Balenciaga Museoak ez du itxiko, baina ordutegiak egokituko ditu
Balenciaga Fundazioaren Patronatuak museoaren ordutegiak egokitzea erabaki du. Patronatuak bilera egin du arratsaldean eta museoaren bideragarritasuna bermatzeko helburuarekin hartu du erabakia. Era berean, aldi baterako itxierak baztertu ditu.
Gipuzkoako Foru Aldundian egin du Patronatuak bilera eta ahoa batez erabaki du ordutegi berriak zehaztea. Ez dira ordutegi murriztuak izango eta horien helburua museoaren bideragarritasuna bermatzea izango da. Gainera, erakundeek 2013ko defizitari aurre egiteko diru partida berezia egitea erabaki du.
Ikerne Badiola Patronatuko presidenteak eta Gipuzkoako Kultura diputatuak adierazi duenez, "museoak azken bi urteetan bizi izan duen errealitatera moldatutako ordutegiak ezartzea erabaki dugu".
Hiru denboraldi bereizi dituzte (altua, ertaina eta bajua), eta denboraldiaren araberako ordutegiak zehaztu dituzte. Horien arabera, museoa ez da arratsaldeko zortziak baino beranduago itxiko. Egun, asteburuetan eta uztaileko eta abuztuko egunetan zortzietatik haratago luzatzen da ordutegia.
Azarotik otsailera bitartean (denboraldi bajua), goizeko hamarretatik arratsaldeko hiruretara izango da museoa irekita (asteartetik ostegunera). Asteburuetan, bostak arte luzatuko da ordutegia.
Matxoan, apirilean, maiatzean eta urrian (denboraldi ertaina), berriz, goizeko hamarretatik arratsaldeko bostetara izango da museoa irekita. Asteburuetan arratsaldeko zazpietan itxiko ditu ateak.
Ekainetik irailera (denboraldi altua) ordutegi bakarra izango da, goizeko hamarretatik arratsaldeko zazpietara. Ekainean eta irailean, astelehenetan itxita egongo da.
Ordutegi berri honen bidez museoa mantentzeak sortzen dituen kostuak murriztu nahi dira.
Foru Aldundiak, gainera, 50.000 euroko diru partida berezia emango dio museoari eta Jaurlaritzarekin btera, 2013ko defizitari aurre egiteko konpromisoa hartu du. Iazko defizita 80.000 eta 100.000 euro artekoa da.
Badiolak adierazi duenez, "datorren urterako ditugun aurreikuspenak onak dira". "Murrizketen inguruan hartutako neurri askok 2014 urtean izango dute isla", gaineratu du.
Arratsaldeko bileran fundazioa osatzen duten erakunde publiko guztiek parte hartu dute: Foru Aldundia, Eusko Jaurlaritza, Getariako Udala eta Kultura Ministerioa. Javier Gonzalez de Durana museoko zuzendariak ere parte hartu du bileran. Durana eta museoaren arteko konpromisoa urtea amaitzerarekin batera amaituko da, nahiz eta Patronatuak karguan jarrai dezan nahi duen.
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.