Bisitari asko 2016an, Guggenheimen eta Arte Ederren Museoan
2016a, joan berri den urtea, Bilboko bi museoa handiek, Guggenheimek eta Arte Ederren Museoak, inoiz izan duten urte onenetan bigarrena izan da bisitari kopuruari dagokionez. Guggenheimera 1.169.404 pertsona bertaratu dira, eta Arte Ederren Museora 269.978.
Zenbaki horiei esker, Guggenheimek 1998an soilik gainditu zuen bisitari kopurua hartu du, arte zentro horretatik ohar baten bidez jakinarazi dutenez. Frank Gheryk diseinatutako eraikina zabalik egon zen lehen urte osoa izan zen hura.
Jatorriari dagokionez, aurreko urteetan bezala, gehienak (guztien %66) atzerritik etorritakoak izan dira, batik bat frantziarrak (%18), britainiarrak (%7), alemaniarrak (%6), estatubatuarrak (%6) eta italiarrak (%4).
Eskultura hiperrealista gako, Arte Ederren Museoan
Arte Ederren Museoaren arrakastaren atzetik eskultura hiperrealistari eskainitako erakusketa dago batik bat; izan ere, 152.669 pertsona joan ziren museora ikusgai egon zen bi hiletan.
Langileen grebaren ondorioz museoa hilabete eta erdiz itxita egon bazen ere, erakusketa hau inoiz museoaren historian bisitatutakoen artean laugarrena izan da, Antonio Lopezi (209.531), Boterori (166.646) eta Sorollari (154.009) eskainitakoen ostean.
2016. urtea, beraz, historiako bigarrena izan da museoarentzat, bisitari kopuruari dagokionez, 2012aren ondoren. Azken horretan, 295.655 pertsona hartu zituen Bilboko museoak, batez ere Antonio Lopez Mantxako artistaren pintura errealistak erakarrita.
Zure interesekoa izan daiteke
Arte Ederren Bilboko Museoak Jose Antonio Azpilkuetaren 12 marrazki jaso ditu
Jose Ignacio Olave arte editoreak eman ditu grabatuok, dohaintzan. Edwar Hopper margolari estatubatuarraren pinturan oinarrituta daude marrazkiok, eta apirilaren 19ra arte egongo dira ikusgai.
Arte galeriak astebetez itxiko dituzte, kultur arloko produktu eta zerbitzuen BEZa % 10etik beherakoa izatea eskatzeko
2022an Europan onartutako araudia bete eta kultur arloko produktu eta zerbitzuei BEZ murriztua ezar diezaieten eskatzen dute. Zineman, antzerkian eta literaturan, adibidez, murrizketa hori indarrean da jada, baina, beste herrialdeetan ez bezala, artelanen salmenta kanpoan geratu da. Hori dela eta, otsailaren 2tik 7ra bitartean, galeriek ez dituzte ateak zabalduko.
Artium Museoak AMA ikasketa zentroa sortu du
“Arte garaikideari buruz modu kritikoan pentsatzea” da helburua. Otsailean, 1976ko martxoaren 3an Gasteizen izandako hilketari buruzko memoria ariketa proposatuko du.
Piranesiren grabatuak, Durangoko museoan
Durangoko Arte eta Historia Museoak “Giovanni Battista Piranesi. Erroma amestua” erakusketa du ikusgai apirilaren 26ra arte. Itzal handia izan duen XVIII. mendeko sortzailea izan zen Giovanni Battista Piranesi. Veneton ikasi zuen arkitektoak grabatugintza landu zuen, batez ere, Erroman. José Ignacio Olaveren bilduma da erakusketaren oinarria, eta Garazi Arrizabalaga Durangoko museoaren zuzendaria izan da komisarioa.
Ukitzeko Artea programako beste lan bat aurkeztu du Arte Ederren Bilboko Museoak, pertsona itsuentzat
Luis Melendez artistaren obra baten ukitzeko bertsioa aurkeztu du gaur Arte Ederren Bilboko Museoak. Lan hori eta aurreko hamar edizioetako beste batzuk Bizkaiko 16 ikastetxetan erakutsiko dituzte. Ikusmen arazoak dituzten ikasleei artearen esperientziaz gozatzeko aukera emango die, eta gainerako ikasleek, begiak tapatuta dituztela, ikusmen gabeziaren ondorioak sentituko dituzte.
Zirkulu batetik begira begiraden zirkulu batean , Artiumen
Euskal Herriko Arte Garaikidearen Gasteizko Museoak abuztuaren 30era arte izango du ikusgai Zirkulu batetik begirada begiraden zirkulu batean erakusketa. Hogei artista eta kolektibok hartu dute parte "pentsamendu dekolonialaren, zibernetikaren eta feminismoen eragina duten praktiken genealogia" proposatzen duen bilduman.
Behaketa patxadatsu eta arretatsuaren aldarrikapena, Tabakaleran
"Strong back, soft front" Maite González Martínezen bideo eta collageen erakusketa Iñigo Villafranca Apesteguiak komisariotu du. Martxoaren 2ra arte egongo da ikusgai, "begiratzeko beste modu bat" proposatzen duen bilduma Donostiako zentroan.
"Bizkaiaren espiritua" erakusketa ikusgai, Bizkaiko Eleiz Museoan
Lurraldearen espiritualtasunetik egindako bidaia da "Bizkaiaren espiritua. Nortasun sozial eta erlijiosoaren irudikapenak mende-aldaketan (1870-1936)", XIX. mendearen erdialdetik XX. mendearen lehen hamarkadetara arte.
Iñaki García Erguin pintorea zendu da
Bilbotar pintorea Jose Lorenzo Solisen ikaslea izan zen, eta Emen taldea sortu zuen, 1966an, Jose Maria de Ucelayrekin eta Agustin Ibarrolarekin, besteak beste. 91 urte zituela hil da.
Nafarroako Museorako sarrera doakoa izango da martxoaren 1era arte
Eraikina egokitzeko obren lehen zatia amaitu ondoren, bilduma iraunkorreko lau solairuak bisitarien eskura daude berriro.