Miren Agur Meabek Espainiako Poesiaren Saria irabazi du
Miren Agur Meabek poetak irabazi du 2021eko Espainiako Poesiaren Saria, 'Nola gorde errautsa kolkoan' lanagatik. Hamarkada bat eman du poema-liburua idazten.
Desioari, heriotzari, nostalgiari eta denboraren joanari buruz hitzen bidez egiten dituen gogoetak nabarmendu ditu epaimahaiak. Halaber,
"Kontrapuntu gisa, dimentsio ironikoa eskaintzen du bere hizkuntzan eta islatzen duen jarreran. Hamar urtean zehar egina, urteen joanaren garraztasuna eta bizitasun eta freskotasun hautsezina maisuki biltzen ditu", adierazi du epaimahaiak.
Meabe pozarren eta urduri agertu da sariagatik. Kontatu duenez, Miquel Iceta Kultura ministroak eman dio berrio ona, sukaldean zartagina sutan zuela.
"Hankak dardarka jarri zaizkit eta oso eskertua sentitu naiz. Nire arbasoen argazki bat daukat zuri-beltzean etxeko pasilloan eta egin dudana lehendabiziko gauza argazki horri musu ematea izan da", kontatu du.
Sari honek bere bizitza justifikatu duela adierazi du. "Lanpostua utzi nuen idazle izateko eta ahalegin hori irakurleen babesak konpentsatu du, baina sari honek beste dimentsio bat dauka, opari bat da niretzako eta nire senideentzako", aitortu du.
Horrez gain, sari hori "euskararentzat errekonozimendu garrantzitsua" dela azpimarratu du eta erantsi du "harro" dagoela Espainiako Poesia Saria irabazten duen lehen euskalduna delako. Aurrez, Bernardo Atxagak, Unai Elorriagak eta Kirmen Uribek lortu zuten aipatu golardoa, baina narratibaren sailean.
"Oso hunkigarria da sari hau Euskal Herrira eta, nola ez, Lekeitiora ekartzen duen lehen emakumea izatea", berretsi du.
Biografia
Miren Agur Meabe idazle eta itzultzailea Lekeition jaio zen, 1962an. Irakasle diplomatu zen, Gizarte Zientzietako espezialitatean, eta Euskal Filologian lizentziatu. Giltza-Edebe taldean argitalpen zuzendaritza eta kudeaketan aritu da. Euskaltzaina da 2006tik.
Batez ere poesia eta haur literatura idatzi ditu. Helduentzako narrazioak ere landu ditu. 'Azalaren kodea' poema liburuak Espainiako Kritikaren Sari Nazionala jaso zuen 2000n, eta 2010ean argitaratu zuen 'Bitsa eskuetan' poema bildumak euskarazko Poesia Kritikaren Saria.
2002. urtean Haur eta Gazte Literaturako Euskadi Saria jaso zuen 'Itsaslabarreko Etxea' lanari esker, baita 2007an ere, 'Urtebete itsasargian' obrarekin. Prosa eta poesia uztartzen dituen 'Mila magnolia-lore' (2010) bilduma IBBY erakundearen Ohorezko Zerrendan sartu zuten, eta hurrengo urtean Haur eta Gazte Literaturako Euskadi Saria jaso zuen berriro 'Errepidea' lanari esker. 2020an 'Begiak zerumugan' kaleratu zuen.
Zure interesekoa izan daiteke
Profesionalen eguna, Sarako Idazleen Biltzarra bukatzeko
Apirilaren 5ean abiatutako topagune literarioa gaur bukatuko da, profesionalei eskainitako jardunaldi batean. Aurten, Marikita Tambourin Baigorrin sortutako idazle, irakasle, ikertzaile eta militantea eta Anne-Marie Lagarde zuberotar idazle, ikertzaile eta antropologoa omendu dituzte.
