Urriak 15
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Tanttakak lan berria estreinatuko du Arriagan

‘Utzi mezua seinalearen ondoren’ asteartean estreinatuko dute euskaraz, eta asteazkenean gaztelaniaz. Arantza Portalbesen eleberri baten egokitzapena da.
'Utzi mezua seinalearen ondoren'
Miren Arrieta, Mireia Gabilondo, Oihana Maritorena eta Leire Ruiz, antzezlaneko protagonistak
author image

eitb.eus

Azken eguneratzea

Tanttaka Teatroa konpainiak Utzi mezua seinalearen ondoren bere azken lana estreinatuko du Arriaga Bilboko antzokian, asteartean, urriak 15, 19:30ean, euskaraz eta asteazkenean, urriak 16, ordu berean, gaztelaniaz.

Deixe a súa mensaxe despois do sinal 2017an galizieraz, jatorrizko bertsioan, argitaratu eta hurrengo urtean gaztelaniara itzuli zen Arantza Portabalesen eleberriaren moldaketa da antzezlana, Fernando Bernuesek eta Kike Díaz de Radak egina. Aizpea Goenagak itzuli du euskarara, eta Fernando Bernuesek berak zuzentzen du.

Utzi mezua seinalearen ondoren “maitasunari, bakardadeari eta mugikorren garaietako komunikazioari eskainitako begirada adimentsua, zirraragarria eta umorez betea da”, antzokitik azaldu dutenez. Lau ahotseko istorioa da, eta Miren Arrieta, Mireia Gabilondo, Oihana Maritorena eta Leire Ruiz antzezleek interpretatzen dute.

Marina abokatua da, dibortzioetan trebatua, eta bere senarrak utzi izanari aurre egingo dio; Carmelak minbizia du eta semeari agurra eman nahi dio; Sara familia oneko gaztea da eta ezkondu aurreko presioak jarri du bere buruaz beste egiteko egoeran eta psikologia terapia balizko bati heltzekotan; eta Viviana prostituta da Madrilen, bere familiak Ikean lanean ari dela uste badu ere.

Antzerkia Arriaga Antzokia

Zure interesekoa izan daiteke

18:00 - 20:00
ZUZENEAN
Duela  min.

Shakespeare Alkizara eraman du Dantzertik

Dantzerti eskolako Arte Dramatikoko graduko 4. mailako ikasleek "Shakespeare ez zen inoiz hemen egon" antzezlana estreinatu dute bart Barakaldon; gaur, Barakaldon izango da ikusgai ostera ere, eta apirilaren 27an Errenterian. 2026an, Gipuzkoako herri txiki batean Shakespeareren lan argitaragabe bat aurkitu zutela zabaldu zen. Kazetari eszeptiko baten etorrerak interes ezkutuak, engainuak eta anbizioak azaleratuko ditu eskuizkribuaren inguruan, benetakotasunari, iruzurrari eta botereari buruzko komedia honetan.
Gehiago ikusi
Publizitatea
X