Jon Gerediagak, Harkaitz Canok eta David de las Herasek Euskadi Literatura saria jasoko dute
Zeru-lurren liburua (Jon Gerediaga), Mundua pitzatuta dago baina hantxe gabiltza oinez (Harkaitz Cano) eta Campos de Castilla (David de las Heras) lanek irabazi dute Euskadi Literatura saria Euskarazko Literatura, Euskarazko Haur eta Gazte Literatura eta Literatur Lanen Ilustrazioa modalitateetan hurrenez hurren, Ibone Bengoetxea lehen lehendakariorde eta Kultura eta Hizkuntza Politikako sailburuak gaur goizean Bilbon iragarri duenez.
Saridun bakoitzak 18.000 euroko saria izango du, eta beste 4.000 euro eskura ditzake bere lana beste hizkuntza batean argiratzen bada. Falta diren lau modalitateetako irabazleen izenak (Literatura Gaztelaniaz, Euskarazko Literatura Itzulpena, Saiakera Euskaraz eta Saiakera Gaztelaniaz) datorren astean iragarriko dituzte, eta sariak banatzeko ekitaldia azaroaren 21ean egingo dute, Artium museoan, Gasteizen.
Euskarazko Literatura sariko epaimahaiak adierazi duenez (Arantxa Urretabizkaiak, Maite Lopez las Herasek, Alexander Gurrutxagak, Ane Labakak eta Mikel Ayerbek osatu dute), Jon Gerediagaren Zeru-lurren liburua obra "naturaren behaketatik abiatzen den hausnarketa poetikoa da" eta "gizakia bere minarekin aurrez aurre jartzen du". "Iraun behar duenaren aldeko poesia da Gerediagarena", gaineratu du epaimahaiak.
Laugarren aldia da, 1997tik, poesia lan batek Euskarazko Literatura saria irabazi duela. Linbotarrak (Asier Serrano), 2017an; Egunsentiaren esku izoztuak (Xabier Lete), 2005ean; eta Galderen geografia (Felipe Juaristi), 1998an, izan ziren aurrekoak.
Euskarazko Haur eta Gazte Literatura modalitateko epaimahaiak (Patxi Zubizarreta, Larraitz Idarreta, Xabier Etxaniz, Naroa Zubillaga eta Ruben Ruiz) aurtengo saria Harkaitz Canorentzat dela erabaki du, Mundua pitzatuta dago baina hantxe gabiltza oinez liburuari esker; laugarren Euskadi Literatura saria du hau Canok.
Epaimahaiko kideen iritziz, Mundua pitzatuta dago baina hantxe gabiltza oinez liburu ilustratuak (Isabel Herguerak jantzi du irudiz) "liburutegiei omenaldia egiten die" eta "literaturaz harago, heriotza, maitasuna, senitartekoen harremanak eta beste horrenbeste gai unibertsal jorratzen ditu protagonistaren bizitzatik abiatuta eta beste idazle asko gogora ekarrita istoriora".
David de las Herasen Campos de Castilla lanaren inguruan, Literatur Lanaren ilustrazioa modalitatearen epaimahaiak (Joseba Larratxe, Janire Orduna, Jose Carlos Torre, Jose Antonio Morlesin eta Miren Asiain) uste du "lan borobila" dela eta hau adierazi du: "Maisuki erabili ditu teknika eta forma guztiak, ilustrazioa poesia bihurtuz". De las Herasek Antonio Machadoren liburu ezagunenaren interpretazio ausarta egin du lan honetan.
Albiste gehiago literatura
400 lagunek Bizenta Mogelen "Ipui onak" irakurriko dute ostegunean, Arriagan
Emakume batek argitaratu zuen euskarazko lehen liburua aukeratu dute Bilbo Zaharra euskaltegikoek Klasikoen Irakurketa Etenik Gabearen XVIII. ediziorako. Nerea Ibarzabal markinar idazle eta bertsolariak abiatuko du saioa, 08:00etan.
Jabier Kalzakortak Bilboko Liburu Azokako Urrezko Luma jaso du
Markinar irakasle, ikertzaile, euskaltzain eta idazleak jaso du Bilboko literatura hitzorduaren garaikurra. Herri literaturan aditu handia da Kalzakorta.
Jabier Kalzakorta: ''Neska harrigarri argia zen Bizenta Mogel''
Markinar euskaltzain, irakasle eta ikertzaileak Bizenta Mogelen argitasuna azpimarratu du.
Bizenta Mogel, "zigor zaurigarriaren beldur" izan ez zen idazlea
Ekainaren 5ean, "Ipuin onak" Bizenta Mogelen liburua irakurriko dute Arriaga antzokian, Klasikoen XVIII. Irakurketa Jarraituan. Euskaraz idatzi zuen lehen emakumetzat hartu izan da Bizenta, Joan Antonio Mogel "Peru Abarka"ren egilearen iloba.
Miren Agur Meabe, Dolores Redondo eta Mircea Cartarescu, Bilboko Liburu Azokako zilarrezko lumen irabazle
Maiatzaren 30etik ekainaren 8ra egingo da Areatzan 55. Bilboko Liburu Azoka. Hurrengo egunetan sari gehiago banatuko dira, besteak beste, Urrezko Luma eta Kutxabank Atea sariak.
Ngugi Wa Thiong'o kenyar idazlea zendu da
Thiong'ok kikuyu hizkuntzan idazten zuen eta Nobel sarirako hautagai izan zen sarritan; 87 urteko idazlearen hainbat lan daude euskaratuta, "Gerra garaiko ametsak" lan autobiografikoa, berbarako.
Esteban Urkiaga 'Lauaxeta' omendu dute haren jaiotzaren 120. urteurrenean
Bizkaiko Foru Aldundiak ekitaldi bat egin du gaur Laukizen, "Bide barrijak" eta "Arrats beran" sortu zituen poetaren jaiotzaren urteurrena ospatzeko.
Literaturak eskaintzen duen ihesbidea ospatuko du Literaturiak
Maiatzaren 23tik 25era egingo dute Literaturia Zarautzen, aurten 'Ihes' lelopean. Liburu azoka, liburu aurkezpenak, elkarrizketak, eta musika, antzerki eta bertso emanaldiak bildu dituzte programan.
"Pleibak" Miren Amurizaren liburuak irabazi du 111 Akademiaren saria
111 Akademia literaturazaleen elkarteko kideen bozketen arabera, Miren Amurizaren eleberria izan da 2024. urteko literatura lanik onena.
Paloma San Basiliok "Uxoa, el secreto del valle" aurkeztu du, Baztanen girotu duen eleberri berria
Artista madrildarrak Iruñean aurkeztu duen eleberriak galerei, doluari eta bizitzan aurrera egiten saiatzeari buruzko hausnarketa egiten du. "Ez da autobiografikoa, baina galera baten eta berreraikuntza baten istorioa da", azaldu du idazleak.