Dave Douglas Donostiako Jazzaldira itzuliko da, uztailaren 21ean
Dave Douglas tronpetari ezagunak, jazz garaikideko izar nagusietako batek, 51. Jazzaldian joko du, uztailaren 21ean, 19:30ean, Kursaaleko terrazetan.
Oraingoan, High Risk laukotearen buruan dator Douglas, Shigeto (elektronika), Jonathan Maron (baxu elektrikoa eta baxu sintetizatua) eta Ian Chang (bateria) lagun dituela. Jazza eta musika elektronikoa uztartzen dituzten joera modernoenen abangoardian kokatzen dute adituek High Risk laukotea.
Douglas 1994, 2002, 2009, 2011 eta 2013. urteetako Jazzaldietan egon da, batzuetan lider modura eta proiektu koralagoetan beste batzuetan (Tea for 3 izenekoan, adibidez, Enrico Rava eta Avishai Cohen tronpetariekin) eta argi utzi du nonahi jotzeko gai dela.
Bestalde, John Nemeth & The Blue Dreamers Agertoki Berdean arituko dira uztailaren 21ean, 23:55ean. Zappek utzitako hutsunea beteko dute, honek ez baitu azkenean Jazzaldian joko.
Albiste gehiago musika
Bilbon barrena eskaini dituzten kontzertuekin motorrak berotzen dabiltza melomanoak
BBK LIVE jaialdia azken egunetara ari da iristen. Hala ere, larunbatak Bilboko hirian barrena kontzertuak eskainiko dizkigu, melomanoek motorrak berotu dezaten.
Bad Gyalen reggaetoi doinuek Bilbao BBK Live jaialdia bete dute
Ekaitzaren ondorioz, Kataluniako abeslaria 20 minutuko atzerapenarekin azaldu da oholtza gainean, baina dena dela, kontzerturik jendetsuenetako bat izan da.
Kneecap taldearen kontzertua, Palestinaren aldeko aldarri bihurtuta
Palestinari elkartasuna adierazteko emanaldi sendoa eskaini du Ipar Irlandako hirukoteak Bilbao BBK Live jaialdiko agertokian.
Euri jasak, haize eta trumoiekin batera, BBK Liveko gaueko programazioa lausotu du, Amaia eta Rayeren emanaldiak zapuztuz
Jaialdiaren azken egunean, Kylie Minogue australiarra izango da oholtza gainean, baita Carolina Durante, Nathy Peluso eta Damiano David ere.
Kylie Minogue, Nathy Peluso, Damiano David eta Fat Dog, Kobetamendiko festa burutzeko
Bilbao BBK Livek aurtengo edizioko azken gaualdia du gaurkoa. Malko, Amateur, Janus Lester, Viva Belgrado, Sparks eta Carolina Durante ere ageri dira gaurko kartelean.
Ipar Irlandako Kneecap taldeko raperoek Kobetamendiko musikazaleen arreta bereganatu dute
Belfasteko taldea Bilbao BBK Live jaialdiko karteleko izen handietako bat izan da. Irlandera ere erabilita, arazorik gabe aritu dira politikaz eta gizarte arazoez, eta jaia pizten iaioak direla erakutsi dute agertokiaren gainean.
Pulpek klase erakustaldia egin du Kobetamendin
Britpoparen beteranoek kontzertu dirdiratsua eskaini dute bart, Bilbao BBK Live jaialdiaren hemeretzigarren edizioaren aurreneko gaualdian. Mirua, Michael Kiwanuka eta Ca7riel & Paco Amoroso ere nabarmendu dira bertan.
Giro goxo eta paregabea sortu du Michael Kiwanukak Bilbao BBK Live jaialdian
Michael Kiwanuka kantari eta konpositore britainiarra izan zen Bilbao BBK Live 2025 jaialdiko lehen eguneko protagonistetako bat. Soul, folk eta rock doinuak uztartuz, publikoa bereganatu zuen giro aparta eta emozionala sortu zuen artistak.
?fmt=webp-alpha&qlt=80)
Rayeren, Amaiaren, Bad Gyalen eta Kneecapen gaua, Bilbao BBK Liveko bigarrena
Jaialdiaren erdibidean, Belfasteko rap hirukotea eta Bad Gyal, Raye, Amaia, Jessica Pratt eta Amyl and The Sniffers igoko dira oholtzara, besteak beste. Xsakarak eta Sal del Cochek ere joko dute Kobetamendin.
Giro paregabea eta festarako gogoa nagusi, BBK Liven lehen uneetan
Kanpinean mota guztietako zerbitzu eta ekintzak eskaintzen dituzte, baita euskal dantzak ikasteko aukera edota yoga egitekoa ere. Munduko leku guztietako zaleak biltzen ditu Bilboko musika jaialdiak, kontzertuekin gozatu eta hiriko giroa bizitzeko asmoz.