Literatura topaketak Bilbon, Blas de Otero gogoratzeko
Maiatzaren 31tik ekainaren 4ra, Bidebarrietako liburutegian zenbait poeta elkartuko ditu, Blas de Otero bilbotar poetaren jaiotzaren mendeurrenaren harira; Pere Gimferrer, Antonio Martíiez Sarrion, Antonio Colinas, Manuel Rivas, Elena Medel, Andres Neuman eta Paco Ibañezek parte hartuko dute ekitaldian.
Literatur jardunaldiak maiatzaren 30ean hasiko dira, 19.30ean, Jose Fernandez de la Sotaren zuzendaritza eta gidoia dituen film labur dokumental baten proiekzioarekin; Caballero Bonald poeta andaluziarrarekin izandako solasaldia da filmaren haria.
Gimferrer, Felipe Juarist, Paco Ibañez…
Maiatzaren 31n lehenengo topaketa egingo da, Pere Gimferrer eta Antonio Martinez Sarrion elkartuko dituena. Gonbidatuek "atzera begiratuko dute, Oteroren lanarekin izan zuten lehenengo harremana, euren lanean izan duen eragina, poetaren giza erretratua eta zuzenean ezagutu zutenen anekdotak jendearekin partekatzeko. Horrez gain, Oteroren lana beti egongo da presente, gonbidatuek irakurri edo gogoratu nahi dituzten poemekin.
Ekainaren 1ean Antonio Carvajalen eta Antonio Colinasen txanda izango da, eta hirugarren topaketan, ekainaren 2an, Felipe Juaristirena eta Manuel Rivasena.
Ekainaren 3an, "Expresión y reunión" izenburupean, poesia garaikideko lau ahots garrantzitsu bilduko dira poesia errezitaldian: Xuan Bello, Amalia Iglesias, Andrés Neuman eta Elena Medel. Errezitaldiak Iñaki Salvadorren pianoaren laguntza izango du.
Blas de Oteroren jaiotzaren mendeurrena ospatzeko programazioa ekainaren 4an amaituko da, Paco Ibañezen kontzertuarekin. Gitarra jole eta kantautore beteranoak ekitaldi honetarako beren beregi prestatutako errepertorioa eskainiko du. Kontzerturako sarrerak salgai daude dagoeneko Bilbao Kulturaren webgunean.
Albiste gehiago literatura
Patxi Zubizarretak lortu du Xabier Lete beka
Euskarazko literatura sorkuntzarako 70.000 euroko dirulaguntza “Txoriei begiratzen zien gizonari begiratzen zion emakumea” proiektua gauzatzeko izango da.
EHUk Gabriel Arestiren pentsamenduaren gaurkotasuna aldarrikatu du
EHUko 35 ikasle-irakaslek gaur egundik begiratu diote duela mende erdi zendutako bilbotar idazlearen obrari eta pentsamenduari, "Gabriel Arestik ereindakoak 1975-2025" liburuan.
"Esteban Urkiaga, Lauaxeta. Poesia, artea, ideologia" liburua argitaratu du Jon Kortazarrek
Bizkaitar irakasle eta ikertzaileak bi atal nabarmendu ditu Pamiela etxeak argitaratu duen lanean. Lehenengoan, Lauaxetaren poesia artearekin eta ideologiarekin lotzen du, eta bigarrenean gizarteak Lauaxetaren bizitzaz eta lanaz egin duen harrera aztertu du. Bizkaitar idazlea fusilatu zuten eguneko 88. urtemugan aurkeztu dute lana. (Musika, "Azken oyua" Antton Valverdek musikatuta)
400 lagunek Bizenta Mogelen "Ipui onak" irakurriko dute ostegunean, Arriagan
Emakume batek argitaratu zuen euskarazko lehen liburua aukeratu dute Bilbo Zaharra euskaltegikoek Klasikoen Irakurketa Etenik Gabearen XVIII. ediziorako. Nerea Ibarzabal markinar idazle eta bertsolariak abiatuko du saioa, 08:00etan.
Jabier Kalzakortak Bilboko Liburu Azokako Urrezko Luma jaso du
Markinar irakasle, ikertzaile, euskaltzain eta idazleak jaso du Bilboko literatura hitzorduaren garaikurra. Herri literaturan aditu handia da Kalzakorta.
Jabier Kalzakorta: ''Neska harrigarri argia zen Bizenta Mogel''
Markinar euskaltzain, irakasle eta ikertzaileak Bizenta Mogelen argitasuna azpimarratu du.
Bizenta Mogel, "zigor zaurigarriaren beldur" izan ez zen idazlea
Ekainaren 5ean, "Ipuin onak" Bizenta Mogelen liburua irakurriko dute Arriaga antzokian, Klasikoen XVIII. Irakurketa Jarraituan. Euskaraz idatzi zuen lehen emakumetzat hartu izan da Bizenta, Joan Antonio Mogel "Peru Abarka"ren egilearen iloba.
Miren Agur Meabe, Dolores Redondo eta Mircea Cartarescu, Bilboko Liburu Azokako zilarrezko lumen irabazle
Maiatzaren 30etik ekainaren 8ra egingo da Areatzan 55. Bilboko Liburu Azoka. Hurrengo egunetan sari gehiago banatuko dira, besteak beste, Urrezko Luma eta Kutxabank Atea sariak.
Ngugi Wa Thiong'o kenyar idazlea zendu da
Thiong'ok kikuyu hizkuntzan idazten zuen eta Nobel sarirako hautagai izan zen sarritan; 87 urteko idazlearen hainbat lan daude euskaratuta, "Gerra garaiko ametsak" lan autobiografikoa, berbarako.
Esteban Urkiaga 'Lauaxeta' omendu dute haren jaiotzaren 120. urteurrenean
Bizkaiko Foru Aldundiak ekitaldi bat egin du gaur Laukizen, "Bide barrijak" eta "Arrats beran" sortu zituen poetaren jaiotzaren urteurrena ospatzeko.