Euskal antzerkia, dantza eta literatura, Edinburgon
Neguan musikarekin eta udaberrian zinemarekin egin bezala, Etxepare Euskal Institutuak euskal arte eszenikoak eta literatura jarriko ditu ikusgai, udan, Eskoziako hiriburuan, Scotland goes Basque programaren barruan.
Jaialdien arduradunek berek egin dute euskal sortzaileen hautaketa, bertora etorrita.
Abuztuan, Fringe jaialdia, arte eszenikoen munduko topagunerik garrantzitsuena, erakusleiho gisa erabiliko dute euskal sortzaile eta interpreteek: Krego-Martín Danzak, Akira Yoshidak eta Proyecto Colectivo HQPCk elkarrekin aurkeztuko dituzte euren lanak Dance Basen izango den Basque Showcase-n; 2Theatre Assembly Roomsen jardungo da; eta Edinburgoko kaleetan ikusgai izango dira Tio Teronen Semeak taldearen ikuskizuna eta, estreinakoz, Atlantik 1050 euskal zein eskoziar dantza tradizionalen ikuskizuna.
Atlantik 1050 abuztuaren 9an estreinatuko dute Edinburgoko kaleetan, itsasoa du eskoziar eta euskal kulturen arteko lokailu, eta bi herrietako dantzariak batzen ditu. Irailaren 22an Errenterian ikusi ahalko da, Atlantikaldia jaialdian.
Halaber, Edinburgon bertan, abuztuaren 10etik 18ra, euskal literatura gonbidatu berezia izango da Book Festival jaialdian; bertan jardungo dute Iban Zaldua, Harkaitz Cano, Miren Agur Meabe, Uxue Alberdi, Bernardo Atxaga, Eider Rodriguez eta Danele Sarriugarte idazleek; eta Joseba Etxegoien eta Eñaut Elorrieta musikariak horiekin batera izango dira eskoziar hiriburuan.
EUSKAL IDAZLEAK EDINBURGH INTERNATIONAL BOOK FESTIVAL JAIALDIAN: EGITARAUA
Abuztuak 10
12:30ean: Txekhov vs Shakespeare. Iban Zaldua eta James Robertson. Garden Theatre
15:30ean: Harkaitz Cano eta Jumoke Verissimo. Writer’s Retreat
Abuztuak 11
12:15ean: Miren Agur Meabe eta Zinzi Clemmons. Baillie Gifford Corner Theatre
18:00etan: Harkaitz Cano - Wine and Words. The Spiegeltent
(Danele Sarriugarte, itzultzailea; Joseba Etxegoien, musikaria)
21:00etan: Unbound: Scotland Goes Bertsolaritza! The Spiegeltent
“What is Bertsolaritza?” ikus-entzunezkoa
Uxue Alberdi, bertsolaria
(Danele Sarriugarte, itzultzailea)
Eñaut Elorrieta, kantaria
Abuztuak 12
18:00etan: Throwing Voices. Uxue Alberdi, Ciara MacLaverty, Rachel Newton.
The Spiegeltent
Abuztuak 17
19:00etan: Bernardo Atxaga eta Margaret Jull Costa. Baillie Gifford Corner Theatre
Abuztuak 18
10:00etan: Eider Rodriguez - Ten at Ten. Writer’s Retreat
14:00etan: Translation Workshop – Eider Rodriguez eta Margaret Jull Costa.
Kimpton Charlotte Square Hotel
EUSKAL ARTISTAK EDINBURGH FESTIVAL FRINGE JAIALDIAN: EGITARAUA
Abuztuak 1 - 25, 15:30ean:
2Theatre: Interbeing: Stories From a Current War
Assembly Rooms (Ball Room)
Abuztuak 7 - 10
Tio Teronen Semeak: FreshCool
Royal Mile Mercat Stage
Abuztuak 8 - 11, 12:15ean:
Basque Showcase
Krego-Martín Danza: (Non) Comfort Zone
Akira Yoshida: Home
HQPC Collective Project: Habrá que ponerse cachas
Dance Base (Studio 1)
Abuztuak 9
Atlantik 1050
Edinburgoko kaleetan barrena
Zure interesekoa izan daiteke
Gutun Zuria jaialdiak Gerediaga Elkartea eta Valerie Miles idazlea sarituko ditu
Gutun Zuria Bilboko Letren Nazioarteko Jaialdiaren 19. edizioa otsailaren 24tik 28ra egingo dute. Literatura eta argitalpen esparruko hogeita hamar bat sortzailek parte hartuko dute, eta “datozen egunetan” iragarriko dute programazioa.
