Balenciaga Museoak jostunaren ia 100 lan erakutsiko ditu
Cristobal Balenciaga Getariako jostun handiak badu museoa jada. Duela 10 urte eman ziren proiektua gauzatzeko lehen urratsak eta, oztopo asko gainditu ostean, bukatuta dago Cristobal Balenciaga Museoa. Getarian jaiotako diseinatzailearen lana sustatu, hedatu eta bultzatzeko helburua du museoak, eta hilaren 9an egingo dute inaugurazio ofiziala. Hala ere, ekainaren 10ean irekiko dute, eta, egun horretatik aurrera, jostun handiaren 90 soineko eta osagarri izango dira bertan ikusgai.
Balenciagaren maisutasuna ezagutzeko lekua izan nahi du museoak, jostunaren jantziak bezala, ''''funtzionala eta erosoa''''. Munduan jostun bati eskainita eta ezaugarri horiekin egindako lehen museoa da Getariakoa. Aldamar parkean dago, eta bi eraikin ditu. Lehenengoa, Aldamar Jauregia bera, XIX. mendeko eraikina eta Casa Torreseko markes-markesen udako etxea; bigarrena, berriz, eraikin berria da. Jauregi historikoari eraikin berria erantsi diote eta hiru espazio sortu dituzte, horrela: bisitariari eskainitako espazio zentrala, espazio didaktikoa eta administrazio-espazioa.
Museo barruan 90 pieza biltzen dituen erakusketa iraunkorra izango da ikusgai, jantzi eta osagarriak bilduta. Balentziaga Fundazioak guztira 1.200 pieza ditu, baina horietatik 90 izango dira ikusgai erakusketan. Urtean behin aldatzen joango dira bilduma, jantziak ongi kontserbatze aldera.
Balenziagaren hastapenetatik abiatuta, modan ospea lortu zuen arte jostunak egindako ibilbidea bere jantzien bidez ezagutzeko aukera izango dugu.&' || 'nbsp; Izan ere, bilduma iraunkor horretan, eguneko jantziak, koktelerako jantziak, gaueko soinekoak eta ezkon-jantziak jarriko dituzte ikusgai, tartean Europako aristokraziarentzat egindako hainbat lan, eta kulturaren eta politikaren pertsona garrantzitsuen soinekoak ere: Belgikako Fabiola erreginaren eztei-jantzia, Grace Kellyren hainbat soineko eta Monna Bismarcken, Rachel Mellonen eta Mr. Hubert de Givenchyren bilduma pertsonalak izango dira bertan. Balentziagak egindako jantzirik zaharrena ere izango da ikusgai: 1912an lehengusina bati egin ziona.
Museoa 30 miloi euro kostatu da, Espainiako Kultura Ministerioak, Eusko Jaurlaritzak eta Getariako Udalak bultzatuta.
Inaugurazio ofiziala ekainaren 7an egingo da, Espainiako erregina buru dela. Denontzat ateak zabaldu aurretik, hala ere, getariarrentzat bakarrik irekiko da, hilaren 9an.
Zure interesekoa izan daiteke
Carla Filipe eta Taxio Ardanaz artisten lana batu du "Kooperatiba" erakusketak, Tabakaleran
Ángel Calvo Ulloak komisariatutako erakusketak Carla Filipe eta Taxio Ardanaz artistek lengoaia grafikoen eta irudikapen politikoaren inguruan egindako lana biltzen du. Uztailaren 3an irekiko da, Donostiako zentroan, eta urtarrilaren 10era arte egongo da ikusgai.
Bonnat-Helleu museoak 100.000. bisitaria hartu du
Birmoldatu eta azaroan berriz ireki zuten arte ederren museoko 100.000. bisitaria 8 urteko baionar neskatoa da. Urte osoan doan sartzeko baimena emango dion txartel bat jaso du Barthélémy Etchegoyen museoko zuzendariaren eskutik.
“Harri biguna” dokumental sailak artearen irakurketa “kritiko eta garaikidea” proposatzen du ikuspegi feministatik
Primeran eta ETB ON plataformetan izango da ikusgai, ekinaren 30etik aurrera, Tamara Garcíak idatzi eta zuzendu duen sei ataleko lana. Elkarrizketen eta artxiboko materialaren bidez, ikusezin bihurtu diren narratibak azaleratzen ditu, collagean oinarritutako proposamen estetikoa erabilita.
Arte Ederren Bilboko Museoak Placido Arango omenduko du fase berriaren inaugurazioan
Placido Arango izango da Arte Ederren Bilboko Museoaren berrirekitzearen protagonista nagusia, seme-alabek utzitako eta Pradoko Museoarekin batera antolatutako erakusketa bati esker. Erakusketa urriaren 5ean inauguratuko da Arte Ederren Bilboko Museoan, eraikina handitzeko lanak amaitu ondoren.
Euskal Museoaren klaustroa, musika, dantza, zirku, herri kirol eta bertsolaritzaz beterik barikuetan
Plazara ekimeneko jardueretarako sarrera 3 euroan dago salgai, Bilboko museo zaharberrituaren webgunean. Aukeran konpainia eta Nerea Ibarzabal, Oihana Bartra, Miren Amuriza eta Uxue Alberdi bertsolariak arituko dira, besteak beste.
“Gorputz geometrikoak” erakusketak Nora Aurrekoetxea eta Larry Bell gonbidatu ditu, Chillida intepreta dezaten
Chillida Lekuko erakusketa berria Estela Solana komisarioak gidatu du, eta ibilbide bat proposatzen du Eduardo Chillidaren obraren aroetan zehar, lehen lan figuratiboetan hasi eta hiru dimentsioko espazioak sortzen dituzten arkitektura kutsuko azken lanetaraino. Chillidaren obrak Nora Aurrekoetxearen eta Larry Bellen pieza banarekin lagunduta ageri dira. Ekainaren 25etik urriaren 26ra egongo da bisitagai.
Guggenheimek Philippe Parrenoren eta Carmen Herreraren atzera begirako erakusketak egingo ditu 2027an
Guggenheim Bilbao Museoa Fundazioaren Patronatuak bilera egin du bart museoan, eta datorren urteko programazio artistikoa aletu dute bertan. 30. urteurrena dela eta, bilduma propioaren aurkezpen berri bat ere lantzen ari dira.
Publikoak asteazkenean ikusi ahal izango du Arte Ederren Bilboko Museoko atari berria
Museo zaharberritua urriaren 5ean ireki aurretik, publikoak asteazkenean, ekainak 24 (10:00-20:00), ikusi ahalko du, salbuespen gisa eta hitzordua hartu beharrik gabe, eraikinaren atari berria. Francisco de Durriok Arriagaren omenez egin zuen eskultura berriz jarri dute, eta ikusgai daude, halaber, Topalekua, Eduardo Chillidarena, eta Bilbao, Richard Serrarena.
David Hockney britainiar artista zendu da
Margolariak, Erresuma Batuko pop artearen izen handietako batek, 88 urte zituen.
Zabalik dago Euskal Museoa
Bilboko museo zaharberrituaren ateak gaur goizean ireki dituzte, hainbat urteko lanen eta 20.397.401,53 euroko inbertsioaren ostean. Hamar egunez, sarrera doakoa izango dute herritarrek.