Alex Katzek paisaiez jantzi du Guggenheim
Guggenheim Bilbao Museoak Alex Katz estatubatuar artistari (Brooklyn, New York, 1927) atea zabaldu dio ?Hemen eta orain? erakusketarako, paisaiak margolariaren azken 25 urteotako bilakaeran izan duen garapenari begiratzen dion bildumarako.
2016ko otsailaren 7ra arte egongo da 35 lan biltzen dituen erakusketa ikusgai. Gauzen itxura ?orain? hautematen dituen moduan, sentitzen dituen bezala, transmititzen saiatzen da Katz lanotan.
?Gertatzen diren gauza azkarrak harrapatu?
Alex Katzen lanak Bigarren Mundu Gerraren osteko estatubatuar artean eta abangoardian kokatu ohi dira. 1950eko hamarkadan hasi zen lanean, lan figuratiboak eginez, abstrakzioa nagusi bazen ere; kritikari aurka egin zion, garai hartan ez baitziren onargarriak irudi ezaguterraza, figurazioa, zuten lanak.
Espresionismo abstraktuak bultzatzen zuen irudirik ezaren kontra bazegoen ere, mugimendu horretako energia eta formen logika bereganatu zituen. Jackson Pollocken ekintza-pinturan oinarritutako margotzeko modu arin eta fisikoa landu zuen, arin gertatzen den guztia jasotzeko aukera ematen baitzion horrek.
Katzen lanen oinarrian gune piktoriko ez sakona, eta lerro garbi-garbi eta oso deskriptiboak daude, eta, erretratuak egiteagatik ezaguna den arren, ibilbidearen hasieratik margotu ditu paisaiak.
Irudikatutakoa fideltasun osoz jasotzea baino gehiago, Katzen asmoa da irudikatutakoa ikustean hautematen dena margolanera eramatea. Une hori artistarentzat bat-bateko flash baten modukoa da, eta ikusten duguna fokuratu baino lehen gertatzen da; une horri, hain zuzen, ?orainaldi? esaten dio.
Amaren ametsa (19:45 astelehena; 19:45 asteartea; 19:45 asteazkena; 19:45 osteguna)
Sarrera doan, asteburuan
Halaber, museoak 18. urteurrena ospatzen duela eta, asteburuan, urriak 24 eta 25, sarrera doakoa izango da, herritarrek uteotan emandako babes eta onespena eskertzeko.
Museora bertaratzen direnek ?Alex Katz. Hemen eta orain? eta ?Jean-Michel Basquiat: Bada garaia? azaroaren 1ean itxiko den erakusketa ikusi ahal izango dituzte.
Zure interesekoa izan daiteke
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Javier Ortiz de Guinea gasteiztar margolaria zendu da
Arabako paisajista eta erretratugileak 79 urte zituen, eta haren lanak, besteak beste, Arabako Arte Ederren Museoko eta Eusko Legebiltzarreko hormetan daude zintzilik.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Eusko Jaurlaritzak Espainiako Gobernuari eskatu dio "Gernika" Guggenheimen egon dadin bederatzi hilabetez
Ibone Bengoetxea lehendakariorde eta Kultura sailburuaren arabera, keinuak "balio sinboliko handia" izango luke Espainiako Gobernuaren partetik, Jaurlaritzaren eta Gernikako bonbardaketaren 90. urteurrenean gertatuko litzateke eta. Ernest Urtasun Kultura ministroari egin dio eskaera, Madrilen egindako bilera batean.