Jabier Muguruza musikari eta idazleak bere lehen eleberria argitaratu du: "Café Mokka"
Eleberria “lehen pertsonako kontakizun intimo eta ironikoa eskaintzen du, kafetegi baten egunerokotasunetik abiatuta. Café Mokka kafetegia behatoki soziokultural bilakatzen da, non bezeroen elkarrizketek eta eguneroko egoerek gizartearen kontraesanak, joerak eta aldaketak islatzen dituzten”.
Literatura plazara aterako dute Oiartzunen ostera ere
Martxoaren 9tik 28ra, Literatura Plazara egingo dute Oiartzunen, laugarrenez, eta euskal literaturaren inguruko zortzi hitzordu jarri dituzte antolatzaileek, 1545 argitaletxeak.
Emakume idazleek presentzia irabazi dute: ahots, gorputz eta gai berriak ekarri ditu feminismoak
Feminismoak aldaketa sakonak ekarri ditu azken urteotan, baita literaturan ere, eta gai, begirada, ahots, gorputz eta narratiba berriak ekarri ditu. Duela mende erdi emakumezko idazle gutxi zeuden, eta bigarren maila batera baztertuta zeuden, gainera. Orain, berriz, oso garrantzitsua da horien presentzia, eta, besteak beste, sariak eta bekak irabazten ikusten ditugu.
António Lobo Antunes portugaldar idazlea zendu da
Portugalgo literaturaren izen erraldoiak, inkontzientearen eta memoriaren biltzaile eta idazkariak, 83 urte zituen. Euskaraz, “Gauzen ordena naturala” irakur daiteke.
Gutun Zuria jaialdiak Gerediaga Elkartea eta Valerie Miles sarituko ditu
Gaur, asteartearekin, hasiko da Bilboko literatur jaialdia, eta hilaren 28ra arte iraungo du. Aurten, Gerediaga Elkarteari, Durangoko Azoka antolatzaileari, eta Valerie Miles idazle eta editore estatubatuarrari eskainiko dizkie ohorezko sariak.
Euskaltzaindiak eta EIEk hitzarmena sinatu dute, idazle gazteei laguntzeko
Euskaltzaindiak eta Euskal Idazleen Elkarteak (EIE) lau urterako akordioa adostu dute. Euskaltzaindiak urtean bi ikastaro emango dizkie EIEren bazkideei, bekak deituko ditu eta mentoretza programa abiatuko du. Andres Urrutia euskaltzainburuak, Mikel Ayllon EIEko zuzendaritza batzordeko kideak eta Miren Agur Meabe idazle eta Euskaltzaindiaren idazkariak hartu dute parte ituna sinatzeko ekitaldian.
Hitza erdigunean jarriko du Gutun Zuriak berriz, 19. edizioan
Bernardo Atxagak, Alana S. Porterok, Karmele Jaiok, Layla Martinezek, Harkaitz Canok, Mario Obrerok, Miren Agur Meabek eta beste hainbat idazlek parte hartuko dute letren Bilboko nazioarteko jaialdian.
Xabier Montoiak "Bakea, bakea" eleberria aurkeztu du
Inazio Osa 43 urteko donostiarrak hondamendia biziko du ama hiltzean, "baina laster ikasiko du oker dagoela oso, deskalabrurik handienean ere beti baita posible zuloan beherago erortzea, are eta zoritxar handiagoak etortzea".
'Lauaxeta, ametsen egilea' erakusketa Euskal Abertzaletasunaren Museora iritsi da, Bilbora
Sabino Arana Fundazioaren Euskal Abertzaletasunaren Museoak Lauaxeta, ametsen egilea erakusketa ibiltaria izango du ikusgai Sabin Etxean, Bilbon, martxoaren 12ra arte. Bizkaiko Foru Aldundiak antolatu du erakusketa, museoarekin lankidetzan, Esteban Urkiaga Lauaxeta euskal olerkari eta idazlearen jaiotzaren 120. urteurrena gogoratzeko.