren 1ean banatuko dituzte, Meridako Erromatar Antzokian. "Andereño" da hautagaitza gehien dituen euskal lana, hiru. Ganso & Co konpainiaren "Welcome & Sorry" kaleko ikuskizun onenaren atalean da finalista, Iruñeko Las Nenas Theatrek lan berri onenaren saria lor lezake "Torcidxs" sariari esker, Irungo Ezezagunak taldeak zaleen Max saria jasoko du eta Jesus Cimarro ermuar ekoizleak Ohorezko Maxa.
Euskaldunak zazpi ikuskizun aurkeztuko ditu Aste Nagusiko programazioan
‘Euskalduna Nagusia’ izenburupean, "Cabaret" musikala, "El Caserío" zarzuela, "Menú cerrado", "Operación Maletero - Kastañuela Western" eta "El amor no se reproduce en cautividad" antzezlanak, "Z.U.K.U.A." euskarazko umore ikuskizuna eta "Marika de Gernika" bakarrizketa programatu dituzte abuztuaren 19tik irailaren 26ra arte.
Tilda Swintonek perfomance bat gorpuztuko du Guggenheimen
House of Gestures Olivier Saillard komisario eta performerrak sortutako lana Swintonek haragituko du. Sarrerak, doako 220 txartel, minutu gutxian saldu dira.
Xabier Anduaga, Angel Ruiz eta Ana Garay saritu dituzte Talia sarietan
Arte Eszenikoen Espainiako Akademiak bere sarien laugarren edizioa egin du bart Madrilen.
45 konpainia eta ia 100 emanaldi Leioako Umore Azokan, maiatzaren 14tik 17ra
Kale antzerkiko Leioako azokaren 26. edizioan, hogei bat euskal konpainiak hartuko dute parte. Gainera, topaketa profesionaletan, sektoreko 300 agente inguru bilduko dira.
“La maestra”, “Welcome & Sorry” eta “Torcidxs”, Max sarietarako izendatuta
Arte eszenikoen Espainiako sarietan, gainera, Jesus Cimarro bizkaitar ekoizleak Ohorezko saria jasoko du. SGAE Egile eta Editoreen Espainiako Elkarteak antolatzen duen sariketa ekainaren 1ean egingo dute, Meridan.
Shakespeare Alkizara eraman du Dantzertik
Dantzerti eskolako Arte Dramatikoko graduko 4. mailako ikasleek "Shakespeare ez zen inoiz hemen egon" antzezlana estreinatu dute bart Barakaldon; gaur, Barakaldon izango da ikusgai ostera ere, eta apirilaren 27an Errenterian. 2026an, Gipuzkoako herri txiki batean Shakespeareren lan argitaragabe bat aurkitu zutela zabaldu zen. Kazetari eszeptiko baten etorrerak interes ezkutuak, engainuak eta anbizioak azaleratuko ditu eskuizkribuaren inguruan, benetakotasunari, iruzurrari eta botereari buruzko komedia honetan.
Arriaga Antzokiak La Cubana taldearen "La cuisine de ma cousine" lana eskainiko du udan
Kataluniar konpainiak 29 emanaldi egingo ditu Bilboko antzokian, abuztuaren 13tik irailaren 13ra bitartean.