Donostiako Jazzaldiak Toshiko Akiyoshi pianista sarituko du
Donostiako 49. Heineken Jazzaldiak gaur iragarri du kontzertuen kartel osoa, eta Toshiko Akiyoshi pianista eta orkestra zuzendariaren ibilbidea sarituko duela jakinarazi du.
Miguel Martin Jazzaldiko zuzendariak eta Juan Karlos Izagirre Donostiako alkateak zuzendu dute uztailaren 23tik 27ra ospatuko den jaialdiaren aurkezpen ekitaldia.
Guztira 107 kontzertu ospatuko dira hirian barna sakabanatutako 16 agertokitan; horietatik 73 doakoak izango dira. Gainera, antolatzaileak datorren urteari begira hasi dira jada, jaialdiaren 50. urteurrena izango denez, haren historia errepasatu nahi baitute.
49. edizioan, jazz munduko artista esanguratsuak bilduko dira Donostian, esaterako, Chick Corea, Bobby McFerrin, Stanley Clarke, John Scofield eta Dave Holland. Gainera, ikusleek rock eta pop doinuez gozatzeko aukera ere izango dute, Ray Davis, Echo and The Bunnymen eta The Horrorsen eskutik, besteak beste. Guztira, 22 herrialdetako 362 musikari gerturatuko dira Gipuzkoako hiriburura.
Urtero bezala, jaialdiak karteleko artista baten ibilbidea sarituko du. Aurtengoan, Toshiko Akiyoshi pianista eta orkestra zuzendari japoniarrak jasoko du garaikurra uztailaren 25ean, Basque Culinary Centerren eskainiko duen kontzertuan.
Akiyoshi haren taldearekin izan zen Donostian, 1982an, eta Grammy sarietarako bederatzi izendapen lortu ditu interpretatzaile gisa. Jazz talde bat gidatu duen emakume bakarretakoa da Akiyoshi.
Heineken Jazzaldiaren 49. edizioa uztailaren 23an hasiko da, Ray Davis Kinks talde ezaguneko buruak Zurriola hondartzan eskainiko duen kontzertuarekin. Amaiera, aldiz, Dee Dee Bridgewaterren ahotsak emango dio uztailaren 27an, Trinitate plazako agertokian.
Zure interesekoa izan daiteke
Sigur Rós talde islandiarrak Bilbon joko du irailaren 15ean
Emanaldia Euskalduna Jauregian izango da, Bilbao Orkestra Sinfonikoarekin batera. Kontzertua Robert Ames zuzendariarekin eta tokian tokiko orkestrekin egiten ari diren biraren parte da.
Basoa eta Lasai Bilbao BBK Live jaialdiko guneek osatu dute aurtengo kartela
2manydjs (DJ set), Donato Dozzy, Erol Alkan, Meritxell de Soto, DJ Koze, Somadamantina (live) eta beste hainbat disko-jartzaile arituko dira jaialdiko bi gune elektronikoetan.
Abestu Euskadiko Orkestrarekin ekimenaren bigarren edizioa Euskaldunara iritsiko da gaur
Aurten 132 abeslari ez profesionalek parte hartuko dute ekimen honetan, orkestrarekin eszenatokian zuzenean abestuz. Gaur Bilbon arituko dira, Euskalduna Jauregian, eta datorren astean bi emanaldi eskainiko dituzte Donostian, Kursaal Jauregian.
Juanjo Mena, euskal batuta unibertsala
Musikari gasteiztarra Bilboko Orkestra Sinfonikoaren, BBCko Orkestra Filarmonikoaren eta Cincinnatiko Maiatzeko Jaialdiaren zuzendari titularra izan da, eta Arabako Urrezko Domina eta Gasteizko Seme Kutunaren izendapena jaso ditu.
Euskal orkestra-zuzendariak bideo hau kaleratuta eman zuen jakitera alzheimerra zuela
Nazioartean ospe handia duen zuzendariak 2025ean eman zuen diagnostikatu zioten gaitz horren berri, eta "lasaitasunez eta musikarekiko esker onez" aurre egingo ziola esan zuen.
Juanjo Menak agur esango dio publikoari aurten
Gasteizko orkestra-zuzendariaren aurtengo kontzertuak “podiumetik” egingo dituen azkenak izango dira, eta egindako bidea gogoratu nahi du berorietan. Alzheimerra detektatu ziotela iragarri zuen 2025eko urtarrilean.
Eñaut Elorrieta diskoa grabatzen ari da, Bryce Dessner eta David Chalmin ekoizleekin
Musikaria The National taldeko gitarristarekin eta Triple Sun taldeko kidearekin ari da bere hurrengo lana ontzen, Senperen. Bon Iver, Sufjan Stevens, Bruce Springsteen, Nick Cave, Taylor Swift eta Madonna musikariekin zein Labèque ahizpekin aritutako musikariek parte hartuko dute saioetan.
Bilbao All Star Blues Band, Travellin’ Brothers eta The Cherry Boppers, Bilbao Blues Festivalen
Festibalaren bosgarren edizioan Bilbao All Star Blues Band taldeak joko du, jaialdirako propio sortua eta Bob Stroger baxu-jotzaileak eta Willie Buck abeslariak osatzen dutena, besteak beste.
Gure Ahotsak zikloak Clara Peya, La Tremendita, Chica Sobresalto, Mirua eta Neomaken kontzertuak eskainiko ditu
Emanaldi errenkadak emakume musikarien kontzertuak antolatu ditu berriz Donostian, martxoaren 3tik 7ra.
ETS, Nøgen, Hofe, Danielle Nicole eta Ibibio Sound Machine, Zurriolan Jazzaldian
Donostiako 61. Jazzaldian Zurriolako hondartzan, Keler Gunean, doako kontzertuak eskainiko dituzten talde eta artisten izenak iragarri dituzte. Uztailaren 22tik 25era, zortzi kontzertu izango dira.