Avicii, musika elektronikoaren izar handienetako bat
Avicii DJ suediarra musika elektronikoaren ikur egin zen azken urteetan, 28 urte baino ez zituen arren.
Aldi baterako behintzat, erretiroa hartzen zuela iragarri zuen musikariak 2016ko martxoan, beste esparru batzuk esploratzeko eta “artistaren atzean dagoen pertsonaren bizitzarentzako” denbora gehiago izateko.
Orduan, agertokietara itzultzea baztertzen ez zuela azaldu zien jarraitzaileei gutun luze batean, baina itzulera denbora gutxi barru gertatuko ez zela argi utzi zuen: “Nire ibilbidean arrakastak izan dira, baina baita gorabehera handiak ere. Artista bezala hazi, eta aldi berean pertsona heldu bihurtu naiz, nire burua hobeto ezagutzen ikasi dut, eta nire bizitzan gauza ugari egiteko ditudala konturatu naiz”.
DJ Aviciik osasun arazoak izan ditu urteetan, besteak beste, pankreatitis akutu bat, “neurri handi batean alkohola gehiegi kontsumitzeagatik”, Variety aldizkariak gaur ziurtatu duenez.
Avicii 1989ko irailaren 8an jaio zen, Stockholmen (Suedia). Levels abestiari esker mundu mailan sona handia lortu zuen DJ eta musika elektronikaren produktore gisa.
Bere ibilbidean beste kanta ezagun asko ditu Aviciik, hala nola, Wake Me Up edo Hey Brother eta True (2013) edo Stories (2015) diskoak.
DJ suediarra mundu osoko jaialdietan izarra izan da. Era berean, beste artista handi batzuekin lan egin du, besteak beste, Coldplay (A Sky Full of Stars), David Guetta (Sunshine), Lenny Kravitz (Superlove), Robbie Williams (The Days) eta Rita Orarekin (Lonely Together).
2014an Dar um Jeito (We Will Find a Way) egin zuen, Brasilen egindako Munduko Futbol Txapelketaren ereserkia, Carlos Santana, Wyclef Jean eta Alexandre Piresekin batera.
Zure interesekoa izan daiteke
BOSek Joaquin Achucarro pianista omendu du
Guztira, 85 kontzertu eman dituzte elkarrekin Bilbao Orkestra Sinfonikoak eta pianista beteranoak, 80 urtean. Orkestrak Achucarroren izena jarri dio piano bati, eta musikariak berak estreinatu du.
Xak, Ketekalles eta Niña Coyote eta Chico Tornado kartelera batu ditu EHZk
Euskal Herria Zuzenean festibalak ekainaren 26, 27 eta 28an ospatuko du 30. Urtebetetzea, Arberatze-Zilhekoan. Musika talde, ikuskizun eta hitzaldien zerrenda handitu dute kartelean.
ABAOk 9 lan eskainiko ditu bere 75. denboraldian
Operaren Lagunen Bilboko Elkartearen 75. denboraldia Verdiren La traviatak abiatuko du, urriaren 17an; hiru urtean, 1953an elkartea sortu zeneko 75. urteurrena ere ospatuko dute.
Euskal Herriko musika industriari bilgunea eskainiko dio Must +PROk
Programa profesionala eta publikoari irekitako programazioa uztartuko ditu Euskal Herriko musikaren topaketa profesionalaren bigarren edizioak, maiatzaren 13 eta 14an, “musika ekosistema barrutik eta kanpotik indartzeko”.
Flamenco On Fire jaialdiak Nafarroako hiru udalerritan zabalduko du "Andaluziako kadentzia"
Nafarroako flamenko jaialdia Viana, Lizarra eta Iruñera iritsiko da, abuztuan.
Nerea Erbitik, Arturo Reverterrek eta Benito Lertxundik jasoko dute Donostiako Orfeoia-EHU saria
Uztailaren 10ean, ahots musikako taldeak eta Euskal Herriko Unibertsitateak ekitaldi bat antolatu dute, sariketaren 25. urteurrena ospatzeko.
BBK Legends Bilbao jaialdiak kontzertuen ordutegiak iragarri ditu
Chris Isaak 22:15etik aurrera arituko da ostiralean, eta Tom Morello 22:50 oholtzaratuko da larunbatean, jaialdiaren bigarren egunean.
Ahotsak protagonista Euskadiko Orkestraren kontzertuetan, Strauss eta Mandelssohnen doinura
Programa sinfoniko berria maiatzaren 4an hasiko da, Gasteizen, Alexander Liebreich alemaniarraren zuzendaritzapean. Programa sinfoniko berria maiatzaren 4an hasiko da, Gasteizen, Alexander Liebreich alemaniarraren zuzendaritzapean.
ETSk iragarri du hirugarren kontzertu bat egingo duela Buesan, aurreko bietarako sarrera guztiak saldu ondoren
Talde arabarrak iragarri du martxoaren 13an ere eskainiko duela "Etxean" ikuskizuna Gasteizen, martxoaren 19ko eta 20ko kontzertuetarako 30.000 sarrerak 24 orduan saldu ondoren.
Saldu dira ETSren Gasteizko kontzerturako sarrera guztiak, eta beste emanaldi bat iragarri dute
Arabako taldeak beste kontzertu bat emango du Buesa Arena pabiloian, martxoaren 19an, Gasteizen martxoaren 20rako iragarri zuten "Etxean" kontzerturako sarrerak berehala, ordubete luzean, agortu baitituzte.