Bertsoa, gezurrak eta bideo zintak
2013ko abenduaren 15a: Euskal Herriko Bertsolari Txapelketaren finala bukatu berri da, BECen. Andoni Egañak txapela jantzi berri du, bosgarrenez, eta, azken agurra abesteko mikrofonoari oratu dionean, kamera guztiak begira dituela, ziplo jausi da lurrera, deskarga elektriko batek jota antza denez.
Fikzio horretatik abiatzen da ?Nork? Patxi Gallegok eta Xabi Payak ondutako komikia, thriller-aren bidean garatzen den eta herri kulturari (bertsoa, telesailak, literatura, pornografia...) hamaika erreferentzia egiten dizkion eleberri grafikoa.
?Bertsolari? aldizkariak ia 25 urteko bidean kaleratutako 100 zenbakiak ospatzeko, Patxi Gallego marrazkilariak (?Pololoak? trilogia, esaterako) eta Xabi Paya polifazetikoak (bertsolaria, idazlea, irakaslea, kultura-kudeatzailea?) ?Nork? komikia ehundu dute bi urte eta erdiko lan etengabean, fikzioa eta errealitatea umore puntu nabarmenaz uztartzen dituen lana.
Lau detektibe arketipikok Egañaren heriotza -balizko hilketa- ikertu beharko dute, eta, anekdota hori aitzakia hartuta, euskal kultura jarri dute egileek irakurlearen begien aurrean, Jesika Fletxeberria bertsozale amorratuaren ikuspegi emotibotik, Amezketako alguazilaren begirada kontserbadore garbizaletik, Amaia Ezpeldoi Iparraldeko lesbianaren ikusmolde periferikoaren bidez eta Bertsokop robotaren molde pragmatikotik begiratuta.
Bertsokop, Amaia Ezpeldoi, Jesika Fletxeberria eta Amezketako alguazila.
Hiltzailea aurkitzeko bidean, nork hil duen jakiteko abenturan, denetariko ehun pertsona(ia) ezagunek bisitatzen dituzte orriok: Xalbador, Euzkitze, Pako Etxeberria, Marveleko superheroiak, musikariak, idazleak, ?El Conquistador del Fin del Mundo?ko kideak, ETBko atsuak, Olentzero eta Mari Domingi, euskal sukaldariak?
Misteriozko nobelak, zientzia-fikzioak, errealismo magikoak, ukitu pornografikoek eta, nola ez, bertsoak bat egiten dute istorioko orrietan, euskal herri-kulturaren iruditeria kolektiboa sortzeko ale pisuzkoa plazaratu duen lanean.
Aldizkariko harpidedunek etxean jasoko dute ?Nork?, eta gainerakoek Elkar argitaletxearen dendetan erosi ahalko dute, 12 euroko prezioan. Durangoko Azokan ere egongo da salgai, eta liburua ez ezik kamiseta bat ere eraman ahalko dute erosleek bertan.
ETBko Atsuek ere tokia dute eleberrian.
Zure interesekoa izan daiteke
Aroa Arrizubietak irabazi du Arabako Bertsolari Txapelketako Oiongo saioa
Txapelketako lehen saioa irabazita, finalaurrekoetarako pase zuzena eskuratu du gasteizko bertsolariak. Hurrengo saioa otsailaren 15ean izango da Laudioko Kasinoan, 17:30ean.
Arabako Bertsolari Txapelketa, abiatzear
Arabako txapelketaren XVII. edizioko lehen saioa Oionen egingo dute, larunbatean. Aroa Arrizubietak, Felipe Zelaietak, Iñaki Viñasprek, Martin Abarrategik, Sabin Abarrategik eta Unai Andak kantatuko dute.
Euskarak biziraun dezan lan egin duten guztiei eskaini die azken agurra Maddi Ane Txoperenak
Bizkarsoro filmari erreferentzia egin, eta euskararen kontra aritu direnen aurrean altxatu direnak izan ditu gogoan Maddi Ane Txoperenak, Donibane Lohizuneko Jai Alain.
Maddi Ane Txoperenak irabazi du Xilaba Ipar Euskal Herriko Bertsolari Txapelketa
Maddalen Arzallusekin jokatu du azken buruz burukoa, eta, azkenean, Txoperena gailendu da finalean. 2026ko Euskal Herriko Bertsolari Txapelketan bost finalistek hartuko dute parte.
Sei bertsolari, Xilabako finalerako prest
Gaur jokatuko da Lapurdiko, Nafarroa Behereko eta Zuberoako Bertsolari Txapelketako finala, Donibane Lohizuneko Jai Alain. Maialen Hiribarrenek jarriko dio txapela bost emakumek eta gizon batek osatuko duten seikoteko bertsolari irabazleari: Miren Artetxe Sarasola, Maddi Ane Txoperena Iribarren, Irantzu Idoate Funosas, Maddalen Arzallus Antia, Aitor Servier Etxexuri eta Elixabet Etxandi Goienetxe. 17:00etatik aurrera izango da ikusgai, zuzenean, Orain.eus atarian.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Osatu da Xilaba bertsolari txapelketaren finala jokatuko duen seikotea
Larunbateko saioa irabazita, Maddi Ane Txoperenak eskuratu du finalerako txartela, Aitor Servier eta Irantzu Idoaterekin batera. Finala hilaren 31n jokatuko dute, Donibane Lohizunen.
Miren Artetxe gailendu da Xilaba Bertsolari Txapelketako lehen finalaurrekoan eta zuzenean sailkatu da finalerako
Baigorrin jokatu den final aitzinetakoan Maddalen Arzallus izan da bigarrena. Datorren larunbatean Bardozen jokatuko da Ipar Euskal Herriko Bertsolari txapelketaren bigarren final aitzinekoa.
Patxi Etxeberria bertsolaria zendu da, 95 urte zituela
Bertsolari oriotarra ia 60 urtez aritu izan da oholtzaz oholtza eta plazaz plaza bertsotan.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.