Doinuelek 2026ko hitzorduak aurkeztu ditu
Euskarazko Plazen Sareak aurten egingo dituzten euskarazko literatura azokak aurkeztu ditu, Iruñean: Baztango (H)ilbeltza, Oiartzungo Literatura Plazara, Azokitiko Gure Gelatik, Zarauzko Literaturia, Ziburuko Euskal Liburu eta Disko Azoka, Hernaniko Liburu eta Disko Azoka, Sarako Ikusi Mikusi, Oiartzungo Hitzen Lihoa eta Lazkaoko Liburu eta Disko Azoka.
Nobela beltzaren hila
Gaur, astelehenarekin, (H)ilbeltza Euskal Nobela Beltzaren Baztango Astea eta Pamplona Negra Literatura eta Zinema Beltzaren Iruñeko jaialdia hasiko dira.
EHU eta Salamancako Unibertsitatea Miguel de Unamunoren heriotza aztertzen ari dira
Nola hil zen Miguel de Unamuno idazlea? Berez hil zen edo hil egin zuten? Idazle bilbotarraren heriotzaren inguruko eztabaida zabaldu da berriz ere, eta Euskal Herriko Unibertsitatearen eta Salamancako Unibertsitatearen ikerketa batek gertaera argitu nahi du.
EHUko adituek Unamunoren heriotza ikertzeko lantaldean parte hartuko dute
Salamancako Unibertsitatean diziplinarteko ikerketa sustatzeko ekimen bat bultzatzea erabaki du EHUko hainbat sailetako irakasle talde batek. “Unamunoren etxean kriminalitate-zantzu desberdinak agertu izanak EHU interpelatu egiten du USALek abiatu duen ikerketan parte hartzera”, adierazi dute.
Joxe Azurmendiri aitortza ekitaldia egin diote Durangoko Azokaren azken egunean
Jakin Fundazioko eta Gerediagako kideek aitortza omenaldia egin diote gaur Joxe Azurmendiri. Pentsalari, idazle eta euskaltzaleari eskainitako Jakin aldizkariren azken zenbakia izan du abiapuntu ekitaldiak. Horrekin batera, Azurmendiren Manifestu atzeratua errezitatu dute hainbat poetak Durangoko Azokako azken egunean.
Euskadi Literatura sariak banatu dituzte, Donostian
Irabazleen izenak iragarrita zeuden arren, gaur banatu dituzte, Donostiako San Telmo museoan, Euskadi Literatura sariak. Zazpi aitortza banatu dituzte, horrenbesteko ataletan. Euskarazko Literaturan, Unai Elorriaga saritu dute; gaztelaniazkoan, Garazi Albizua. Karmele Mitxelena, Maite Rosende, Koldo Biguri , Markos Zapiain eta Itxaso del Castillo izan dira beste arloetako sarituak.
Jon Arretxe: "Aldatzeko beharra sumatzen nuen"
Jon Arretxe idazleak Toureren istorioak alboratu, eta Txerriak eta loreak eleberri beltza argitaratu du. Durangoko Azokan izango da salgai.
Karmele Jaio: "Errealitatearen definizio intimo bat egin dut"
Gasteiztar idazleak Harrizko bihotza liburua aurkeztu du, denetariko testuak (hausnarketak, oroitzapenak, aforismoak, poemak...) Atik Zra sailkatuta biltzen dituen lana edo "taupaden alfabeto bat".
Jon Kortazarrek "Gabriel Aresti. Poesia eta gizartea" liburua idatzi du
Irakasle eta ikertzaileak Bilboko poetari eskaini dio bere lan berria (Pamiela, 2025), aurten bertan Lauaxetari buruzko beste liburu bat argitaratu eta gero.