John Abercrombie eta Dianne Reeves, Getxoko Jazzaldian

Getxoko jazz jaialdia ekainaren 28tik uztailaren 1era ospatuko da. Kontzertu handiez gainera, urtero bezala, Talde Lehiaketako kontzertuak ere egongo dira gauero.

Diana Reeves abeslariak uztailaren 1ean joko du Getxon

Agentziak | Erredakzioa

2017/03/14 - 14:25

Azken eguneratzea

2017/03/14 - 14:25

Getxoko 41. Jazzaldia ekainaren 28tik uztailaren 1era ospatuko da, eta iragarri ditu saio nagusietako izen batzuk. John Abercrombie eskarmentu handiko gitarrista ekainaren 29an arituko da, eta Dianne Reeves, egungo jazzaren ahots handienetariko bat, uztailaren 1ean.

Jaialdiko saio nagusien eskaintza beste hiru kontzerturekin osatuko da, eta horri Talde Lehiaketako eta Hirugarren Milurtekoa ataleko saioak eta jam session interesgarriak gehituko zaizkio.

John Abercrombie (1944, Port Chester, New York) jazz munduko gitarra maisu ospetsuenetakoa da, antolatzaileen hitzetan. Johnny Hammond Smith organistaren bandan, Gil Evans, Gato Barbieri, Barry Miles eta Billy Cobhamekin jo du, besteak beste. Getxon, Marc Copland (pianoa), Joey Baron (batería) eta Drew Gress (baxua) izango ditu lagun agertoki gainean.

Bestalde, Dianne Reeves abeslariak (1956, Detroit, AEB) bost Grammy sari eskuratu ditu, eta Wynton Marsalis, Chicagoko Orkestra Sinfonikoa eta Berlingo Filarmonikoa izan ditu lagun, besteak beste.

Talde Lehiaketa

Biotz Alai plazako kontzertu nagusien aurretik, zaleek Talde Lehiaketako saioez gozatzeko aukera izango dute aurten ere. 2017ko edizio honetan, talde hauek izango dira finalean: Adam Jarzmik Quintet (Polonia), Malstrom (Alemania), Sun-Mi Hong Quintet (Hego Korea, Italia eta Erresuma Batua) eta Claudio Jr. de Rosa Jazz Quartet (Italia, Grezia, Espainia eta Lituania).

Ohikoa denez, hautatutako taldeek jaialdiaren lehenengo lau egunetan joko dute, eta irabazlea azken egunean ere arituko da bertan.

Albiste gehiago musika

Bizkaiko Erromeria Eguna urriaren 4an ospatuko dute, Durangon

30 taldek baino gehiagok hartuko dute parte ospakizunaren lehen edizioan: Ibon Koteron eta Julen Begoña albokariak, Iker Alvarez eta Aitor Urkiza txistulariak, Mirari Azkune eta Aintzane Agirrebeña trikitilariak, Zabaleta eta Motriku trikitilari historikoak, Aiko, Luhartz…

Dave Douglas Quartetek Getxoko jazz jaialdia itxi du

Estatubatuar tronpeta-jotzaileak bost eguneko egitarau oparoa itxi du bart, Muxikebarri antzokian.

Oasis oholtza gainean da berriro, 16 urteren buruan, eta munduko birari ekin dio Cardiffen eskainitako kontzertu supersoniko batekin

75.000 pertsona bildu ziren bart Principality Stadiumen "Oasis Live '25" izenburuko biraren lehen emanaldian. Gallagher anaiak sorbaldatik helduta iritsi ziren, eta eskuak altxatuz, jendaurrean modu sinbolikoan bakeak egin zituzten.

Oasis taldeak isilaldia etengo du gaur, Cardiffen hasiko den bira historiko batean

Manchesterko taldea agertokietara itzuliko da gaur, mundu mailan ikusmira piztu duen kontzertu batean. Gallagher anaien mundu birak Europa, Amerika, Asia eta Ozeania zeharkatuko ditu, sarrera guztiak agortuta dituztela.

Paquito D’Rivera Quintetok Getxo sorgindu du

Kubatar klarinete eta saxo jotzaileak emanaldi gogoangarria eskaini du Getxoko jazz jaialdiaren bigarren gauean, Pepe Riverok (pianoa), Yuvisney Aguilarrek (perkusioa), Reinier Elizarde ‘el Negrón’ek (kontrabaxua) eta Sebastián Laverdek (bibrafonoa) lagunduta.